Oseas 7
7
1y mana ali kawashqanpita jampiyta munarpis
Efraín y Samaria runakuna#7.1 Efraín y Samaria runakunapaq parlarqa Israel nacioncho taq runakunapaqmi parlan. jutsata rurashqalantami rikaykä.
Lapanpis lulakunanpaq yachakashqami karkaykan.
Suwakunanpaq yachakashqa karmi pipa wayintapis suwakurkaykan.
Cällikunachöpis runakunapa imaykankunatapis qechurkaykanmi.
2Manami tantiyakärintsu lapan jutsa ruraykashqanta musyaykashqäta.
Imaypis jutsata ruraykaqtami rikaykä>>.
Reykunata yanapaqninkuna wanutsishqan
3<<Jutsata rurapäkuptinpis reyqa kushikunmi.
Lulakäriptinpis reypa yanapaqninkunaqa asikärinmi.
4Tsay yanapaqninkunaqa mäsa jakashqanyaq waritsishqan hornunömi shanaripakurkaykan.
Shanaripakurmi warmin warmin purirkaykan.
5<<Fiestata rey ruraptinmi autoridäkunaqa reyta shinkashqanyaq upyatsipäkun.
Shinkakurkurnami reyqa tsay shinkatsiq runakunata churan yanapaqninkuna kananpaq.
6Nirkurmi tsay yanapaqninkuna shonquncho yarpachakärin reypa contran sharkapäkunanpaq.
Tsaymi reypa contran sharkunanpaq wilanakuykar wararkärin.
7Paykunaqa hornucho nina imatapis rupar ushashqannömi mandaqnin reykunatapis wanutsir usharkaykan.
Tsaynöpami reykuna qatinaylanpa wanur ushakaykan.
Tsayno kaptinpis manami pipis manakamantsu yanapanäpaq>>.
Tayta Diosta mana cäsukur Israel runakuna imano kashqan
8<<Efraín runakunaqa mana yärakamaq nación runakunawanmi talukurkaykan.
Jukaq waqtanpa chayashqa y jukaq waqtanpa chawa tantanömi karkaykan.
9Tsaymi ali kawapäkunanpaq kalpanpis mana kannatsu.
Kalpan ushakashqantapis manami cuentata qokärintsu.
Aqtsankuna soquyashqantapis manami tantiyapäkuntsu.#7.9 Aqtsankuna soquyashqantapis manami tantiyapäkuntsu ninanqa awkinno fuerzaynaq rikakuykashqantapis manami cuentata qokärintsu ninanmi.
10<<Runa tukushqanqa wilakuykan mana ali kapäkushqantami.
Tayta Diosnin kaykaptïpis noqaman manami kutipäkamuntsu ni ashipäkamantsu.
11Tsaymi Egipto runakunata y Asiria runakunata manakurkaykan yanapananpaq.
Tsay nacionkunaman manakuq aywarqa paluma wak lädupa kay lädupa päriqnömi karkaykan.
12Tsayno aywarkaykaqtami rednïwan tsarishaq.
Pishqukunata trampawan tsariqnömi tsarirkur jutsata rurapäkushqanpita castigashaq.
13<<¡Shuyaykutsun, hïju!
Noqapita witikushqa kaptinqa paykunata ushakätsishaqmi.
Paykunaqa conträ sharkur manami cäsukärimantsu.
Mana ushakätsinäpaq perdonayta munaptïpis paykunaqa <cäsukushaykimi> nir lulaparkaykämanmi.
14Cämancho pasaypa waqar manakamashpanpis manami lapan shonqunwantsu manakäriman.
Trïguta y vïnuta kamaripänäta munar pishtaypa pishtar#Deut. 14.1; 1Rey. 18.28. kutsukur manakamarpis nishqäta manami cäsukärimantsu.
15<<Noqami ali kawapäkunanpaq paykunata yachatsishqä.
Kalpayuq kapäkunanpaqpis noqami kamashqä.
Tsayno kaykaptinpis conträ sharkunanpaqmi wilanakurkaykan.
16Munayniyuq Dios kaykaptïpis manami cäsukärimantsu.
Wiksu flëcha flëchaptin juk läduman aywaqnömi karkaykan.
Autoridäninkunapis noqapaq lutankunatami rimarkaykan.
Tsaymi contran soldädukunata kachashaq espädawan wanutsipäkunanpaq.
Tsayta mayaykurmi Egiptuchöpis Israel runakunata manakaqman churar asipanqapaq>>.
Đang chọn:
Oseas 7: qvmB
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2003, Wycliffe Bible Translators, Inc. All rights reserved.