Gewilde Bybelverse vanaf Mateo 4

Deel

Penas o Yezous: “An o Debleskro lab hi činlo: O maro kokres rikrell i menshes gar djido. Yob djivell dran hako lab, hoy o Devel rakrella. ”

Koy penas o Yezous ap leste: “Dja touke mandar, tou beng! An o Debleskro lab hi činlo: Tou mangess o Debles an, – yob hi tiro ray, – oun vess leske kokres koy! ”

Penas o Yezous: “Ninna hi an o Debleskro lab činlo: Rike o Debles gar dineleske, te sikrell lo tout har zorelo yob hi. ”

Pal kova anas o Debleskro Dourho o Yezouses an o moulo them, kay kamas les o beng o Debleskro dromestar tele te anell. Oun star-deesh (40) divessa oun ratsya rhas o Yezous či. Oun palle vas les i bari bok.

Oun yob penas ap lende: “Avenn mantsa! Me krau t'mendar menshen, kay anenn vavaren pash mande.” Har yon kova shounan, moukan le pengre mačengre gone, oun djan leha.

Ap ko tsiro penas o Yezous ap i menshende: “Moukenn t'maro čilačo drom, oun djan ap o Debleskro drom! O tsiro vell sik, kay lell o Devel i menshen dran o čilačepen vin.”