Những câu Kinh Thánh phổ biến từ Wakolosayi 3

Chia sẻ

Mwikangalilaje no kwinenela nyenye wose hono yunji yawe yena nghani kuli muyagwe, yiwanojeye mweze kwiyinenela nyenye wose nha vyono u Muwaha yamunenelenyi anye, nanye vyo mweze kunoza.

Mwibataje mukamise zinghani za ku wulanga, ninga si zono zili mono'nze.

Na zose zono mowa kwituma, muzitumaje kwe mitima yenyu yose, ku soko yo Muwaha hamba si ku soko ya munhu.

Anye muli wanhu wo Mulungu, u mwene yamwendenyi anye kanyhi yakamuhagulenyi. Holeka nanye muvwale i nhumbula yo lusungu, wuswanu, winenenyhezi, wupolo, no wukangalizi.

I nghani ya Kilisito yikalaje muli nyenye, hamonga no wugoli wayo wose. Mwiyijizaje nyenye wose munhu na muyagwe, akuno mukwiyilanjiziza mu mahala gose. Mwimbaje Zabuli, na nyimbo, no wimbe we cinya Muhe, mumwimbilaje u Mulungu mu zinhumbula zenyu kwe lilumbo. Na zose zono mukwituma, mu wulonje, hamba mu witume, mwitumilaje zose mwitagwa lyo Muwaha Yesu, akuno mukumulumbila u Mulungu Baba muli mwene.

Ne mbaha yono yicizize zose, mwikalanaje mu wiyendi nyenye wose. Hambi u wendo nha wo wukuwa kuvilunziza i vinhu vyose mu wumonga wono wukwilaniciye.

Holeka hono muwe mwazukulanwa hamonga na Kilisito, muhidimbale kulondola za kucanyha, kono ko yuli Kilisito, yekaye ku lubavu lo kulume lo Mulungu.

No mulamu wa Kilisito wuteme mu zinhumbula zenyu, hambi ku soko yiyo, nanye nha mwacemwa ho muwe muwili wuwo wumonga. Kanyhi muwe mwina lilumbo!

Holeka muwuwulajilaje lukulu u wusulumizi wa mono'nze wono wukali wuli muli nyenye, nha kotya, wusenyha, wavu, wumala-nyinji, wuhile wubi, wusulumizi, wo wuhemba vihwani.

Hambi anye nha mwafwa, no wumi wenyu wuhundikanwe hamonga na Kilisito muli Mulungu.

Ninga alu yiwanojeye mugalecele lukulu gago gose, likuwo, wusungu, simbili, maligo, hamba i zinghani zono si zinojeye ze cevu, zilece kulonjelwa lukulu mu milomo yenyu.

Mulece kwiyilambila nyenye wose, vyono anye mwakondya kuwuvula u wunhu wuhuma hamonga ne metumo gayo gose, no kuwuvwala u wunhu wupya. Wono wukujendelela kunozelezwa no Mulungu mono yawuwumba, nha vyono yinhe hwani yakwe, ho mumumanye u Mulungu mu wukwilanicile wose.

Nanye mo walume, muwendaje wagolece zenyu, kanyhi mulece kuwa wakali kuli wene.

Nanye mo wana muwahulice walezi wenyu nhondo zose, hambi nha vyo yinojeye muli Muwaha.

Anye mo wagolece, muwahulice walume zenyu, hambi nha vyo yendile u Muwaha.