Oseas 1
1
1Kaychömi qelqaraykan Tayta Diospa wilakuyninta Beeripa tsurin Oseas wilakushqan. Judá nacioncho Uzías rey kaykänan witsanmi Oseas wilakurqan.#2Rey. 15.1-7; 2Crón. 26.1-23. Tsaynölami wilakurqan Jotam rey kaykänan witsan,#2Rey. 15.32-38; 2Crón. 27.1-8. Acaz rey kaykänan witsan#2Rey. 16.1-20; 2Crón. 28.1-27. y Ezequías rey kaykänan witsanpis.#2Rey. 18.1—20.21; 2Crón. 29.1—32.33. Israel nacionchönami Joáspa tsurin Jeroboam rey kaykarqan.#2Rey. 14.23-29.
Wayrapakuq warmiwan tänanpaq Oseasta Tayta Dios nishqan
2Puntata parlaparmi Oseasta Tayta Dios kayno nirqan: <<Wayrapakuq warmiwan taptiki paycho tsuriki katsun. Israel runakuna noqata kachariykamashpan juk dioskunata adorarmi wayrapakuq warmino karkaykan>>.
Oseaspa tsurinkuna yurishqan
3Tsawraqa Diblaimpa tsurin Gomerta warminpaq Oseas ashirqan. Tsay warmichömi Oseaspa qechpa olqu tsurin yurirqan. 4Tsawraqa Oseasta Tayta Dios kayno nirqan: <<Jezreel markacho tsaytsika runakunata Jehú wanutsishqannömi#1.4 Jezreelcho Jehú wanutsirqan Israel nacionpa mandaqnin rey Joramta (2Rey. 9.24), Jorampa maman Jezabelta (2Rey. 9.33), Acabpa aylunkunata, Acab kuyanakushqan amïgunkunata y Acab churashqan cürakunatapis (2Rey. 10.11). noqapis castigar Jehúpita miraqkunata wanutsishaq. Tsayno castigaptïmi Israel nacionpa mandaqnin reykuna mana kanqanatsu. Tsayno ruranäpaq kashqanta musyapäkunanpaq tsurikipa jutinta churapanki Jezreel jutin kananpaq. 5Tsaynöpis Israel nacionpa soldädunkunata Jezreel pampachömi ushakätsishaqpaq>>.
6Tsaypitanami Oseaspa warmin Gomer wacharqan warmi wamrata. Tsawraqa Oseasta Tayta Dios kayno nirqan: <<Tsay tsurikipa jutinta churapay Lo-ruhama#1.6 Lo-ruhama ninanqa mana kuyashqa ninanmi. jutin kananpaq. Jutin tsaynöqa kanqa Israel runakunata manana kuyapänäpaq kaptinmi. Paykunataqa mananami perdonashaqnatsu.
7<<Judá nación runakunatami itsanqa kuyapar kikï salvashaq. Manami guërrawantsu, flëchawantsu, espädawantsu, cawalluwantsu ni cawalluta muntaraq soldädukunawantsu salvashaq, sinöqa munaynïwanmi>>.#Zac. 4.6.
8Lo-ruhamata wasqirkurnami Gomerqa yapay chichu rikakurqan. Tsay wawan olqumi yurirqan. 9Tsawraqa Oseasta Tayta Dios kayno nirqan: <<Tsurikipa jutinta churapay Lo-ammi#1.9 Lo-ammi ninanqa manami noqapatsu ninanmi. jutin kananpaq. Tsay jutin kanqa Israel runakuna noqapa manana kashqanta tantiyakärinanpaqmi. Mananami noqapis paykunapa Diosninnatsu kashaq>>.
Israel runakuna alina kawananpaq nishqan
10 10 (2.1) <<Tsaypitami Israel runakunata yanapashaq tsaytsikaman mirananpaq.
Lamar kuchuncho aquyshanöraqmi yupaytapis mana atipaypaq atska kanqapaq.#Gén. 22.17.
<Paykunaqa manami noqapanatsu> nishqä partichöpis runakuna kaynömi nipäkunqa:
<Paykunaqa imayyaqpis kawaq Tayta Diospa wamrankunami karkaykan>.#Rom. 9.25-26.
11 11 (2.2) Tsaymi Judá nación runakuna y Israel nación runakuna juk nacionlana kanqapaq.
Mandaqnin reytapis juklaylatanami churapäkunqa.
Maytsay nacionkunacho kashqanpita kutipäkuptinmi kushikuypaq kanqa.
Tsay junaqpa jutintapis churapanqa Jezreel#1.11 Jezreel ninanqa Diosmi murun ninanmi. Tsayno nin Israel runakunata muruman tinkutsirmi. Israel runakunata nacionninman kutitsir atskaman mirananpaq kamakätsirmi chakraman muruta muruqnömi Tayta Dios kanqa. jutin kananpaqmi.
Đang chọn:
Oseas 1: qvmB
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2003, Wycliffe Bible Translators, Inc. All rights reserved.