Kay libruchömi qelqaraykan Amós wilakushqan. Payqa Tecoa markacho taq uysha mitsiq runami karqan. Amós wilakushqan witsanmi Judá nacioncho Uzías rey kaykarqan y Israel nacionchönami Joáspa tsurin Jeroboam rey kaykarqan. Amós wilakushqanpita ishkay wata pasarkuptinraqmi fiyupa temblor karqan. Wilakurmi Amós kayno nirqan:
<<TAYTA DIOSMI Sión jirkanpita patsa leonno qaparämun.
Jerusalénpita patsa qayakamushqanmi räyu bunruruqnöraq mayakämun.
Parlamuptinmi jirkacho qewakunapis elaqpita qawqanqa.
Carmelo jirkachöpis qewakuna tsakinqami>>.
