Gewilde Bybelverse vanaf Romanos 14

Deel

Dios hueömä ttu̧cuȩnä̧tä̧mä̧cö̧, ttaunätämäcö̧. Dios hueömä adiu jȩä̧cuä̧huä̧, tta̧'cua̧ adiu, tta̧'cua̧rö̧ eseu, Espíritu Santonä ttö̧jo̧mȩnä̧. Ja̧'hua̧nö̧ ja̧'a̧ttö̧ Cristo korotörö amöcuädö jȩi̧nö̧'a̧nö̧ jȩpä̧tö̧mä̧, Dios öjö'cö jȩpä̧tö̧. Ttö̧ja̧rö̧'i̧nä̧ adiunä jȩpä̧tö̧.

Tö̧jö̧'i̧nä̧, Tu̧ru̧hua̧nä̧ ka̧cuä̧tö̧jä̧. Hua'ö icu'inä, Tu̧ru̧hua̧nä̧ hua'ö icuätöjä. Ja̧'hua̧ ja̧'a̧ttö̧ ji̧nä̧ tö̧jä̧i̧'i̧nä̧, hua'ö ticuomenä'inä Tu̧ru̧hua̧ umöhuäyotöjä.

Ja̧'hua̧nö̧ ja̧'a̧ttö̧ eseunu tusu'a̧nö̧ ja̧'a̧ adiu kä̧cuä̧huä̧, tesetö rö̧ä̧cha̧ pä'ö juhua'a yabocutä korotö korotönörö.

Ja̧'hua̧nö̧ ja̧'a̧ttö̧ täcö juhua'a yabo korotörö jarode'ö tucuocu juiyö'a̧nö̧ ja̧'a̧. Amöcuädätucui. Yoröiso suronä jȩcu̧'ä̧tu̧cuä̧' Cristonä cu̧jä̧hua̧tö̧ ucu jȩcu̧'u̧ topö suronä jȩtta̧'a̧cu̧. Ja̧'hua̧ta̧nö̧ suronä jȩcu̧'ä̧tu̧cuä̧' cu̧jä̧hua̧tö̧ surojönä ma̧ttä̧ma̧'a̧cu̧.

Huȩyu̧cuä̧ Huȩnȩ päa'a: Tu̧ru̧hua̧ pä'ödo, Ttö iso päi'önä pä'ösä o'ca toi'önä chä'ca jo̧mȩ ttihue'quiyunä ttö̧jä̧mä̧dä̧cuo̧tö̧. Ja̧'hua̧ta̧nö̧ o'ca toi'önä pättäcuotö, “Ucu Diosjä.” Ja̧'hua̧nö̧ ja̧'a̧ttö̧ o'ca toi'önä ujutu jȩti̧nö̧mä̧ jitähuäcuotöjä Diosrö.

Adiu esehuätucui Ttu̧ru̧hua̧rö̧ esetö kä̧nö̧ ttamöcuädö juiyupätörö'inä, cuamönä cuamöcuädätucu cucuocuätucuoca'a.

¿Di cu'ättö ucumä, adicuä u̧ru̧hua̧ hueö aditörö jarode'ö ucuocumä? Chutä adicuä u̧ru̧hua̧tä̧ adihuomenä'inä, adihua'a pä'ömä, surojomenä'inä, suroja'a pä'ömä. Ja̧'hua̧nö̧ ja̧'a̧ttö̧ adiu jȩä̧cua̧. U̧ru̧hua̧ Jesucristo ppä̧dä̧cua̧ adiu jȩa̧ pä'ö.