Gewilde Bybelverse vanaf Psalm Late 63

Deel

Pathian awng, nangma in ka Pathian na hi a, nangma kong thangai hi. Ka nuntakna buppi in nang hong dei hi; tui om ngawl, munko, lei tulsate in tui a du bangin ka thaa in nang hong du hi.

Nong itna kip sia nuntakna sangin phazaw hi, tua ahikom nang kong pok tu hi.

Ka nuntak lai teng lungdam kong ko tu hi; ka khutte laamto in thu kong ngen tu hi.

Inn thiangtho sungah nang hong musak ta'n; nang sia bangza in minthang a thahat cisia hong musak ta'n.

banghang ziam cile nangma in a tawntungin kei hong hu pa na hi hi. Na thakhui ii limh nuai ah lungdam in la ka sa hi. Nangma kong luai a, na khut in hong keamcing hi.

Lupna tungah ka lup ciangin nang kong phawk a, zankhuateakin nang kong ngaisun hi