Những câu Kinh Thánh phổ biến từ 2 TIMOTEUS 1

Chia sẻ

Harana anggo Tondi na nilehen ni Debata tu hita, nada Tondi na mambaen hita gabe parbiar. Tapi na patoguhon hita do Tondi i, na manggohi hita dohot holong ni roha jana na margogoihon hita mangorom dirinta.

Dipalua Debata do hita jana dipiohon Ia hara ni na giot baenonNia hita gabe halakNia sandiri. Nada marnida tu angka karejonta i dibaen Debata, tapi marguru tu sangkapNia sandiri do i dohot denggan ni rohaNia. Taran so dijadihon dope portibi on madung songon i hian denggan ni rohaNia adop hita markite-hite Kristus Jesus.

Hara ni i hupaingot ho, anso dipasunggul-sunggul ho silehen-lehen ni Debata, na di bagasan ho, hara ni na hupayakkon tanganku tu ho.

Jadi hara ni i, ulang ma maila ho pajojorkon hasaksian taringot tu Tuhanta jana ulang maila ho hara ni au na tarhurung hara ni Ia. Gumonan ma dohot ho manaon parkancitan hara ni Jamita Na Denggan i mangasahon gogo na sian Debata.

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.