Higante ba ang kaaway mo? Chill, kaya mo yan!🤗

Sobrang laki ba ng problema mo ngayon, parang Everest lang? Doubting if God’s got your back to get through this?

In our series this week tungkol sa buhay ni David, titingnan natin ang nangyari noong hinarap niya ang higanteng si Goliath, isang sundalong Filisteo na kaaway ng Israel, at siya ang nag-challenge sa Israel sa one-on-one combat. Eh, higante si Goliath kaya natakot ang lahat ng sundalo ng Israel at walang gustong humarap sa kanya. But the young David volunteered! And even if King Saul discouraged him, ito ang sagot niya:

…“Matagal na po akong nagbabantay sa mga kawan ng aking ama. Kung may leon o oso na tatangay sa mga tupa, tinutugis ko po ito at binubugbog, at kinukuha ang tupa. Kung lalaban ito hinuhuli ko ito sa leeg at hinahampas hanggang sa mamatay. Nagawa ko po ito sa mga leon at oso, at gagawin ko rin ito sa Filisteong iyon na hindi nakakakilala sa Diyos dahil hinahamon po niya ang mga sundalo ng buháy na Diyos. Ang Panginoon na nagligtas sa akin sa mga leon at oso ang siya ring magliligtas sa akin sa kamay ng Filisteong iyon.” (1 Samuel 17:34-37 ASD)

Nakikita mo ba? Kahit bata pa si David, he already has a history of seeing how God saved him from other enemies in the past, gaya ng leon at oso. This gave him the strength to fight the giant.

Could this be what you need right now, kahit sa harap ng napakalaking problema? Puwede ba tayong huminto ng ilang minuto, and think about the small ways that the Lord has helped you in the past? Puwede mo itong isulat sa journal, o sabihin nang pabigkas sa Kanya.

Tandaan mo, isa kang miracle!