Salmos 128

128

Salmo 128

Ja vava'a kúu ñayii yu'u Su'si ma te sa'a i sukan játna ini ya ma

1¡Naka vii naka va'a ka kuu ñayii ka sa'a sukan kúni Su'si ma

te ka ndikin i ichi maa ya ma te ñatuu na ja u'vi‑ka ka sa'a i,

vaa ka yu'u i ya ja ndakan ndaa ya kuenda nuu i ma!

2Te ora satniñu ni ji'in nda'a ni ma,

sana ní'i ni nawa jaa ni ma chi,

¡naka vava'a‑ka kuu ni, te va'a‑ni ko kuu ni!

3Te ñasi'i ni ma, ko kuu ña sukan kúu tnu uva ma

ja vivii kúun nde'ya tnu ma.

Sukan ko kuu ña ve'e ni ma.

Te sukan kúu tnu olivo ma, sukan jin ko kuu sa'ya ni ma,

te jin ndakonduu i nuu ka nukoo ni ja ka jaa ni xita ma.

4Ndaka ja vii ja va'a ya'a ni'i tee yu'u Su'si ma

te sa'a de sukan tátnuni ya ma.

5Te maa Su'si Iya Tátnuni ma, iya iyo onde ñuu Sion ma,

na skuta'vi ña'a ndaka ja vii ja va'a ma

te na kuni ni ndaka ja va'a ko kuu ñuu Jerusalén ma

ndaka kivi koteku ni ma.

6Na koteku kani ni, te na kuni ni sukan jin koo vii jin koo va'a

sa'ya tata ni ma.

Na koo kuee te kóo vii kóo va'a ñuu Israel a.

Đang chọn:

Salmos 128: xtm

Tô màu

Sao chép

So sánh

Chia sẻ

Bạn muốn lưu những tô màu trên tất cả các thiết bị của mình? Đăng ký hoặc đăng nhập

Những câu Kinh Thánh phổ biến từ
Salmos 128