Gewilde Bybelverse vanaf 1. Mose 32

Deel

Koy poučas lestar ko morsh: “Har khareh tou?” “Yakob”, penas yob.

Har ko morsh dikas, kay nashte vitsrell lo gar o Yakobes ap i phoub an kava kourepen, das lo les ap o kokalo ap leskri rig. Oun ko kokalo djas vin kote, kay lo dren his.

Pal lende anas lo lauter, hoy les his, ap i vavar rig.

Penas o Yakob ap leste: “Kanna pen mange tiro lab!” Penas yob: “Hoske poučeh pal miro lab?” Oun yob penas Ač o Debleha! ap o Yakobeste.

Yob kokres ačas pale. Oun i morsh kouras pes leha i tseli rat.

Koy penas o morsh: “Mouk man te djal, o dives vella.” Penas o Yakob: “Me moukau tout gar te djal, bis te tou rakral o Debleskri barht pral mande vin.”

Penas ko morsh: “Tiro lab hi bouder gar Yakob. Kanna vell tiro lab Israel. Tou koural tout o Debleha oun i menshentsa. Oun tou hals zorleder har yon.”

Oun o Yakob penas ap o Debleste: “Tou, o Devel miro papestar Abraham oun miro dadestar Isaak, tou hal o baro Devel, kay penal ap mande: Dja pale an tiro them oun pash tire menshende. Me krau touke lačepen.

Har moukas lo koy platsa Penouel, djas o kham pre pral leste. Oun yob djas bango. O kokalo ap leskri rig his bouder gar ap peskri platsa.

Yob penas peske: “Te vell o Esau oun dell kolen ap koy yek rig moulo, nashenn nay kolla ap koy vavar rig.”

Me, tiro boudepaskro, hom gar moldo, kay hal yaake lačo oun kamlo ap mande. Har djom pral o pani Yordan, his man či har i kasht an o vast. Kanna hi man i bari familya oun kal boud firhe, kay hi ap douy bare platse.