Soma Biblia Kila Siku 05/2020预览

Zaburi hii imetungwa wakati mfalme Daudi alipomtoroka Sauli (habari hii inapatikana katika 1 Sam 22). Alijaa sana mawazo ya ukiwa, na aliona kwamba "makimbilio yamenipotea" (m.4). Alijisikia kuwa katika hali ya udhilifu kabisa. Ndipo akapata kuona kitu chenye maana sana: Mungu mwenyewe ndiye kimbilio lake (m.5,Bwana, nimekuita nikasema, Ndiwe kimbilio langu, Fungu langu katika nchi ya walio hai)! Alipata uhakika kwamba Mungu anajua hali yake, na yuko tayari kumsaidia anapomlilia na kumtegemea. Mungu anajua shida yako pia, na ujue kabisa kwamba yeye ndiye kimbilio lako katika matatizo madogo na makubwa.