Aking Kasukdulan Para Sa Kanyang Kadakilaan (My Utmost For His Highest)Halimbawa

"Ang Panginoon iyon!"

Wika ni Jesus sa kanya, ‘Maaari mo ba akong bigyan ng maiinom?’” (Juan 4:7). Ilan sa atin ang umaasang papawiin ni Jesus ang ating uhaw samantalang ang dapat nating ginagawa ay ang bigyan Siya ng kasiyahan! Ang marapat nating gawin ay ibuhos ang ating mga buhay, ipamuhunan ang lahat ng kung ano tayo, hindi ang kumuha sa Kanya upang bigyan ng kasiyahan ang ating mga sarili. “kayo'y magiging mga saksi ko. . .” (Mga Gawa 1:8). Ang ibig sabihin niyan ay mga buhay na dalisay, hindi matinag, at hindi mapigilan ang debosyon sa Panginoong Jesus, na ikasisisya Niya saan man Niya tayo ipadala. Mag-ingat sa anumang bagay na makikipagkompetensiya sa iyong katapatan kay Jesu-Cristo. Ang pinakamatinding katunggali ng tunay na debosyon kay Jesus ay ang paglilingkod na ginagawa natin sa Kanya. Mas madaling maglingkod kaysa lubos na ibuhos ang ating buhay para sa Kanya. Ang layunin ng pagtawag ng Diyos ay ang Kanyang kasiyahan, hindi lamang ang may gawin tayo para sa Kanya. Hindi tayo ipinadadala upang makipaglaban para sa Diyos, kundi upang magamit ng Diyos sa Kanyang mga pakikipaglaban. Mas inaalala ba natin ang paglilingkod kaysa kay Jesu-Cristo mismo?

Pinupuri Kita dahil sa sinabing—“Kung paano nahahabag ang ama sa anak niya, gayon siya nahahabag sa may takot sa kanya.” Lubos kong nauunawaan na tanging pag-ibig at hindi kabagsikan Mo ang iginawad sa akin. O, na ang Pag-ibig at kahinahunan at katiyagaan mo sa akin ay maipamalas sa pamamagitan ko sa ibang tao!