Gewilde Bybelverse vanaf Matyu 19

Deel

Yegl digo, Jisas ye toro kandre, ye yegl di togwa, Yoba ta ye yene ere inaiglkwa i, kuno ta erekrabuka ba God taragl mudu erabuka keme paugwa pre ye ere inabuka i, waragne ta paikrumiwe dugwa.

Yegl paugwa pre ye suo moglkre, yoba swara mere yegl miurka. Yegl pre God taragl ta ere i swara edenabuka i, yoba ta ere i pere pere edekraiglmiwe dugwa.

Yegl digo, Jisas di ikne edidre, Ene God kamo kere kankrimo? Okna ibo God dumo makan beke yedre, ye yagl ya abu beke yogwa. Te, mabuno i pre yagl ye nem mam kide kodidre, ye ebie bogl si dakagl morabrika. Miur, ye ogono nagino swara kaima mere yegl paugwa.

Mane digwa ba Jisas ye yegl di togwa, Gak kebra na moglmara unaiglkwa i, ene mane dikre, kanige erio. I siragl pre yoba ta gak meglmere yegl ta moraiglkwa i, God ye yoba kingno mogl, suglno morabara yoba i pre yenabiwe dugwa.

Ba yoba tau mere erme mogl mitna edigwa i, okuo kagno paikran, atne kaima moraiglkwa. Te, yoba tau erme atne kaima meglkwa i, okuo mogl mitna kaima edenaiglmiwe dugwa.

Te, yoba swara ta na kagna mina ye yugumo toglmo kide kodinabo mo ye agiglema abaugloma mo nem mam mo nagiglema kide kodinabo mo ye makanmo kide kodinabuka i, ye taragl tau kide kodumara i, ye 100 mere i tebe edenabuka. Te, ye aimadi kamin kor morabara i, wakai kaima morabuka.

Yegl dugo, Jisas di ikne ede, yegl dugwa, Ene u wakai kaima enagledi pitn, ene taraglnen mudu i pi topo boglsre, mige i pi goduglme yoba to. Ene yegl etn, ene heven ibo taragl wakai wakai inatnga. Te, ene yegl ersre, u na duglo boglo di, Jisas yegl dugwa.

Yegl dugo, Jisas ye yegl di prukwa, Ene siragl pre mabuno wakai pre na di pitne? Yoba swara keme wakai moglkwa. Ba ene aimadi kamin kor moraiglkwa i, inagledi pitn, ene God lomo duglo boglo dugwa.

Te, na ama ene yegl di tenaglka, Bugla kamel ta kar nil kwie yomara ede suna enabuka i, yuaglke paugwa ba yoba ta taragl podo kan neigwa i, God yoba kingno moglmara ede suna enaiglkwa i, waragne kaima pamiwe dugwa.

Na ene di teiga, Yagl ta ebie yagl ta bogl kunogl nekrabrika ba ye ebie yoko sedidre, abu kor ta inan, ye abu kor i bogl kunogl nebrika mere yegl pamiwe dugwa.

Ana yagl i ede ogo, Jisas ye duglo beglkwa yagl yegl di togwa, Na ene kaima di teiga, Yoba taragl podo ere neigwa i, God yoba kingno morabara ede suna enaiglkwa i, waragne paugwa.