Những câu Kinh Thánh phổ biến từ Proverbios 20

Chróndáchrohya kixin sichꞌehe nkojín nkehe jínahña ti nkexro kjuítꞌaha ijnko nkehe; ícha jína chróchohén kixin Itꞌéni Díos tsjatsìin tíha.

Ninkexró tsjachahya tso̱nohe nkehe tso̱hen chrꞌéxi̱n; méxra̱ ícha jína tsíto̱heni kixin Itꞌéni Díos mé tsítaón nti̱a.

Ti ncha̱kuén chojni mé éxi ijnko lámpara kuènté Itꞌéni Díos, kixin tíha mé nchenoxín kaín ti nkehe tóhen a̱sén chojni.

Ti nkehe tjenka̱yáxin chojni la éxi ìnta̱ imá ni̱nka, a̱ndá ti chojni nohe la xra̱hya tsienxín tíha.

Ti nkexro xriko kjuachꞌia la nchenoxín ti nkehe ómó chronka íjnko chojni. Méxra̱ chrókꞌuitonhña ti nkexro xriko kjuachꞌia.

Ti chojni tjiatéhya ti kjuanínkaon mé tsꞌáyéhe̱ kjuasàya; a̱ndá ti chojni lo̱nti̱ la jehó tóxríhi̱n tsjasin kjuanínkaon.

Ijnko chojni jína la jína xritjakꞌe, la Díos ncheñao ti xje̱en sin ti tsochréhe̱ sin ti nkehe jína.