Những câu Kinh Thánh phổ biến từ ᔪᐊᓇᓯᐅᑉ ᑕᑯᑎᑕᐅᓂᖏᑦ 6

Chia sẻ

ᑕᑯᕗᖓᓗ, ᑕᑯᒋᑦ, ᕿᒻᒥᕐᔪᐊᒥᒃ ᑐᖁᖓᔪᑎᑐᑦ ᖃᑯᐊᖓᔪᒥᒃ, ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᑐᖁᒥᒃ, ᑐᖁᖓᔪᓪᓗ ᐃᓂᖏᑕ ᑭᖑᓂᑦᓯᐊᖓᓂ ᒫᓕᒃᐹ; ᑖᒃᑯᐊᓗ ᐱᔪᓐᓇᕐᓂᕐᑖᕐᑎᑕᐅᕗᑦ ᓄᓇᕐᔪᐊᕐᒥᐅᑦ ᐃᓄᖏᑕ ᐊᕝᕙᖏᑕ ᓇᑉᐸᖏᓐᓂᒃ ᑐᖁᑎᑦᓯᖁᓪᓗᒋᑦ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᓄᑦ ᐋᓐᓂᐊᓇᕐᑐᓄᑦ ᐆᒪᔪᓄᓪᓗ ᐃᕐᓯᓇᕐᑐᑎᒍᑦ.

ᑕᑯᕗᖓᓗ, ᑕᑯᒋᑦ ᕿᒻᒥᕐᔪᐊᒥᒃ ᖃᑯᕐᑕᒥᒃ, ᑕᕝᕙᓂᓗ ᐃᑭᒪᔪᖅ ᐱᑎᒃᓯᒥᒃ ᑎᒍᒥᐊᕐᐳᖅ; ᓂᐊᖂᑎᒥᒡᓗ ᑐᓂᓯᕕᐅᕗᖅ, ᑕᕝᕙᓐᖓᓪᓗ ᐊᐅᓪᓚᕋᒥ ᓵᓚᖃᕐᐳᖅ ᓵᓚᖃᕆᐊᕐᑐᒃᑲᓐᓂᕐᓗᓂᓗ.

ᓄᕐᕋᐅᔭᐅᓪᓗ ᓇᕿᑦᔪᑏᑦ ᑕᓪᓕᒪᖓᑦ ᒪᒃᐱᕐᒪᒍ, ᑕᑯᕗᖓ ᑐᓂᕐᕈᓯᕐᕕᐅᑉ ᐊᑖᓂ ᑐᖁᑕᐅᔪᕕᓃᑦ ᑕᕐᓂᖏᓐᓂᒃ ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᖕᓂᕐᒧᑦ ᓇᓗᓁᕐᓯᓂᕐᒥᒡᓗ ᑲᔪᓯᑦᓯᐊᕐᓂᕐᒧᑦ ᑐᖁᑕᐅᔪᕕᓂᕐᓂᒃ

ᓂᐱᖅᑯᕐᑐᓪᓗᑎᒡᓗ ᓂᓪᓕᐊᕗᑦ, “ᐊᔪᒐᖃᖏᑦᑐᑎᑦ ᐊᑕᓃᖅ, ᐃᑦᔪᕐᓁᑦᑐᑎᑦ ᓱᓕᔪᑎᓪᓗ, ᖃᓄᖅ ᓱᓕ ᓯᕕᑐᑎᒋᕚ? ᓄᓇᕐᔪᐊᕐᒥᐅᓂᒃ ᐃᖅᑲᕐᑐᐃᓂᒃᓮᑦ ᐅᕙᑦᑎᓐᓂᒃ ᑐᖁᑦᓯᓚᐅᕐᑐᑦ ᐊᑭᓂᐊᕐᓗᒋᑦ?” ᐊᑐᓂᓪᓗ ᐊᓐᓄᕌᕐᑖᕐᑎᑕᐅᕗᑦ ᖃᑯᕐᑕᓂᒃ ᑕᑭᔪᓂᒃ ᐅᑕᖅᑭᒃᑲᓐᓂᖁᔭᐅᕗᓪᓗ ᓱᓕ ᓯᕕᑭᑦᑐᒥᒃ, ᐱᔨᐅᖃᑎᖏᑦ ᐅᒃᐱᑑᖃᑎᖏᓪᓗ ᑖᒃᑯᑎᑐᓇᖅ ᑐᖁᑕᐅᔪᒃᓮᑦ ᓈᒻᒪᒃᓯᓚᐅᖏᓐᓂᖏᓐᓂ.

ᕿᒻᒥᕐᔪᐊᒥᒡᓗ ᓴᖅᑭᑦᑐᖃᕆᕗᖅ, ᐊᐅᑉᐸᕆᒃᑐᒥᒃ; ᖄᖓᓂᓗ ᐃᑭᒪᔪᖅ ᐱᔪᓐᓇᕐᓂᕐᑖᕐᑎᑕᐅᕗᖅ ᓄᓇᕐᔪᐊᕐᒥᑦ ᓮᒪᓂᕐᒥᒃ ᐲᕐᓯᖁᓪᓗᒍ, ᐃᓅᖃᑎᒌᑦ ᐃᒻᒥᖕᓄᑦ ᑐᖁᕋᐅᑎᖁᓪᓗᒋᑦ; ᓴᕕᒡᔪᐊᒥᒡᓗ ᐊᖏᔪᕐᔪᐊᒥᒃ ᑐᓂᓯᕕᐅᕗᖅ.

ᓂᓐᖓᖕᓂᕐᔪᐊᖓᑕ ᑲᑉᐱᐊᓇᕐᓂᖓ ᓇᓪᓕᐅᑎᖕᒪᑦ, ᑭᓇᓗ ᑖᑦᓱᒧᖓ ᓵᓐᖓᓗᓂ ᓇᖏᕈᓐᓇᕐᐹ?”

ᓄᕐᕋᐅᔭᐅᓪᓗ ᓇᕿᕐᔪᑏᑦ ᐱᖓᓲᔪᕐᑐᖓᑦ ᒪᒃᐱᕐᒪᒍ, ᑕᑯᓴᕋᒪ ᑕᑯᕗᖓ, ᓄᓇᕐᔪᐊᖅ ᐊᖏᔪᒥᒃ ᓴᔪᒃᐱᓪᓚᒃᐳᖅ; ᓯᕿᓂᕐᓗ ᑖᕐᓯᕗᖅ ᐳᑐᕐᓛᑎᑐᑦ ᕿᕐᓂᕐᑎᒋᓕᕐᓗᓂ, ᑕᖅᑭᕐᓗ ᐃᓗᐃᑦᑐᖅ ᐊᐅᐸᕐᓯᕗᖅ ᐊᐅᒃᑎᑐᑦ ᑍᒤᓕᕐᓗᓂ. ᐅᓪᓗᕆᐊᓪᓗ ᑲᑕᒐᕐᐳᑦ ᓄᓇᕐᔪᐊᕐᒧᑦ ᓇᐹᕐᑐᑐᑦ ᐸᐅᕐᖓᓂᒃ ᑲᑕᒊᔪᑐᑦ ᐱᕈᕇᕐᑎᓪᓗᒋᑦ ᐊᐅᓚᑕᐅᓪᓗᓂ ᐊᓄᕆᕐᔪᐊᕐᒧᑦ.

ᓄᕐᕋᐅᔭᐅᓪᓗ ᓇᕿᑦᔪᑏᑦ ᐱᖓᔪᖓᑦ ᒪᒃᐱᕐᒪᒍ; ᐆᒪᔪᐃᑦ ᐱᖓᔪᖓᑦ ᐅᖃᕐᑐᖅ ᑐᓴᕐᐸᕋ, “ᕾᒋᑦ!” ᑕᑯᓴᕋᒪᓗ, ᑕᑯᕗᖓ ᕿᒻᒥᕐᔪᐊᒥᒃ ᕿᕐᓂᕐᑕᒥᒃ, ᑕᕝᕙᓂᓗ ᐃᑭᒪᔪᖅ ᐅᖁᒤᓐᓂᕐᓂᐊᕈᑎᒥᒃ ᑎᒍᒥᐊᕐᐳᖅ. ᓂᐱᒥᒡᓗ ᑐᓴᕐᐳᖓ ᐆᒪᔪᐊᓗᖕᓂᑦ ᓯᑕᒪᓂᑦ ᓂᐱᒋᔭᐅᔫᔮᕐᑐᓂᒃ, ᐅᖃᕐᑐᒥᒃ, “ᓂᐊᖂᔭᒃᓴᐅᑉ ᐅᖁᒤᓐᓂᖓᑕ ᐊᑕᐅᓯᐅᑉ ᐊᕝᕙᖓᑕ ᐊᕝᕙᖓ ᐊᑭᖃᕐᓕ ᐅᓪᓗᓕᒫᖅ ᑮᓇᐅᔭᓕᐊᖑᕙᒃᑐᑎᑐᑦ, ᕿᕐᓈᖓᔫᓪᓗ ᓂᐊᖂᔭᒃᓴᐅᑉ ᐅᖁᒤᓐᓂᖓᑕ ᐊᑕᐅᓯᐅᑉ ᓇᑉᐸᖓᓂᑦ ᐊᖏᓂᕐᓴᖅ ᐊᑭᖃᕐᓕ ᐅᓪᓗᓕᒫᖅ ᑮᓇᐅᔭᓕᐊᖑᕙᒃᑐᑎᑐᑦ; ᐸᐅᕐᒊᓪᓕ ᐅᕐᓱᖏᑦ ᐸᐅᕐᒊᓪᓗ ᐃᑦᑎᖏᑦ ᐊᓯᕈᕐᑎᓐᓂᐊᕐᓇᒋᑦ!”

ᓄᓇᕐᔪᐊᓪᓗ ᓯᓚᖓ ᐲᕐᑕᐅᕗᖅ ᑎᑎᖅᑲᑎᑐᑦ ᐃᒧᔭᐅᔪᑎᑐᑦ, ᖃᖅᑲᓕᒫᓪᓗ ᕿᑭᕐᑕᓕᒫᓪᓗ ᐃᓂᒥᖕᓂᑦ ᐲᕐᑕᐅᕗᑦ. ᓄᓇᕐᔪᐊᕐᒥᓗ ᐊᖓᔪᖅᑳᕐᔪᐊᑦ ᐊᔪᖏᑦᑐᖁᑕᐅᔪᓪᓗ ᐅᓇᑕᕐᑐᒃᓴᓪᓗ ᐊᖓᔪᖅᑳᖏᑦ ᐊᔪᕐᓴᓐᖏᑦᑐᓪᓗ ᓴᓐᖏᔪᓪᓗ, ᐃᓄᑐᐃᓐᓇᓕᒫᓪᓗ, ᓯᐊᓛᑦ ᓯᐊᓛᖑᖏᑦᑐᓪᓗ, ᐃᔨᕆᐊᕐᑐᕐᐳᑦ ᕾᕈᓱᖕᓄᑦ ᖃᖅᑳᓗᐃᓪᓗ ᐅᔭᕋᓱᒃᔪᖏᑦᑕ ᐊᖁᕐᖓᓐᓄᑦ.