Paglalakbay Tungo sa SabsabanHalimbawa

Hindi Lamang Isang Ordinaryong Sanggol

Hindi para sa isang ordinaryong sanggol lamang ang mapangunahan ng maraming pahayag tungkol sa Kanyang kapanganakan, buhay, at kamatayan.

Ang isang ordinaryong sanggol ay hindi ipagdadalang-tao sa pinaka-milagrosong paraan na puwede.

Ang isang ordinaryong sanggol ay hindi magkakaroon ng isang pagpapahayag ng kapanganakan mula sa hukbo ng langit. 

Ang isang ordinaryong sanggol ay hindi makakapukaw sa mga pastol para iwanan ang kanilang mga tupa at hanapin Siya.

Ang isang ordinaryong sanggol ay hindi makakahikayat ng mga marurunong na lalaki mula sa silangan na makipagsapalaran para hanapin Siya.

Ang isang ordinaryong sanggol ay hindi kayang gawing sulit ang buong buhay na paghihintay ni Simeon at magdadala ng papuri sa mga labi ni Ana.

Ang isang ordinaryong sanggol ay hindi makakayanan na gawing nakakakita ang bulag, nakakarinig ang bingi, at magbigay ng kalayaan sa taong pinaghaharian ng demonyo, magbigay ng buhay sa patay, at kapatawaran sa nagkasala.

Ang isang ordinaryong sanggol ay hindi kayang maging Kordero ng Diyos na buong kaloobang kukunin ang kasalanan ng mundo.

Hindi, Siya ay hindi isang ordinaryong sanggol. Siya ang Jesu-Cristo, Hari ng mga Hari, at Panginoon ng mga Panginoon, noon, ngayon, at magpakailanman.

Gawain: Basahin ang kuwento ng kapanganakan sa Mabuting Balita ni Lucas (1:26-2:21).