Những câu Kinh Thánh phổ biến từ JAKOBUS 2

Chia sẻ

Laing songon i ma muda porsaya hita hape nada tapatuduhon dohot pambaenan, na mate do haporsayaanta i.

Harana pamatang na so martondi, pamatang na mate do i, laing songon i do haporsayaan na so mardongan pambaenan, na mate do i.

Hamu angka dongan! Aha ma gunana didok halak, “Porsaya do au,” anggo so dipatidahon ia do sian pambaenannia na tutu ia porsaya? Tarpalua haporsayaan na songon i ma he ia lakna?

Nada he porsaya do ho hum sada do Debata? Denggan do i! Tapi setan i pe porsaya do jana humitir halahi hara ni biarna!

Tapi sugari adong na mandok, “Haporsayaan do di ho, pambaenan i di au. Antong patidahon ma di au haporsayaanmu na so mardongan pambaenan, jana hupatidahon di ho sian pambaenan do haporsayaanki.”

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

Tangkas ma saonnari, anso denggan dijagit Debata jolma laing hara ni pambaenan na nikarejohon ni jolma i do, jana nada hum hara ni haporsayaan sajo.

Dison tarida ma, angkon nipatuduhon do haporsayaan i dohot pambaenan anso gabe sanggam.