Gewilde Bybelverse vanaf Colosas 3

Deel

aw magtati-isay kamu. Kun awun diklamu mayu sa kamayu eped, magpasinsiya͡ay kamu baling. Kay piglanas da ni Kristu ya manga salaꞌ mayu, yanagaw pasinsiyayi uman ya kamayu eped.

Gayed mayu tibulluka ya kamayu anenganeng sa kadég na awun ni tas na langit, aw bekeꞌ na asini tas na lupaꞌ.

Yanagaw pangkay unu ya kamayu imo-un, to-o mayu tibagsegi kay kya-ede-an mayu na si Kristu ya tengteng na amu mayu aw bekeꞌ na utaw.

Pigpamalliꞌ da kamu na Tyumanem, aw pigtani la kamu nan aw pigginawa͡an. Yanagaw ka-ilangan imo-un mayu ya maynini: Pagkallatan mayu ya kamayu manga eped, aw pagtabangan mayu silan. Pagpadalem kamu, aw pakadyawa ya eped mayu. Tageni ya kamayu kadaman

Tumbayan na matmuꞌ ya anenganeng mayu na tingeg ni Kristu. Ya tagsambuksambuk kamayu palna-uwan nan ya kanan manga eped, aw magsasagda͡ay kamu magi sa katadeng na pig-atag kamayu na Tyumanem. Deyenan mayu ya Tyumanem aw pasalamatan mayu sakanan magi sa manga salmo, aw sa manga ubaten, aw sa eped pa na manga tingeg na Tyumanem na pig-imoꞌ da dalangan. Aw pangkay unu ya imo-un mayu aw paglongun mayu, imo-a yan dun ni ngalan na kanaten Matas na Pangulu na si Jisus. Aw magi kanan, pasalamati mayu ya Tyumanem na yan ya Ama.

Aw ya to-o ka-ilangan, yan ya kamayu paggaginawa͡ay, kay yan ya magpa-iganget sa kadég yeiy pada gayed magkasambuk ya kamayu anenganeng.

Na, kun nyaka-agad da kamu sa pagkataw ni Kristu, yan ya to-o mayu pagbetangan sa ginawa ya manga adti tas na langit, kay adtu la si Kristu nyingkud adti kalintu na Tyumanem.

Aw tumbayan na ya kalinaw na pig-atag ni Kristu kamayu, yan ya maggagad sa kamayu anenganeng. Kay pigtawag da kamu nan pada ma-imoꞌ da sambuk na lawas na yan ya manga mangintu-uway. Aw gayed kamu pagpasalamat adti kanan.

Yanagaw pataya mayu ya pagkaliman na kamayu pagka-utawun na kasiling na pagkasala-enen, aw ya malatay na anenganeng, ya pag-imoꞌ sa makamulamula sa lawas, aw ya manga pigkaliman mayu na diliꞌ madyaw. Aw pataya mayu uman ya pagkaybeg sa manga pametang aw ka-unan na eped na utaw, kay kun unu ya pigkaybegan na utaw, yan ya nya-imoꞌ tyumanem nan.

Kay nyaka-agad da kamu sa pagkamatay ni Kristu, aw nyadawat da mayu ya bagu na ginawa na pigdayaw da adti kan Kristu na adtu la ni sayid na Tyumanem.

Manang adun, ayawi la mayu ya kadég na imo-unun na malatay. Diliꞌ kamu maksay magkadaman, aw diliꞌ kamu magluduk sa kadaman adti anenganeng mayu. Diliꞌ kamu magpalpa sa malatay adti eped na utaw. Diliꞌ kamu magtanemtanem sa malat. Diliꞌ kamu maglong sa malatay na tingeg adti eped.

Diliꞌ da kamu maggagalu-ay, kay pigluwas da mayu ya kamayu dadan na pagka-utawun dala ya kadég na imo-unun na malatay. Aw asuntu na pigsut da mayu ya bagu na pagka-utawun na pig-imoꞌ na Tyumanem, silingi mayu ya kanan bet pada to-o mayu sakanan ka-ede-an.

Kamu na manga eseg, ginawayi ya kamayu manga ka͡ubayan, aw diliꞌ mayu silan to-o pagkadamanan.

Kamu na manga mangayseꞌ, pagka͡agadan mayu ya kamayu mangkatikadeng kay yan ya makatutuk sa Tyumanem.

Kamu na manga ka͡ubayan, magpasakup kamu sa kamayu manga eseg kay yeiy ya umbaꞌ imo-un na manga mangintu-uway kan Kristu.