Gewilde Bybelverse vanaf Maakɨ 9

Deel

Sara wɨdɨna kya' Jizaazai wɨdɨna “ ‘Nɨmɨre dɨragɨnya' darɨka!’ dɨza' pwai nayaa nyɨmɨdɨmanɨkei sahwai yuya yannelyɨra.”

Dɨragɨnna sara kuda' yɨme'nya'bɨ' ganɨmaangai yarai wɨdɨna “Gɨmɨdɨmanɨgevwi maalɨka warɨke'na naanga yɨma'nya'ne' dɨnyɨgaimwana!”

Angevɨ mi'na wɨlamwaaina kya' gamɨjɨ gamɨrerari gavera mwaaidapi gamɨrera yɨdaanganna “Sahwaina yɨmakerɨ wɨdasaanne' gara yawaajɨ wɨdasaannekajɨnyɨra?” Yɨdaanganna kye' sai wɨdɨna “Yɨmaka darɨna Gotɨyarɨ tɨbarɨyagaala kadapɨri bwalyawodelyɨra. Aane pɨrɨ' kɨrɨ'na mɨka!”

Saalya' nawɨ'nyasɨra. Sa'na saalya' gɨrɨngwɨta yɨma'nojɨ nawɨ'nya ayɨna gara yadevaka? Aawa. Nawɨ'nya mima'nyɨ yadesɨra. ‘Nemɨ saala gɨrɨngwɨsa'bɨsaina nyɨma'naadɨka!’ dapɨjɨ nayaa dɨmwaalyidera. Gazaizai gamɨnyɨ pwarɨna kwaamu'na mwaalana!”

“Pwai kwai nɨmɨnyɨna yawɨrojɨ kaimɨraaya daibɨsamɨlɨ' maaraja' nɨmɨnyɨ nyɨmaaradeinyɨra. Nabaai sai sara nyɨmaarajai nɨmɨnyɨ gaveinyɨ nyɨmaaradeinyɨ mɨ'. Aawa. Nɨmaamaangei nyɨdasaabakerɨjɨ maaradelyɨra.”

Sare' dare'nesɨ. Pwai sarɨmɨnyɨna ‘Kɨraazɨtɨyarerɨ mɨjɨka'na aalya tɨka nya'ne' wɨjaavɨma!’ dozɨya'na nɨmɨnyɨna yɨhɨzaavajai. Yɨ sahwarɨna nebwi yɨhɨthɨwa. Gotɨyai gamɨnyɨne tɨvɨkɨta tewaanya mujaayɨ yadei mɨka! Arɨkewɨ.”

“Pwai kaimɨraaya damɨlɨ'bɨsamɨlɨ' nɨmɨnyɨ nyɨlɨmwaga'demɨlɨ' pwarebwi kujaawa' wala'mwaake' kayaa'nanaangesɨra. A'mwei sara yajarɨna Gotɨyarɨ sɨnna tɨka naanga wɨdavadelyɨra. Sɨnnawɨ sahwai pwarebwi mujaayadɨ'nyɨyagaa' a'mwe darɨ maapɨjɨ kwajɨ sɨla naange' gamɨre tɨlɨnnyavɨ tɨmupɨjɨ kwajɨ aalɨbunyavɨ wɨvaihɨna kyɨpɨke'na wabana yɨnɨkesɨra.”

Nabaai gɨnnya tɨnnyalyɨ kayaa'nanyabwi yɨjɨ kwajɨ gɨnnya tɨnnyai galajɨwa'mwanna'gɨzɨ tɨnna gavelyɨyaigɨ Gotɨyai maremwaaidevanna dulaawade'na tewaanyasɨra. Kayaa'nanyabwi yɨjɨ kwajɨ tɨnnyaraalyɨyaigɨ Dɨkevɨna dulaawade'na kayaa'nanaangesɨra.