Gewilde Bybelverse vanaf Aba Loma 2

Deel

Po, awe, we muntu bulo, ukubalonga abanji, loli ukubomba ivintu vili vilavila! Nkimba ukwinong'ona ukuti ukwiza pakubulyegha ubulongi ubwa Chala? Nkimba awe ukuchisula ichisa ichikulu icha Chala, ubufisalyoyo bwache, sona nu buchimyeka? Nkimba utazimenye ukuti u Chala uwa chisa pakuti akuyezya pakukulongozya ukuti upinduke nukuzileka imbibi zyako?

Awe, we ukulonga abanji, manyi wewenu, ute na pakulyeghelapo? Pakuti bo ukulonga abanji, ukwisusya wemwene pakuti we mulongi ukubomba ivintu vilavila.

Pakuti u Chala atakwennya icheni icha muntu pakulonga inongwa.

Pakuti, bate bo babo bakwivwa bulo Indaghilo babo u Chala akubanena ukuti bantu bagholosu pamaso papache, loli babo bakubomba zizyo Indaghilo zikunena, bo babo u Chala akubanena ukuti bantu bagholosu pamaso pa Chala.

Pakuti u Chala akwiza pakumupa umuntu wesi umuvwalo ukuyana ni mbombo zyache.

Loli abantu babo bakwiyighana bene nukukana ukwivwila ubwanaloli, loli nukubomba imbibi, u Chala akwiza pakubakalalila nukubafunda nkani.

Loli pachifukwa icha bukafu ubwa moyo wako, sona nu moyo wako umusita kupinduka nukuzileka imbibi, ukwilundikila wemwene ubukali ubwa Chala, pisiku lilyo ubulongi bwache ubugholosu bukwiza pakuvumbuliwa.