Gewilde Bybelverse vanaf THU HILHKIKNA 6

Deel

TOPA note’ Pasian, na lungsim khempeuh uh, na nuntakna khempeuh uh, le na thahatna khempeuh uh tawh na it ding uh hi.

Na tate uh tungah limtakin na hilh ding uh a, na innsung uhah na tut uh ciang, lampi-ah na pai uh ciang, na lup ciang uh le na thawh ciangun tua thute na gengen ding uh hi.

Tuni-a no kong piak hih thute na lungsim uhah om ding hi.

“Israel-te aw, za un: TOPA i Pasian, TOPA khat bek ahi hi.

Na khut tung uhah lim dingin tuate na hen ding uh a, na mitte uh kikalah tuate pen talsuante bang hi ding hi.

Na inn kongkhak khuam tung uh le na kongpi uh tungah tuate na gelh ding uh hi.

TOPA na Pasian uh na zahtak ding uh hi. Ama na bek na sem ding uh a, ama min tawh na kiciam ding uh hi.

“TOPA na Pasian un note piak dingin na pate uh Abraham, Isaac, le Jakob tungah a ciam, note’ phuh loh a lian a hoih khuapite, note’ khol loh na hoih khempeuh tawh a kidim innte, note’ bawl loh tuibeem, note’ suan loh leengguite, le oliv kungte a omna leitangah hong paipihin, note in ne-in na kham uh ciangin, salsuahna Egypt leitang panin hong paikhiatpih TOPA na mangngilh khak loh nading uh kidawm un.

“Tu-in, luah dinga na paina gam uhah na zuih dingun, note le na tapate uh le na suanlekhakte un TOPA note’ Pasian’ thukhamte le a thupiakte na zuihna uh tawh amah na zahtak theih nadingun, TOPA na Pasian un na nuntak tawntung uh na zuih dingun kei a hong hilh sawnsak thute pen hih thupiakna, thukhamte, le ngeina kipte ahi hi. Hihte pen na khan uh a sau theih nading ahi hi.

TOPA’ hong ciamsa bangin note’ mai panin na langte khempeuh uh nawhkhiatna tawh na pu na pate uh tungah piak dingin TOPA in a ciamsa leitang hoih note in na luah theih nading uh le note na nopsak theih nadingun TOPA’ muhna-ah a man le a hoih nate na sem ding uh hi.

bang hang hiam cih leh note’ lakah a om TOPA na Pasian uh a aam Pasian ahi hi. Tua bang hikeileh note’ tungah TOPA na Pasian uh hong hehin, lei maitang panin note hong susia ding hi.

Note’ kiima om mite’ pasian-te ahi pasian dangte’ nung na zui kei ding uh hi

“Massah munah amah na ze-et uh bangin TOPA na Pasian uh na ze-et nawn kei ding uh hi.