Gewilde Bybelverse vanaf Luk. 5

Deel

Ani kirikak Yesu akitatam, tolimok iŋes Simoni tema, “Kisiyoto ataker nenicukul, tolokak ŋatibae kus nanam, kikamuniata ŋikolya.”

Tolimok Simoni iŋes tema, “Eketataman, ikitiya isua akuwar kya, nai emam ibore ikikam ipei daŋ. Ani bo ca tokona kilimunit iyoŋ ikoŋina, acakakini ayoŋ ŋatibae nanam.” Tocakakis ikes ŋatibae, ido kikamut ŋikolya ŋulu alalak nooi, ŋulu adikino eŋedeŋedaarete ŋatibae kec.

Nai tolot Yesu neni asilon akilip.

Nyabunit ayoŋ anyarare ŋulu iyookino, nai ŋikasecak, ikotere tokiwa ŋasecisya kec.”

Ani iŋolikini Simoni Petero ŋakiro ŋuna apotu kitiyakin, toryedik alokiŋaren Yesu tema, “Ekapolon, kiyotok aneni kaŋ, anerae arae ayoŋ ekasecan!”

Toboŋok Yesu ikes tema, “Nyiitanito ŋituŋa ŋulu eŋaleete emuron, nai ŋulu edyakasi.

Tomiasi ikes ŋatakerin lokipetot, kimyekis nai ŋiboro daadaŋ, kiwuapakis Yesu.

Apeikoloŋit, ayai Yesu lotaun ece, ayai nen ekile ŋolo erumit atapon. Ani eanyuwari iŋes Yesu, toramakin kiŋaren nakejen keŋ, kijuuru kimaima iŋes tema, “Ekapolon, ani kicamit iyoŋ, ipedori akitaŋaleun!” Torwaa Yesu akan keŋ, totap iŋes tema, “Acamit; toŋaleu!” Ŋolopeikiro, todaun atapon alokile a ŋol.

Nai apotu ŋituŋa togeut akirworor Yesu nooi; aŋun, potu ŋasepico a ŋituŋa neni keŋ akiirar ŋakiro ka akitaŋaleuno alodekesyo kec.