Gewilde Bybelverse vanaf Gɔwɔ tɔɔi 35

Deel

Yálá yɛ nwɔ̨nɔ̨ Ɉakɔbə ɓa: «Ɲą́ą́ ɓə a Huwalawala Kəlee Nąmu Yálá, gáá ə́ kwəi nwun ɉii, ə́ huwu ə ɓɛlɛ, ə́ kaa pai kɛi a hį́i tamąą di nąn, tɔɔɓɛlaa da kulɔ ə́ huwuhu. Nɔi ŋɛ̨i ŋį́ dɛɛ Abrahamə pɔ, ŋį́ dɛɛ Isaakə pɔ, gáá dɛɛ ə́ pɔ. A tinąą kɛ a ə́ huwu nwɔɔ.»

Ka ka muhəɠə ka gwə li Betɛlə, Yálái a gúlɔi gánąn mɛ̨nįɠaa hu, ŋį́ haláá kulɔi bɛli laa mą. Ya ɓə gaa bɔ́ nwɔ́ hiɛɠaa kəlee hu.»

Yɛ mą: Ə́ laa ɓaa a Ɉakɔbə, di hvo kɛa pai kɛi yɛ́ Ɉakɔbə, ə́ laa ɓaa kɛa Israɛlə. Bələ ɓə Yálá ə Ɉakɔbə laa hee la a Israɛlə.

Ɉakɔbə ə mo ɲəi bɛlɛ́n nuą diɛ da bɔ nuą, yɛ diɛ: «Ɉaliɠaai ka yəi, ka ka yee kulɔ gəlee hu, ka ka mąąhəɠə, ka ka mąą həɠəɠaa mąąhvalin.

Yələ ta Yálá yɛ Ɉakɔbə ɓa: «Ə́ muhəɠə, ə́ li Betɛlə ə́ hee laa, ə́ haláá kulɔi pɛli laa Yálá ɓa, yai gbɔwɔ lɛ yɛ́, ɓɛlɔwai ə́ kɛi pu la ə́ liɛ Esau ɓa.»

Ɓɛlɔwai Rasɛlə ə kɛi pa haai la, ə nokoloi tii laa hee a: Bɛn-Oni, mukulaa ɓaa: «Nwɔ́ mɔ̨nɔ̨ hu lon.» Kɛlaa, nokolo nąn ə naa hee, a: «Bɛnɉamɛn, mukulaa ɓaa: Ɲéé lɛlɛɛ hu lon.»