Gewilde Bybelverse vanaf Pogsiog Nang 4

Deel

Wa'epto toboghaomne poneko Allahri, ‘Mog so'oag nimi taulbahilul,’ aro Yesus wepto sekirog. Mog so'oag nimiri mali-malia uropne sembe, ‘Allahri opsileag,’ aro taulbahinep nena, ot eldi siag kekhaektopne toman agha nimi taulbahinep. Imagneri nia mangkina im tamag mog so'o sirikag-sirikag tatsiogneag agha, ora nimiri siag kekhaektopne toman agha nimi taulbahinep kom,” seog.

Wene aro Allahag omekto mololamekpa, sin poloro winil dalamekag aneko sa'uma saog uro pot-porolamog. Pot-porolamogpa Allah Eldamne Yame Walingeri sin nongag wa'isiogti, mikipne pipsiogpa, Allah yubu log kom uro ambarelamsiek.

Nu Saelba Uhiropne, andi wene nu kembamsululam. Yahudi nimi tam kareptop nang taneri nunag, ‘Opsukap,’ alamang. ‘Opsukap,’ alamangdi walamsianga andi kembahi. Anenge yubu log kom uro ambarelamsinepne sembe nu an arukna wamapne tane mikip nembahi.

Nen ambarelamsiogti, “Samenag Yesus anam mangap tan komag Allahri yubuag Yesus sembe mome tobog nena, ‘Ae sorop nangdi, “Kirik nene mali,” aro toboghaek, aghana kirik nene yangan kirik o'omne yangap tao,’ aro mome toro pibog. ‘Ae sorop nang,’ seog nena, a'un Israel nimi nubunangdi Yesus wa'epto toboghaomne sembe lebog.

Wene seogpa, nimi yubu tam kareptop nang poloro winip taek nimi tanekori Petrusap Yohanesap sembe, “Sin mome lerop kom nimi apna, kembi agha el urop kom nimi sao wamdang. Nubunang ambarelamsirang aghana, sin log kom uro lero ulamdang,” aro lo'om seek. “Sin phende Yesusap nhon yabalamdong nimi,” aro el wamsiog.

Yesusag sikne aro seneraglamek nimi taneko wana ot nhonog uro sin ma'ap tangto wamek. Ma'ap tangto wamekti, nimi nhondinge saeagha ua ulamogha, “Andinge naringe” sen koma, “Nuringe aghabog” senelamek.