1
Dutheronomi 28:1
Siswati 1996 Bible
SWT
“Nanimlalela ngalokuphelele Simakadze Nkulunkulu wenu, nigcine yonkhe imiyalo yakhe lengininika yona lamuhla, Simakadze Nkulunkulu wenu uyakuniphakamisa ngetulu kwato tonkhe tive temhlaba.
موازنہ
تلاش Dutheronomi 28:1
2
Dutheronomi 28:2
Tonkhe letibusiso tiyakwehlela etikwenu tinilandzele, nanilalela Simakadze Nkulunkulu wenu.
تلاش Dutheronomi 28:2
3
Dutheronomi 28:13
Simakadze uyawunenta nibe yinhloko ningabi ngumsila. Naniyigcinile yonkhe lemiyalo yaSimakadze Nkulunkulu wenu, lena lenginiyala ngayo lamuhla, niyilandzele ngekucophelela, niyakuhlala njalo nibaholi, aniyiwuze nibe ngaphansi.
تلاش Dutheronomi 28:13
4
Dutheronomi 28:12
“Simakadze uyawuvula emazulu, incolobane yakhe yengcebo, anise imvula eveni lenu ngesikhatsi lesifanele, abusise yonkhe imisebenti yetandla tenu. Niyakwebolekisa etiveni letinyenti, kodvwa nine aniyikweboleka ngisho nakusinye sato.
تلاش Dutheronomi 28:12
5
Dutheronomi 28:7
“Simakadze uyakwenta kutsi titsa tenu letinivukelako nitehlule. Tiyawuviva titenihlasela, tita ngayinye indlela; kodvwa nase niticosha, tiyawubaleka ngetindlela letisikhombisa.
تلاش Dutheronomi 28:7
6
Dutheronomi 28:8
“Simakadze uyakwehlisela sibusiso etikwetincolobane tenu nasetikwako konkhe leniyawukwenta ngetandla tenu. Simakadze Nkulunkulu wenu uyawunibusisa kulelo live lanipha lona.
تلاش Dutheronomi 28:8
7
Dutheronomi 28:6
“Niyawubusiswa naningena, nibusiswe nome niphuma.
تلاش Dutheronomi 28:6
8
Dutheronomi 28:3
“Niyakubusiswa emadolobheni enu, nibusiseke nasemasimini enu.
تلاش Dutheronomi 28:3
9
Dutheronomi 28:4
“Sitselo sesisu senu siyawubusiswa, nesivuno selive lenu, nemazinyane etifuyo, nemankhonyane emihlambi yenu, nemazinyane etimvu tenu newetimbuti tenu.
تلاش Dutheronomi 28:4
10
Dutheronomi 28:9
“Simakadze utanenta nibe sive sakhe lesingcwele, njengobe anetsembisa ngesifungo, nanigcina imiyalo yaSimakadze Nkulunkulu wenu, nihambe ngetindlela takhe.
تلاش Dutheronomi 28:9
11
Dutheronomi 28:5
“Libhasikidi lenu liyawubusiswa kanye nendishi yenu yekubhucela inhlama.
تلاش Dutheronomi 28:5
12
Dutheronomi 28:11
Simakadze uyawunipha inala yemnotfo lomkhulu nibe nebantfwana, andzise nemihlambi yetifuyo tenu kanye netitselo temhlaba wenu kulelo live lafunga ngalo kubokhokho benu kutsi utanipha lona.
تلاش Dutheronomi 28:11
13
Dutheronomi 28:10
Tive tonkhe temhlaba tiyawubona kutsi nibitwa ngelibito laSimakadze, bese tiyanesaba.
تلاش Dutheronomi 28:10
14
Dutheronomi 28:14
Ningaphambuki ngisho nakumunye nje walemiyalo lengininika yona lamuhla, ngesekudla nome ngesancele ngekulandzela labanye bonkulunkulu nikhonte bona.”
تلاش Dutheronomi 28:14
15
Dutheronomi 28:15
“Kodvwa nangabe ningamlaleli Simakadze Nkulunkulu wenu, ningayilandzeli ngekucophelela yonkhe lemiyalo yakhe netimiso takhe lengininika tona lamuhla, tonkhe leticalekiso tiyawukwehlela etikwenu tinehlule
تلاش Dutheronomi 28:15