Những câu Kinh Thánh phổ biến từ 2. Tesalonika 2

Chia sẻ

Ousap mwüt ngeni eman epwe atupukemi lon sokopaten angangen atuputup. Pun ewe Rän esap wareto mwen an epwe fis pwe aramas repwe üfengen me Kot o ewe Aramas mi Tipis epwe pwäto, i ewe epwe kiteterila lon ewe hell.

Iwe, äm aipwe fokun kilisou ngeni Kot fansoun meinisin fänäsengesimi pwiim kana mi chen me ren ach Samol. Pun seni lepoputän, Kot a afilikemi pwe oupwe küna manau ren än Ngünmifel apinikemi, pwal ren ämi lükü ewe kapas mi let.

I epwe ü ngeni iteiten mettoch aramas ra aita ngeni Kot o fel ngeni, epwe pwal püsin seikätä wor meinisin. Epwe mwo nge feila lon än Kot we imwenfel o mot won an lenien mot o püsin aita ngeni pwe i Kot.

Püsin ach Samol Jesus Kraist me Samach Kot, ewe mi echenikich o fang ngenikich chipen letipach fansoun meinisin pwal ach apilükülüköch ren an ümöümöch, epwe echipa letipemi o apöchökülakemi, pwe oupwe föri o apasa mine a mürina fansoun meinisin.

Iei popun Kot a tinala rer ewe manamanen atuputup, pwe repwe lükü mine a chofona.

Ewe Aramas mi Tipis epwe war fän pöchökülen Satan o föri sokopaten manaman me asisil mi chofona, epwe aea sokopaten angangen atuputup mi ngau ngeni chokewe repwe pöütmwälila. Repwe pöütmwälila pokiten resap fokun mochen etiwa o aücheani ewe kapas mi let pwe repwe küna manau ren.

Pun ewe tipis mi monomonola a fen akangang iei, nge ewe eman mi pinei an epwe fis ei iei epwe chök sopwela le föri iei usun tori Kot epwe angeala.