Gewilde Bybelverse vanaf Lom 3

Yááŋa anyía baacɔ bekime ŋa bɔ́ kɛ́la bɛsana a bɛɛbɛ́, buátɛ́ bɔkɔ bá tɛ abɔ́ bá bá ɔkɔɔ́háma hoóhi ne nuúmi nɔ́ Bandɔ́mɛsɛ́. Mbá Bandɔ́mɛsɛ́ ŋaá kɛla anyía baacɔ á bámɔ́kɔ́na bɛtálɛ́mánánɔ́ bɛ́ baacɔ eeyé eé buúse e etémbí ne etémbí, a yááyɛ́ yaála yí nuubo. U ŋa hɔ́lɛ́na né Yésus Kilís ; wuúci u ŋeé beébe háŋɔ́náká a buɔ́lɛ́ bɔ́ bɔɔbɛ́.

Bandɔ́mɛsɛ́ ŋaá kɛ́la anyía baacɔ á bámɔ́kɔ́na bɛtálɛ́mánánɔ́ bɛ́ baacɔ eeyé eé buúse yáaŋa anyía bá ŋa bɔ́ háya mɔŋɔlɛ́ né Yésus *Kilís ; asana eéyé ŋa lɛca baacɔ bekime e bé ŋe bú lumitinine, nyɛálɔ́nána tɛ á bá ɛ ɛkatɛ́katɛ́ cɛ baacɔ.

Wuúci oócí Bandɔ́mɛsɛ́ ŋa kɛ́lá anyía bé wuúci sɔ́mbɛ́na ; maayɛ́ manɔ́ŋɔ́ mɔ́ hámɔ́kɔ́na, a asana na nyɛnyɛanɛna nyɛ́ maabɛ́ ma baháya mɔŋɔlɛ́ nááyá. U ŋaá kɛ́láka aáná o otóŋínyi baacɔ anyía wáŋa ɔtálɛ́mánánɔ́. U ŋaá nyɛ́ánáka máábɔ́ maabɛ́, tɛ́ka ne o beébe bɔ́nɔ́sɛ́áka ; u ŋeé beébe eéhíkínyínyí. Aámbáya aná u ŋoó tóŋínyi baacɔ anyía baháya mɔŋɔlɛ́ né Yésus á bámɔ́kɔ́na bɛtálɛ́mánánɔ́ bɛ́ baacɔ eeyé eé buúse. U tóŋgínyi tɔ́na anyía wáŋa ɔtálɛ́mánánɔ́.

Yaátɛ́ asana yááŋa anyía Bandɔ́mɛsɛ́ tɛ káá kɛla anyía ta ɔɔcɔ ɔmɔtɛ́ á bá ɔtálɛ́mánánɔ́ eeyé eé buúse a nyɛlátɛ́na anyɛ́ u ŋa látɛ́na bikotí. Yááŋa anyía bikotí ŋo tóŋínyi bú tóŋínyi baacɔ anyía bé menyukune maabɔ́ maabɛ́.

Aáná Ciɔɔ́ŋɛ́ ŋaá kɔɔna cɛsɛ : « Ta ɔɔcɔ ɔmɔtɛ́ tɛ á bá ɔtálɛ́mánánɔ́ eé buúse bɔ́ Bandɔ́mɛsɛ́, ta hú ɔmɔtɛ́. » Ta ɔɔcɔ ɔmɔtɛ́ tɛ á bá ne injiŋé cɛ ɔlɔ́kɔ́máka bɔmbányɛ bɛsana bɛ́ Bandɔ́mɛsɛ́ ; ta ɔmɔtɛ́ tɛ aamba ohónyí wú o wuúci menyi. Baacɔ bekime ma bɔ́ bɛ́yúátáka ambányɛ yí ohónyí, bɔ́ bɛ́áhákɛ́na e eciké ; ta ɔmɔtɛ́ tɛ ŋá kɛ́la ambányɛ yɛ́ asana, ta hú ɔmɔtɛ́.

Tu ŋe sú óónyísínyi anyía Bandɔ́mɛsɛ́ ŋaá kɛ́lá anyía ɔɔcɔ okime á bá atálɛ́mánánɔ́ yɛ́ ɔɔcɔ eeyé eé buúse a mɔŋɔlɛ́ amá u ŋaá háya nááyá ; tɛ́ cáŋa a nyɛlátɛ́na nyí bikotí.

Eéʼeé, tɛ́ cáŋa aáná ; baacɔ ŋá bɔ́ nyɛmana bé omenyi anyía Bandɔ́mɛsɛ́ ŋeé nyíóyísínyi cááyɛ́ esúŋe bikúlú bikime, mbá yááŋa anyía baacɔ bekime e bé ŋe bú wuúci nuusi beébe bá bɔ́ŋa bafalafala. Yááŋa yɔɔ́ŋɔ́kɔ́nɔ́ anyía : « Baacɔ ŋá bɔ́ nyɛmána bé omenyi bikúlú bikime anyía ciɔwɔ ɛmbasɔ́ áŋa ɛtálɛ́mánánɔ́, bé menyukune tɔ́na anyía ɔ ŋɔɔ́ yáka ekúlú eyí bé ŋo yóo kélísi. »