Gewilde Bybelverse vanaf Salmos 31

Deel

Méxra̱ chrakonhñara tinkachónkira Díos kaín a̱sánra, kaínra titekáonra ti jehe chꞌan.

Ti itjá mé tꞌayakuénxiani kaín ti ña̱o na̱xa̱ tsjakꞌeni. Tjínki̱tsani, tjájonhña kjuachaxin kixin ti sin nínkaon chréhe̱ chrókjuinchekjasóte sin ti jeheni.

Imá jína jaha, la chje̱hé ti nkehe jína kuèntá, kaín ti sin tjiko̱sáyaha. Kjuákoxián nkayakon kaín chojni kixin tꞌayakohén ti sin tinkáchónki ti jaha.

Kjánchó jeheni tinkáchónkini ti jaha, Itꞌéni Díos. La ndáchroni: “Jaha mé ti Díos kuènténi.”

Jaha mé éxi ijnko ixro̱ nte̱to xi̱kaha tꞌayakoénxiani. La tjákohéni ti nti̱a ndoá kixin tjikosayéheni ti ihni̱á.

*Nkaya itjá tꞌayéhé ti ncha̱kuéni. Jaha, Itꞌéni Díos, mé si̱nchekaáni kixin jaha mé ijnko Díos chaxín jína.

Méxra̱ tjue̱héra Itꞌéni Díos, kaínra jahara tinkachónkira chꞌan. Itꞌéni Díos la tꞌayakohen chꞌan ti sin jína, a̱ndá ti sin nchejié a̱sén la sinchekjasóte chꞌan.

Jaha, Itꞌéni Díos, xritjeyáni kixin jaha tsjínki̱tsani. Chrokui̱toéhya kixin chrókósuéhe̱ni. Nchekaáxiani ti kjuachaxin kuèntá.