Salmos 120

120

Salmo 120

Sukan kakan‑ta'vi o nuu Su'si ma ja na kaku o nuu ñayii tnu'u ma

1Kivi ndó'o néni sa ma, te ni ndakune'e sa Su'si ma

ja na chindee ña'a ya,

te ni ndakone'e ya.

2Vaa sa'a ni jiña'a sa ya:

“Su'si Iya Tátnuni, sa'a ni ja na kaku sa nuu ñayii tnu'u ma

ja ndimaa tnu'u xnda'vi tna'a ká'an i ma”,

kúu sa jiña'a sa ya.

3Ndijin ñayii tnu'u, ¿nawa ni'i ni, nawa chíndee ña'a

ja ndimaa tnu'u xnda'vi tna'a ká'an ni?

Te vitna ja Su'si ma, masu játna ini ya.

4Ja ndani'i ni kúu ja ka'ni ña'a ñayii yinda'a kuji i ma,

xi ja kayu ni nuu ñu'u i'ni xen‑xeen ma.

5¡Nda'vi‑nka sa, vi Su'si, ja iyo sa ñuu Mesec ya,

te iyo sa ne'un ñayii ka iyo ñuu Cedar ya!

6Vaa ni kuu kua'a xeen kivi iyo sa ne'un ñayii ya'a,

ja ñatuu ka jatna ini i ja jin koo mani i ma.

7Kovaa saña chi kuee ini sa,

te ora ká'an sa ja jin koo mani sa ji'in i ma,

te ndimaa jin kanaa i ka kuni i.

Đang chọn:

Salmos 120: xtm

Tô màu

Sao chép

So sánh

Chia sẻ

Bạn muốn lưu những tô màu trên tất cả các thiết bị của mình? Đăng ký hoặc đăng nhập

Những câu Kinh Thánh phổ biến từ
Salmos 120