Gewilde Bybelverse vanaf माथ 18

Deel

एनते ओकारे बार से पे होड़ इञ ञुतुमतेको जारवाक्, ओंडे इञगे ओनको तालारे मिना़ञा।”

“आरहों सा़रिगेञ मेतापेकाना, आपेको मोदरे बार होड़ धा़रतिरे जाहानाक्‌ रेयाक् मित् मोनतेकिन कोयले खान सेरमारे मेनाय आ़पुञ सेच् खोन होयोक्‌गेताकिना।

आदो मित्‌टेन का़टिच् गिदरा़ होहो सोरकाते ओनको तालारेये तेङगोकेदेया, आरे मेनकेदा, “सा़रिगेञ मेतापेकाना, का़टिच् गिदरा़ लेका बेगोर होयोक्‌ते सेरमा राजरे दो ओहोगेपे बोलोलेना।

ओनाते जाहाँयगे उनि का़टिच् गिदरा़ लेका आच्‌तेये निंधा़नोक् उनिगे सेरमा राजरे दोए माराङा।

आर जाहाँयगे इञ ञुतुमते नोनकान का़टिच् गिदरा़इ आताङे, उनि दो इञगेये आताङिञा।”

सा़रिगेञ मेतापेकान धा़रतिरे ओकाकोपे तोला ओना दो सेरमारे हों तोल आकान ताहेना, आर धा़रतिरे ओकाकोपे राड़ाय ओना दो सेरमारे हों राड़ागे ताहेना।

“आदो आपे मिमित् होड़ आपेरेन बोयहाको आपेयाक् ओनतोररे बापे इका़लेताको खान, सेरमारेन आ़पुञ हों आपेये ओनकावापेया।”

“मेनखान इञरेको पा़तिया़उक्‌ कान नोको का़टिच्‌को मोदरेन मित्‌गोटेन जाहाँयगेये ता़किच् ओचोये, उनि ला़गित् नोवागे भागेकोक्‌आ, उनियाक् होटोक्‌रे माराङ उता़र जानति धिरि आकावायते जालापुरि रेयाक् खा़न्‌दरिञरेको उनुमकाय।”

“चेत्‌लेकापे हुदिस एदा, जाहाँय होड़रेन मित् साय भिडिको ताहेनताय आर ओनको मोदरेन मित्‌गोटेच्‌ ए छिनगा़उलेन खान, चेत् ओनको आरे गेल आरे दो बुरुरे बा़गियाकोते सेनकाते उनि छिनगा़विच् बाय ञामबाड़ायेया?