Gewilde Bybelverse vanaf Ʋrɔm 4

Deel

Ʋ bɛ tɩ bʋnɩ nɩ a lɛ a Naaŋmɩn na yel a ɩ. A ʋ sàw-deb nɩ̃ɛ na lɛb tɩ ɩ ʋ kpɛmɛ ɛ́ danɩ a Naaŋmɩn. Ʋ tɩ bãwnɩ a na k'aa Naaŋmɩn tɛr'ɩ fãw na maalɩ a lɛ ʋ na yel a.

Bʋ̃ʋ n'ʋ vɛ̃, a Sɛb-sõw yel'ɩ à ŋá: «Ɩ̃ ɩ na fʋ ɩ nɩ-bʋʋr-yaga yaga sãà.» Ʋ ɩ n a tɩ sãà a Naaŋmɩn ʋ na sàw de a niŋé, a Naaŋmɩn ʋl na mɩ́ ɩ a kũuni bɛ vʋʋrɛ a, ɛ́ ɩ a bome na bɛ tɩ be, a be a.

A Naaŋmɩn de ʋ na tɩr a tɩ yel-bebe ƴãw, bɛ kʋ ʋ, ʋʋ ɩ ʋ lɛb yi a kũu pʋɔ kɛ́ tɩ tʋ̃ɔ́ páw a mɩnʋ.

A Abraham tɩ sàw na de ɛ́ tɩɛrɛ, a na saa tɩ ɩ mɛ̃ zawlalɛ n'a ʋ tɩɛrɛ a. À ŋá n'a ʋ tɩ lɩɛbɩ «nɩ-bʋʋr-yaga sãà», a tu a ƴɛ̀rʋ ŋa a Naaŋmɩn na tɩ ƴɛ̀r kʋ̀ ʋ a: «À ŋá n'a a fʋ bʋʋrɛ nãà yãwmɛ sɛw.»

A na ɩ à ŋá a, a ʋlɩ bom nɛ a Naaŋmɩn na yel k'ʋʋ na tɩr a a, a sàw-deb zũú n'a, k'ʋʋ tʋ̃ɔ́ ɩ maalʋ ʋ na tɩrɛ zawla a, ɛ́ a mɩ̀ ɩ a Abraham bʋʋrɛ za ƴãw a, a bɛlɩ dem na sàwr a Wulu a, nɩ a bɛlɩ dem na sàw de, mɛ̃ a lɛ a Abraham na tɩ sàw de a, ʋl na ɩ a tɩ za sãà a.

«Zu-nʋ̃ɔ̀ dem'ɩ a bɛlɩ dem a Naaŋmɩn na dɩ a bɛ sãwna suur kʋ̀, ɛ́ ír a bɛ yel-bebe bɛr a. Zu-nʋ̃ɔ̀ sob'ɩ a nɩr ʋl a Sore na bɛ de a ʋ yel-bier bin gùre nɩ ʋ a.»

A Sɛb-sõw yere na kɛ́ bo? «K'aa Abraham tɩ sàw na de a Naaŋmɩn, a Naaŋmɩn sàw kʋ̀ ʋ a al ƴãw k'ʋʋ ɩ n nɩ-mɩŋa.»