Gewilde Bybelverse vanaf Oknayene Ibo 25

Deel

Agle di pruko, Yawe ye yegl di togwa, Ene gak suo kuratnga i, ye gawanoma yugobuno suo moraiglkwa. Ye ede pere pere pi, yugobuno pere pere meglbi, yugobuno swara ta yobuglo ere yugobuno ta tenaiglkwa. Te, gak ta komono kuratnga i, ye gawama ere mogl, gak ta okuo kuratnga gawama i, nigl kogono ere tenaiglmiwe dugwa.

Ye ede ikne udre, ye Jekop yegl di togwa, Na kidan podo goglka. Ene bin gogl idre, sup gaglnga i tau yubu si naro! dugwa. Yegl pre ye kagie ta Idom we digwa.

Aisak ye Rebeka yugo, Rebeka temne paugwa. Ye temne paugwa pre Aisak ye gak ta kurabedi Yawe kamage ere togwa. Ye kamage ere togo, Yawe ye kamo prisre, Rebeka ake ple di togo, Rebeka dane paugwa.

Yegl dugo, Iso aglke dugwa, Ene kano! Na gorarika. Na againana ake gi didre, na ta goglbo, againana wagle siragl eragle? dugwa. Iso yegl dugwa ba Jekop aglke kor yegl dugwa, Ene againen na naratnga pre ka giglede di nare padigln, sup tenagle dugwa. Dugo, Iso ye dumere ka giglede di te paduglkwa. Ana Iso yegl mere ye agaimo topo bogl nogo, Jekop yugwa.

Te, Rebeka yagl gak ta ama kuglkwa we, ye Iso kagle beye ake moglko, mam ye kuglkwa. Yegl pre ye kagie Jekop we digwa. Aisak ye bugla yugu 60 ne kodugwa igne, Rebeka yagl gak suo i kuglkwa.

Ana Aisak ye taragl are si keigwa ne, wakai prukwa pre ye Iso wakai kanugwa. Te, Rebeka we, ye Jekop wakai kanugwa.