Pitong Bagay na Sinasabi ng Biblia Patungkol sa PagkabalisaHalimbawa

Sa buhay, makakaranas ka ng mahihirap na sitwasyon. Kung hindi mo ito paghahandaan, maaaring maging mas mahirap kapag dumating na ang pagkakataon. Isang paraan upang malabanan ang pagkabalisa ay palibutan ang sarili ng mga tamang tao - mga taong makakatulong sa iyo na malagpasan ang mga problema. Kung ang isang pagsubok ay waring napakalaki upang malagpasan, ang pagbabahagi nito sa iba ay makakatulong na mabawasan ang bigat na nadarama kung hindi man maresolba ang problema.

Ibinibigay ni Jesus ang kapayapaan sa naiibang antas. Siya ay lagi mong kasama, kailanman at kung saan mo man Siya kailangan. Kapag binibigyan ka ng pagsubok ng buhay, nakakagaan sa pakiramdam na malamang si Jesus ay nariyan lamang upang tulungan kang mapagtagumpayan ang anumang sagabal. Habang ikaw ay lumalapit sa Kanya, mas mararamdaman mo ang kapayapaan - kahit na sa mga mahihirap na sitwasyon...kahit na nilalabanan mo ang pagkabalisa.

Kapag inilagay mo ang kompiyansa mo sa Panginoon, sa halip na sa iyong sarili (o sa kung ano mang pangyayari), ang mga kahirapan sa buhay ay hindi ganoon kabigat. Mababawasan ang iyong pangamba at mas lalago pa ang kapayapaan dahil alam mong si Jesus ay naglalakad kasama mo sa anumang hinaharap mo. Katulad sa pagpapalago mo ng kaalaman upang makatulong sa isang pagsusulit o proyekto, ang pagpapalago ng pananampalataya ay nakakatulong upang ikaw ay umasa kay Jesus.

Hindi mo kailangang pagdaaanan ito nang nag-iisa. Si Jesus ay nariyan para sa iyo. Ilapit mo sa Kanya ang iyong mga pinapangambahan dahil nagmamalasakit Siya sa iyo.

Ryan Ackermann
YouVersion iOS Developer