Những câu Kinh Thánh phổ biến từ Romanos 7

Kjuasáye Díos kixin ikui Ìnchéni Jesucristo kuaáxini chꞌan. Mé xi̱kaha ti a̱séni la noheni kixin tjinkaoni chrókjuinchexiteyéheni Díos, kjánchó ti cuerpo kuènténi la ndáchro kixin chrókjuinchexiteyéheni ti ijie̱.

Kixin jeheni ó noheni kixin ti nkehe ndáchro a̱séni sichꞌeni la kohya nkehe jína. Méxra̱ tjinkaoni chrókjuínchexiteyáni ti nkehe jína, kjánchó tjachahyani sinchexiteyáni.

Kixin chꞌehyani ti nkehe jína tjinkaoni la ti nkehe jínahña tjinkakonhñani chrókjuíchꞌeni, mé tíha ichꞌeni.

A̱ndá ti ichꞌeni ti nkehe jínahña tjinkakonhñani chrókjuíchꞌeni, la jehya jeheni ichꞌeni tíha. Náhí. Ti ijie̱ chónta a̱séni mé ichꞌe tíha.

Mé xi̱kaha ti tjinkaoni chrókjuíchꞌeni ti nkehe jína, mé kónoheni kixin a̱ntsí ichꞌeni ti nkehe jínahña. La kjónté xi̱kaha la tóxríhi̱ni chrókjuínchexiteyáni ti ley kuènté Díos.

A̱ndá ti ichꞌeni ti nkehe tjinkakonhñani chrókjuíchꞌeni la mé xi̱kaha tjatso̱anxíni kixin ti ley la jína.