Gewilde Bybelverse vanaf मत्ती 18

Deel

क्यूंकि जेथी केथी दो या तीन लोक मेरे चेले हूंणे रे नाते कठे हुंहाँ ऐं तेथी हांऊँ तिन्हारे बीचा मन्झ हुंहाँ।”

फेरी हांऊँ तुस्सा किन्हें बोल्हा, अगर तुस्सा मन्झा ले दो जण धरती पर केसी गल्ला जो एक मन हुई किन्हें मांगे, ता से मेरे बापू री तरफा ले जो स्वर्गा मन्झ आ तिन्हारे कठे हुई जाणी।

एता पर यीसूए एक बच्चा आपणे वाले सादेया होर तिन्हारे बीचा मन्झ खड़ा करी दितेया। होर तिन्हें बोल्या, “हांऊँ तुस्सा किन्हें सच्च बोल्हा, अगर तुस्से नी बधल्गे होर एस बच्चे साहीं नम्र नी बणघे, ता स्वर्गा रे राजा मन्झ तुस्सा दाखल नी करी पाणा।

जो कोई आपणे आपा जो एस बच्चे साहीं नम्र करघा, तेस स्वर्गा रे राजा मन्झ बडे हूंणां।

होर जो कोई मेरे साउगी प्यार रखी किन्हें एक एह्ड़े बच्चे जो अपनाहां, से मुंजो अपनाहां।”

“हांऊँ तुस्सा किन्हें सच्च बोल्हा, जो कुछ तुस्से धरती पर बानघे, तेस स्वर्गा मन्झ बझी जाणा होर जो कुछ तुस्से धरती पर खोल्घे, तेस स्वर्गा मन्झ खुल्ही जाणा।

“इंहां ईं अगर तुस्सा मन्झा ले हर एक आपणे विस्वासी भाई रे पाप मना ले माफ नी करघे, ता मेरे बापू जो स्वर्गा मन्झ आ, तेस तुस्सा साउगी भी एह्ड़ा ही करणा।”

“जो कोई इन्हा छोटे मन्झा ले जो मेरे पर विस्वास करहा ऐं, तिन्हा मन्झ केसी एकी ले भी पाप कुराये ता तेसरे कठे खरा आ कि एक बड़ा चक्की रा पाट तेसरे गला मन्झ टांग्या जाए होर तेस जो समुद्रा मन्झ सट्टी दितेया जाए।

तुस्से क्या समझ्हा ऐं? अगर केसी माह्णुं री सौ भेडा हो, होर तिन्हा मन्झा ले एक गुआई जाए, ता क्या तेस तिन्हा नड़िनूऐं जो प्हाड़ा पर छाडी किन्हें, तेस से गुआई री भेड नी तोप्णी?