1 Reyes 3 سے مشہور بائبلی آیات

شئیر

Naacuatej cua camarnunaa, quioojia cua niquitiore niishijia cua quiniuria, maninia quia saquiriojosano cuarta pueya jiitiana cua quiniuria. Janiyacua naacua niishijia quirini, casaateja maniniani, casaateja sesani. Saniniuujia, ¿canteja niishijiani na jiitianura nio jiyanohua queraatia quia pueyani?

Janiyari quia masesano niquitionutaniya quiajaniyani. Naacuatej, quiaari jiyanohua niishijia quiriquiano. Naacuatej, quiocuaji, quia nuhuajijuhuaj, majaari socua jiyano niishijia pueyano quiniu quiniutianiya juhua quiajaniyaja.

Pueyasoori naacua Salomoon sequereequij: —Naa niishitiaja quia masenuucuatej, cunoori maniniacuaja. Saniniuuijia, maja cutaraari tama quiarajaaja quia masenu quirii pueyaracaanu rishiniu, casamiriaca quiniu, quia paraa puecanunio. Quiaari saaja maseree niishitiaja cutara, maninia quia jiitianura cua pueya.

Naajuhuaj, jiyanohua queraatia casamiriacarano quia jiyateriquianonijia. Pueyari quia jiitiasanoocuaji jiuujiateriquiano. Janiyari quia maseyaquishoo casaa quia niquitioriquianojaniuhuaj. Naacuatej, camarnu quia quishacari, majaari socua camarnu quiniu quiniutianiya juhua quiajaniyaja.

Quiaa jaara cua tojijia quiri, tojishocoriquiano cua naajiotanishano tojijiajuhuaj, tojishocoriquiano cua sequesano tojijiajuhuaj, naatej, taa quia shipininio David tojiquiaaricuaanij, janiyari naacua pueyaracaanu rishijiarano quia jiyatenutaniyani.

Tamonu niucua cuno Gabaoon tiacajinia Salomoon quishacari, Pueyasoori na maquenujinia nocua muetaquiaari. Naa na sequereeri: —Quia panishano cua masere. Janiyacua quia niquitiorenoj.

Naacuatej cua camarnu Pueyasonaa, quiaari cua shipininio niti cua jiyaterucuaa camarnu cua quiniuria. Noo juhuari cua tacaatiyacuaratejaj, juhua naatujuaja cua quiniutij. Camarnu cua quiniu jiitiyojuanijia. Naacuatej, majaari tamajaaja cua naata niishiriojonu tama cua miishocoriquianojaaja.

Pueyasoori naa Salomoon masesano nojuaja timitiaree.

Salomoonri jiyacari Pueyaso riucuaree naatej: —Pueyasonaa, quiaari cua shipininio David quia jiyaraajia miinio maninia nojuaja quia paniniuucua. Quia tojijia na quiniuucua, nojuajaari maninia miijiojua quiara. Nojuajaari naacua tama na cuaqueyajaaja cojuaja maja sesa na miiniuria. Naacuatej, cua shipininioori saaja maninia miiniuucua shiiniuquiujia. Naacuatej quiaari jiyanohua maninia na miijiojua. Naajuhuaj quiaari naacua nocuajinio supueno neyano cajitiriucuaa camarnu na quiniuria na niti saniniuujia. Seetanujuanaa naari taa quiarijia quia niataacuajanoj. Janiyari naacua quiarijia camarnuni.

Quiarijianij janiyari quia saquiriojosano pueya camarnuni. Nojoriiri jiyanohua queraatia. Naa puera queraatia nojori quiniuucuatej, majaari na naata serojosaanu. Majaari cua niishiniujuhuaj taa pueyateja puetunu nojorijianaani.