Gewilde Bybelverse vanaf Kenese 25

Deel

‘Ua tali mai fo‘i le ALI‘I ‘iā te ia: “E lua nu‘u o lo‘o i totonu ‘iā te oe, E lua lava nu‘u e fānau mai ‘iā te oe; E sili ‘ona malosi o le tasi nu‘u i le isi nu‘u; E nofo pologa fo‘i le ulumatua i le ui‘i.”

‘Ona fa‘apea atu lea o Esau ‘iā Iakopo, “Se‘i ‘aumai sina mea mūmū lenā e tunu se‘i ‘ou ‘ai ai, auā ‘ua ‘ou vaivai.” O le mea lea ‘ua fa‘aigoa ai o ia o Etoma.

‘Ua fa‘atoga atu Isaako i le ALI‘I mo lana avā, auā ‘ua pā o ia; ‘ua fa‘afofoga fo‘i le ALI‘I ‘iā te ia, ‘ona tō ai lea o lana avā o Repeka.

‘Ona fa‘apea atu lea o Esau, “Fa‘auta, o le a ‘ou oti, pe se a le aogā o lenei tofi o le ulumatua ‘iā te a‘u?” ‘Ona tali mai lea o Iakopo, “‘Inā e tautō mai ‘iā te a‘u i le aso nei;” ‘Ona tautō atu ai lea o Esau ‘iā te ia; ‘ua ia fa‘atau atu fo‘i lona tofi o le ulumatua ‘iā Iakopo.

Mulimuli ane ‘ua fānau mai ai lona uso, ‘ua ‘u‘u atu fo‘i lona lima i le mulivae o Esau; ‘ua fa‘aigoa fo‘i ‘iā te ia o Iakopo; o le onogafulu o tausaga o Isaako na fānau ai i lā‘ua.

Na alofa Isaako ‘iā Esau, auā ‘ua ia ‘ai i ana manu; a o Repeka, na alofa o ia ‘iā Iakopo.