Gewilde Bybelverse vanaf Олӧм 35

Deel

Нӧшта Ен шуис сылы: – Ме – Ставсӧвермысь Ен. Рӧдмы-чужтысь, тэсянь петасны войтыръяс, тэсянь чужасны ӧксыяс. Мусӧ, мый Ме кӧсйыси сетны Ӧвраамлы да Исааклы, Ме сета тэныд да тэсянь чужысьяслы.

Мунам Вефильӧ. Сэні ме сувтӧда висьпуктанін Енлы, коді кыліс менӧ сьӧкыд кадӧ да пыр вӧлі мекӧд [и видзис менӧ] ветліг-мунігъясӧ».

Ен шуис сылы: «Тэнад нимыд Яков, но талунсянь он Яковӧн кут шусьыны, а тэнад нимыд лоӧ Израиль». Тадзи Ен пуктіс сылы Израиль ним.

Яков шуис гортсаыслы да аслас йӧзлы: «Эновтчӧй мукӧд енъясысь! Сӧстӧммӧдчӧй да вежӧй паськӧмнытӧ.

Ен шуис Яковлы: «Чеччы, мун Вефильӧ да овмӧдчы сэтчӧ. Сувтӧд Меным висьпуктанін, ӧд Ме петкӧдчи тэныд, кор тэ пышйин Исав воксьыд».

Кор Ракель вӧлі куланвыйын, сійӧ пуктіс пиыслы Бенони ним. Но батьыс сійӧс Веняминӧн шуис.