Gewilde Bybelverse vanaf MARKU 9

Deel

Na nyang: nghoid bye: Yesu gi yo" bue" nghoid rigi loem" jeung" nheigloem: boo su: shid mo gi ja: khang" moo" yo" bue" zi nghoid ga: tid.

Houg: lang" nyang: hau: zoo shang: nya: phoo gi ngoo loem" jeung"- nga" loem" jeung" myid' atham: ngoori bo pang" thoug yu we' ga: ngau thu' lo.

Hau thang; Yesu gi yhoem: khoug: khyoo: doem vang lo" wigi nyang: kyeung" nyid uri nya: cangzoo: yi gi nyang: ri ngoonu" gi hau: yu ri ciwim wigi ayo" khaid thu' pyam boem lha".- ga: myid: boem. Yesu gi nyangnu" ri akyu" mho' khyo" za: anghoid rigi gootu: ce" khyoo" we' he: ja" yu ri ayo" khaid thu' pyam- ga: tid kyo".

Xoo" gi ge nyid nghoid lug we' xoo" bei: lo" byug lang" gi hau: xoo" ri ngham" sho' nanu" khasu" doem yo" koid yu goo" wa la". nanu" khyoug: moo zoem" khau: da" xoo" bo jo, wigi dayug yo' dayug- nyang: cang" myenjham" ga: nyid ge' ga: tid.

Yesu gi zoo: shang: dayug ri shu" yu lho: nyangnu" shid' khoin" moo yab jo, nhang› Hau: zooshang: ri nya: lo, wigi gaid, zei: zoore"- nyangnu" ri zooshang: mi" mo hid: yhang: te" zooshang: dayug ri nga" myeung khyo" lhoem: kham: yu su: hang" nghoid loug we' ngoori lhoem: kham: yu zi nghoid bye:- Hougsu" ngoori lhoem: kham yu su: hang" nghoid loug we' ngoori za: lhoem: kham: yu zi anghoid- ngoori nhang: kaid su: ri we' lhoem: kham: yu bye"- ga: tid.

Ngoo nanu" ri deung" deung tid zigi nga" byu yi nghoid ago" ga: khyo" wigi nanu" ri gyid dagoem shoin: jhug su: hang" nghoid lug we' gyeung" nyang: jhung: shug shau" kham: yu wa nghoid.

Hougsu" wigi ngoori loem" jeung" nyid da" he: zooshang mi" mo dayug yug ri loem" jeung" nheigloem: ze" phyo' byid: su: hang" nghoid sho' lug we' nya: leung zeung: moo lug lheung: je yi gyab, tei" lhang" lho: gyid thoem" khoug: khyoo: du" zei, kaid zigi nya: shid mo je ge nyid.

Re" myo, jed" wigi re" loem jeung" khyoo: ri lhu: phyo' pyam nghoid rigi hau ziri yu pyam we' myo, eig jid" goin" zi ngarai mung" moo khyo, pyam wa tho' ri gi myo, dajid" kyeing" yo' Mangso mungdain: vang loo" shid mo re" shid re" je ge nyid.