Gewilde Bybelverse vanaf Matyu 18

Deel

Yegl pre yoba suo mo suota na kagna mina makai sinaiglkwa i, na ye meglmara suna mogl teiwe dugwa.

Te, na aglke ene yegl di tenaglka, ene yoba suo mo suota na kagna mina taragl swara pre ta di pribr, di prabrere mere na Nina heven ibo moglkwa i, ere tenabuka.

Yegl digo, Jisas gak kebra ta agle di, u ye meglmara suna adigl moglo, dugo, adigl moglkwa. Adigl moglko, Jisas yegl dugwa, Na ene kaima di teiga. Ene nomano yake tedre, u gak kebra mere yegl enaiglkwa paugwa. Yegl ta erekribi, God yoba kingno mogl, suglno morabara suna ta pikraiglkwa.

Te, yoba ta ye yene ake atne edidre, gak kebra magigl moglmere yegl moran, God yoba kingno morabuka ege i, yoba i mogl mitna edenabiwe dugwa.

Jisas yegl didre, ama yegl dugwa, Yoba ta na we di prisre, gak kebra yegl mere ta di inan, ye na di yumiwe dugwa.

Na ene kaima di teiga, God heven ibo moglsre, ye taragl tau makinagle pre mane dinabuka i, ene makandigle mogl, mane dinaiglkwa. Te, ye taragl tau makinagle pre pra we dinabuka i, ene ama pra we dinaiglkwa.

Jisas yegl didre, ama yegl dugwa, Ene agitn ta aglau ere tenan, ene deno muduno bogl ye aglaumo kide kodo tekitn, na Nina heven ibo moglkwa i, mabuno kuno yegl mere ene ere tenabiwe di, Jisas yegl dugwa.

Jisas yegl didre, ama yegl dugwa, Yoba ta gak kebra mere yegl moglsre, na pre medigl meglkwa i, yoba ta yage sinaiglmedi eribi, yubun podo inaiglkwa. Kobuglo podo yoba nuguno mina kan kogl pia si mudi nigl edenaiglkwa i, yuwaglke panabuka ba God ye ka tage tenabuka i, i tade panabiwe dugwa.

Jisas yegl didre, ama yegl dugwa, Ene siragl we di prime? Yoba ta sipsip 100 kuran, swara ta wau boran, ye sipsip 99-pela muglo meglbi ta meglmara i kanige eran, meglbi, ye ede pi sipsip swara ta wau boglkwa i, dokinabuka.