Gewilde Bybelverse vanaf रोमि 4

Deel

आब्‍राहामङा माङ्‌हाङ्‌ङा चोगुना चामारसिङा काइले चा साङ्‌का चोग्‍वाट्‌टुन्, टरो बिस्‍वासङि झान् बोल्‍लेउ लिसे॥ हिट्‌डेउङ् उन्‍ङा माङ्‌हाङ् मान् चोगुए॥ हिट्‌नुङ् माङ्‌हाङ्‌ङा चोगुना चामारसिङा छेम्‍बा डोक् पुरो चोगुटु नुङ् आब्‍राहाम लाउङ्‌सा पाक्‍का डाना॥

पोङ्‌भोने नाड्‌डे चा माङ्‌हाङ्‌ङा उन् लोडुए, “आङा खान् जोम् याप्‌मिचिगा टुबाठेबा चोक्‍नाइने॥” आब्‍राहामङा माङ्‌हाङ्‌ङि बिस्‍वास चोगुए, हिट्‌नुङ् माङ्‌हाङ्‌ङाना ओनाभाक्‌ङि उन् आनि सोब्‍बेङाना पाबा लिसे॥ माङ्‌हाङ्‌ङा डोक् उसियागा चा उहिङ्‌ग्‍वाट् चोगुचिचि, हिट्‌नुङ् सिरिस्‌टि डोक् उलिनिगेट्‌निगा थोक्‌चि चा माट्‌टुङ् डोक् सिरिस्‌टि चोगुटु॥

ना येसु डोक् आनि पाप लाउङ्‌सा माङ्‌हाङ्‌ङा सिमा पाङ्‌सुए हिट्‌नुङ् माङ्‌हाङ्‌ङा ओनाभाक्‌ङि आनि धारमोति चोक्‍माउङ्‌सा येसु सियानालाम्‍मा उहिङ्‌ग्‍वाट् चोगुए॥

माङ्‌हाङ्‌ङा आब्‍राहाम लोडुए, “काछालेट्‌चि जोम् उलियुक्,” टरो आब्‍राहामङा उन् आप्‍पेलाम्‍मा उइछाचि लिमा आड्‌डिक् पासिङ् लिसाना रिङ् ठाहा टोगुए, पोङ्‌भोने उन्‍ङा साए बारखा टेप्‍मा टामा हिडुएसुना॥ ओटालिमाङ् साराङाना चा ओओ पोङ्‌माना बेला पाक्‍टुडिसुना डाना॥ नागा सोब्‍बे रिङ्‌लाम्‍मा जोम् याप्‌मिचिगा पाबा लिमा हिनिङ्‌ना रिङ् ठाहा टोगु चा आब्‍राहाम बिस्‍वासङि कामजोर लिनेट्‌नि॥ उन्‍ङा बिस्‍वास चोगुयाक्‍टुए हिट्‌नुङ् आसा चोगुयाक्‍टुए॥

नाड्‌डेउङ् ना चामारसिङा बिस्‍वासलाम्‍मा टायुक्॥ ना चामारसिङा माङ्‌हाङ्‌ङा आनि खेरोक् डोक् आपिडेसे॥ हिट्‌नुङ् ना चामारसिङा आब्‍राहामङागा ख्‍वाप्‍पा पुङ्‌लाचिगा लोङ्‌सा पाक्‍का चोगुएसुए॥ ना चामारसिङाम्‍बाक् धारमाबिधि पालान् काचोक्‌चि लोङ्‌सा एडोक् माखाक्, टरो आब्‍राहाम गाड्‌डे बिस्‍वास काचोक्‌चि ख्‍वाप्‍पा लोङ्‌सा चा ए, पोङ्‌भोने आब्‍राहामबाक् आनि सोब्‍बेङाना टुबाठेबा ए॥

“माङ्‌हाङ्‌ङा पाप छेमा पिडुचिगा याप्‌मिचि आसिसित् उलिसेसे, हिट्‌नुङ् हिट्‌नागाँगा पाप उन्‍ङा टुगुबिडुएसुचे॥ जुन् याप्‌मिङाना पाप टाङ्‌बाङा मिट्‌टुन्‍ना हिट्‌नागा याप्‌मिचि आसिसित् उलिसेसे॥”

पोङ्‌भोने धारमाछाप्‍लाङि नाड्‌डे छेप्‍टेसेए, “आब्‍राहामङा माङ्‌हाङ् बिस्‍वास चोगुए हिट्‌नुङ् उन्‍ङा चोगुना बिस्‍वासङा माङ्‌हाङ्‌ङा उन् धारमोति याप्‌मि नुङ् लाडुए॥”