Gewilde Bybelverse vanaf Rimlianenge 4

Deel

i jov na kunindiape dre Devléskiro dynó lav, a jov sys tvardo dro patiaibén i slavindia Devlés, Jov drieván patiandyja, so Devléste isyn zor, i jov keréla dová, pal so Jov dyjá lav

i syr isyn čhindló: “Me čhudjom tut dadésa vaš buté-manušéngire nácyi” angíl Devléste, dre Savéste Avraámo upatiandyja, Savó otdžidiakirela mulen, i rakiréla pal dolé réndy, so kakaná nane, ne adiáke sýrby jone isyn

Savó sys zdyno pal amaré gréhi i Savó otdžidyjá, sob (kaj) te pridžinel amen čačunenca bangipnastyr angíl Devléste.

kiéli na sys nisaví nadiéia Avraamóske, usajékh jov na xas'kirdia nadieinyben i patiandyja, paldavá jov i jaciá dadésa buté manušéngire nacyiénge, syr léske sys phendló: “Adiáke javéla baró tyró ródo.”

Patiaibén vaš dová trej, sob (kaj) aménge Devél te primangel pir tangipén, i sob (kaj) dynó lav te javél jekh vaš saré Avraamóskire rodóske, a vaš jekhe odolénge, kon otlydžalape ke jone pir Zakóno, ne i vaš sarénge, kon isyn Avramoskire čhavé pir patiaibén i savó isyn dad aménge sarénge

“Bahtalé isyn odolé, koneskire nalačhé réndy isyn primangne i konéske gréhi isyn čhakirde; bahtaló isyn odová manúš, konéske Devél na zaginela grého.”

paldavá so rakiréla Svénto Čhinybén? “Avraámo upatiandyja dre Devléste, i pir davá Devél zlyjá saré léskire gréhi, i léskiro upatiaiben zagindiape dro čačipén léske.”