Gewilde Bybelverse vanaf Deuteronomio 6

Deel

Higugmaa ang GINOO nga inyong Dios sa tibuok ninyong kasing-kasing, sa tibuok ninyong kalag, ug sa tibuok ninyong kusog.

Itudlo kini kanunay sa inyong mga kabataan. Hisgoti ninyo kini kon anaa kamo sa inyong mga balay ug kon naglakaw kamo o kon naghigda kamo o kon mobangon kamo.

Ayaw gayod ninyo kalimti kining mga sugo nga gihatag ko kaninyo karong adlawa.

“Pamati kamo, O katawhan sa Israel: Ang GINOO nga atong Dios mao lang ang GINOO.

Ihigot kini sa inyong mga bukton ug ibutang sa inyong mga agtang aron sa pagpahinumdom kaninyo.

Isulat ninyo kini sa kilid sa mga pultahan sa inyong mga balay ug sa mga ganghaan sa inyong lungsod.

“Tahora ninyo ang GINOO nga inyong Dios; siya lang ang inyong alagaran ug manumpa kamo sa iya lang nga ngalan.

“Dad-on na kamo sa GINOO nga inyong Dios didto sa yuta nga iyang gisaad nga ihatag sa inyong mga katigulangan nga si Abraham, Isaac, ug Jacob. Kining yutaa adunay dagko ug mauswagong mga lungsod nga dili kamo ang nagtukod. Adunay mga balay usab kini nga puno sa maayong mga butang nga dili kamo ang naghago, adunay mga atabay nga dili kamo ang nagkalot, ug adunay mga tamnanan sa ubas ug sa mga kahoyng olibo nga dili kamo ang nagtanom. Ug kon makakaon na gani kamo ug mangabusog, pagbantay gayod kamo nga dili ninyo malimtan ang GINOO nga nagpagawas kaninyo gikan sa Ehipto diin kamo giulipon.

“Mao kini ang mga sugo, mga tulomanon, ug mga lagda nga gihatag sa GINOO nga inyong Dios kanako nga itudlo kaninyo. Tumana ninyo kini didto sa yuta nga inyong panag-iyahon didto sa tabok sa Jordan, aron kamo ug ang inyong mga kabataan ug mga kaapohan motahod sa GINOO nga inyong Dios samtang nagkinabuhi kamo. Kon tumanon ninyo ang tanan niyang mga pamalaod ug mga sugo nga gihatag ko kaninyo, magkinabuhi kamog dugay.

Himoa ninyo ang husto ug ang maayo atubangan sa GINOO aron mahimong maayo ang inyong kahimtang ug mapanag-iyahan ninyo ang maayong yuta nga iyang gisaad sa inyong mga katigulangan.

kay ang GINOO nga inyong Dios nga nagpuyo uban kaninyo dili buot nga aduna kamoy lain nga gisimba. Kon magsimba kamo sa laing dios mahiagom kamo sa kasuko sa GINOO ug wagtangon niya kamo sa kalibotan.

Dili kamo magsunod sa laing mga dios, ang mga dios sa mga katawhan sa inyong palibot

Dili ninyo sulayan ang GINOO nga inyong Dios sama sa inyong gihimo didto sa Masa.