Gewilde Bybelverse vanaf मत्‍ति 18

Deel

देकिनालो खादा ह़वाङ माङ्‌लो सुम्‌कापाङ अ़ङ्‌ऩङ्‌दा म़कोप्‍नान्‍चिन, मोदा मोचिएदा अ़ङ्‌का याक्‍ङा।”

हान्‍छाङ अ़ङ्‌का खानानिन लोनानिन, हेन्‍खामादा आम्‍नुओ रादा ह़वाङ खाक्‍कोछाङ य़ङ्‌दा त़तोङिन्‌कि दिनुछाङ त़दोरुम्‌नालो मो निनाम्‍मादुओ अ़ङ्‌पापाआ आम्‍नुओ निम्‍पाङ ऩमेत्‍तिन्‍प़न।

खोक्‍कोसाआ अ़क्‍छा अ़चुप्‍पो छा अ़बुत्‍ताकि खोचिओ अ़चुरादा एप्‌अ़मेत्‍ता। खोन्‍किना येसुआ म़लोचि, “अ़नुछ्‍या अ़ङ्‌का खानानिन लोनानिन, आम्‍नुओ मिन्‍मा त़फान्‍तुम्‌कि मो छावात्‍नि त़लिसिमिन्‌नालो खानानिन देम्‍खाछाङ निनाम्‍मादुओ अ़चुहाङ्‌होन्‌दा वाङ्‌मा त़ऱन्‍मिन।

मेन साङ ओ छावात्‍नि सिम्‍नान्‍चिन, मो निनाम्‍हाङ्‌होन्‌दा झारादाङ्‌का तोक्‍पो लि।

साङ्‌आ अ़ङ्‌ऩङ्‌दा अ़क्‍छा ओवाको छा लोउ, मोसाआ अ़ङ्‌का अ़लोक्‍ङा।

अ़नुछ्‍या, अ़ङ्‌का खानानिन लोनानिन, दि खानानिन हेन्‍खामादा मुमा मान्‍प़त़युक्‍तुम्‍च़म? मो निनाम्‍मादु अ़छ़ङ अ़मुवायुङ्‌सा। दि खानानिन हेन्‍खामादा मुमा त़प़म्‌युङ्‌सुम्‍च़म, मो निनाम्‍मादु अ़छ़ङ अ़मुवायुङ्‌सा।

खानानिन आम्‍नुओ द़क्‍छा आम्‍नुओ साकोङ्‌वाहुत्‌दाङ्‌का त़लेत्‍तिमिन्‌नालो अ़ङ्‌पापा निनाम्‍हाङ्‌आछाङ खानानिन झारा मोत्‍निङा ऩमुन।”

मेन साङ्‌आ अ़ङ्‌काएदा साकोङ्‌छ़ङ कामु, ओ अ़चुप्‍पोचिदाङ्‌का अ़क्‍छा हेवा मुमेत्‍तुनालो मोसोओ अ़पोत्‌दा अ़धिवा चाचेम्‍खालुङ क़ङ्‌माकि मो ग़ङ्‌याङ्‌ओ धियाङ्‌वामादा लुम्‍मादिमा नुलोक लिओ।

खानानिन दे त़मिनिन्‌येन? अ़क्‍छा म़नाओ अ़क सये अ़भेराचिदा अ़क्‌तात अ़भेरा थेम्‍खात्‌नालो, दि मोसाआ उनान्‍सयेकातात अ़भेराचि छिरुदाचिकि मो थेमाखाराओ अ़क्‌तात लाम्‍सि अ़खात्‍निन कि?