Masayahin ang ating Panginoon

BibleProject | Bagong Kasunduan, Bagong Karunungan

BibleProject | Maikling Kurso tungkol kay Apostol Pablo

Prayer

Nilikha Tayo in His Image

Ang Kahariang Bali-baliktad

BibleProject | Walang-Hanggang Pag-ibig ng Diyos

Mag One-on-One with God

Sa Paghihirap…

Ang Kwento ng Naglayas na Anak

Magandang Balita Bible (Revised)

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch2" data-usfm="JDG.2.10+JDG.2.11+JDG.2.12+JDG.2.13+JDG.2.14+JDG.2.15+JDG.2.16+JDG.2.17+JDG.2.18+JDG.2.19+JDG.2.20+JDG.2.21+JDG.2.22+JDG.2.23">
 <div class="p">6-10Pinalakad#Jos. 19:49-50 na ni Josue ang mga Israelita at kanila ngang tinirhan ang mga lupaing nakatalaga para sa kanila. Si Josue ay namatay sa edad na 110 taon at inilibing siya sa Timnat-heres, isang lugar na sakop ng kanyang lupain sa kaburulan ng Efraim, sa gawing hilaga ng Bundok Gaas. Namatay rin ang buong salinlahing kasabayan ni Josue. Naglingkod nang tapat kay Yahweh ang mga Israelita habang nabubuhay si Josue at ang mga pinunong nakasaksi sa mga kahanga-hangang bagay na ginawa ni Yahweh para sa Israel. Subalit ang sumunod na salinlahi ay nakalimot kay Yahweh at sa lahat ng ginawa niya para sa Israel.</div><div class="s">Tumigil ang Israel sa Paglilingkod kay Yahweh</div><div class="p"> 11Ang mga Israelita ay gumawa ng kasamaan laban kay Yahweh at sumamba sila sa mga Baal. 12Tinalikuran nila si Yahweh, ang Diyos ng kanilang mga ninuno, na nagligtas sa kanila sa Egipto. Naglingkod sila at sumamba sa mga diyus-diyosan ng mga bayan sa kanilang paligid. Kaya nagalit sa kanila si Yahweh. 13Itinakwil nila si Yahweh at naglingkod sa mga Baal at kay Astarot. 14Dahil dito, nagalit si Yahweh sa Israel at sila'y hinayaan niyang matalo ng kaaway at samsaman ng ari-arian. 15Tuwing makikipagdigma sila, hindi na sila tinutulungan ni Yahweh tulad ng kanyang babala. Kaya't wala silang kapanatagan.</div><div class="p"> 16Dahil dito, ang Israel ay binigyan ni Yahweh ng mga hukom na siyang magliligtas sa kanila sa kamay ng mga mananakop. 17Ngunit hindi rin nila sinunod ang mga hukom na ito. Tinalikuran ng mga Israelita si Yahweh. Ang katapatan ng kanilang mga ninuno kay Yahweh ay hindi nila pinamarisan. 18Lahat naman ng hukom na isinugo ni Yahweh ay pinatnubayan niya at iniligtas niya ang Israel sa mga kaaway habang nabubuhay ang hukom. Kinaawaan sila ni Yahweh dahil sa kanilang mga daing bunga ng hirap na dinaranas nila. 19Ngunit pagkamatay ng hukom, muli na namang sumasamba sa mga diyus-diyosan ang mga Israelita. Higit pa sa kasamaan ng kanilang mga ninuno ang kanilang ginagawa; hindi nila maiwan ang kanilang masasamang gawain at katigasan ng ulo. 20Kaya, lalong nagalit si Yahweh sa kanila. Sinabi niya, &#8220;Sumira ang mga Israelita sa kasunduang ibinigay ko sa kanilang mga ninuno. Dahil sa pagsuway nila sa akin, 21hindi ko na palalayasin ang natitira pang Cananeo sa lupaing iniwan sa kanila ni Josue nang siya'y namatay. 22Sa pamamagitan ng mga bansang ito, masusubok ko kung ang Israel ay susunod sa aking mga utos, tulad ng kanilang mga ninuno.&#8221; 23Kaya, hindi agad pinaalis ni Yahweh ang mga tao sa mga lupaing hindi nasakop ng mga Israelita noong buh&#225;y pa si Josue.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch4" data-usfm="JDG.4">
 <div class="label">4</div><div class="s">Sina Debora at Barak</div><div class="p"> 1Nang mamatay si Ehud, ang bayang Israel ay muling gumawa ng kasamaan laban kay Yahweh. 2Kaya, hinayaan ni Yahweh na masakop sila ni Jabin, isang Cananeo na hari ng Hazor. Si Sisera na taga-Haroset Hagoyim ang pinuno ng kanyang hukbo. 3Si Jabin ay may siyam na raang karwaheng bakal. Pinagmalupitan at inapi niya ang Israel sa loob ng dalawampung taon. Kaya't humingi ng tulong kay Yahweh ang mga Israelita.</div><div class="p"> 4Noon, ang babaing propeta na si Debora, asawa ni Lapidot, ay nagsisilbing hukom ng Israel. 5Nakaugalian na niyang maupo sa ilalim ng puno ng palmera sa kaburulan ng Efraim, sa pagitan ng Rama at Bethel. Pinupuntahan siya rito ng mga tao upang magpasya sa kanilang mga usapin. 6Isang araw, ipinatawag niya si Barak na anak ni Abinoam na taga-Kades, mula sa lipi ni Neftali. Sinabi niya rito, &#8220;Ipinag-uutos sa iyo ni Yahweh, ang Diyos ng Israel, na pumili ka ng sampung libong kawal mula sa lipi nina Neftali at Zebulun. Isama mo sila sa Bundok ng Tabor. 7Lalabanan ninyo sa may Ilog Kison ang pangkat ni Sisera, ang pinuno ng hukbo ni Jabin. Ngunit pagtatagumpayin kita laban sa kanya.&#8221;</div><div class="p"> 8Sumagot si Barak, &#8220;Pupunta ako kung kasama ka. Ngunit kung hindi ka sasama, hindi ako pupunta.&#8221;</div><div class="p"> 9Sinabi ni Debora, &#8220;Kung gayon, sasama ako, ngunit wala kang makukuhang karangalan sapagkat si Sisera ay ibibigay ni Yahweh sa kamay ng isang babae.&#8221; Sumama nga si Debora kay Barak. 10Nanawagan si Barak sa lipi nina Neftali at Zebulun, at sampung libong kalalakihan ang sumunod sa kanya. Sumama rin sa kanya si Debora.</div><div class="p"> 11Samantala, si Heber na isang Cineo ay lumayo sa mga kapwa niya Cineo. Ang mga Cineo ay buhat sa angkan ni Hobab na kamag-anak ng asawa ni Moises. Nagtayo si Heber ng tolda malapit sa kagubatan ng Zaananim, malapit sa Kades.</div><div class="p"> 12May nakapagsabi kay Sisera na si Barak ay pumunta sa Bundok Tabor. 13Kaya, tinipon niya ang kanyang siyam na raang karwaheng bakal at ang lahat ng kanyang kawal mula sa Haroset Hagoyim patungo sa Ilog Kison. 14Sinabi ni Debora kay Barak, &#8220;Lusob! Ngayon ang araw na itinakda ni Yahweh upang gapiin mo si Sisera. Pangungunahan ka ni Yahweh!&#8221; Pumunta nga sa Bundok Tabor si Barak at ang sampung libong kawal niya. 15Nang sumalakay sina Barak, nilito ni Yahweh sina Sisera. Nagkanya-kanyang takbuhan ang mga kawal nito. Si Sisera naman ay bumab&#226; sa kanyang karwahe at patakbong tumakas. 16Hinabol nina Barak ang mga karwahe ni Sisera hanggang sa Haroset Hagoyim at pinatay nila ang lahat ng mga tauhan nito. Wala silang itinirang buh&#225;y.</div><div class="p"> 17Samantala, nakatakas si Sisera at nagtago sa tolda ni Jael na asawa ng Cineong si Heber, sapagkat magkaibigan si Haring Jabin ng Hazor at ang sambahayan ni Heber. 18Nang makita ni Jael na papalapit si Sisera, sinabi niya, &#8220;Tuloy po kayo sa aking tolda at huwag kayong matakot.&#8221; Pumasok nga si Sisera at siya'y pinatago ni Jael sa likod ng tabing.#18 pinatago&#8230;sa likod ng tabing: o kaya'y tinakpan ng basahan. 19Sinabi ni Sisera kay Jael, &#8220;Nauuhaw ako. Maaari mo ba akong bigyan ng tubig na maiinom?&#8221; Ang babae ay kumuha ng sisidlang-balat na puno ng gatas. Pinainom niya si Sisera, saka pinatagong muli.</div><div class="p"> 20Sinabi ni Sisera, &#8220;Diyan ka muna sa may pintuan ng tolda. Kapag may nagtanong kung may tao rito, sabihin mong wala.&#8221;</div><div class="p"> 21Dahil sa matinding pagod, nakatulog nang mahimbing si Sisera. Si Jael naman ay kumuha ng maso at tulos ng tolda. Dahan-dahan siyang lumapit kay Sisera at pinukpok ang tulos sa noo nito hanggang sa bumaon sa lupa. Sa gayon, namatay si Sisera. 22Nang dumating si Barak na naghahanap kay Sisera, sinabi niya, &#8220;Narito ang hinahanap ninyo.&#8221; Pagpasok ni Barak, nakita niyang patay na si Sisera. Nakabulagta ito at nakabaon pa sa noo ang tulos.</div><div class="p"> 23Nang araw na iyon, pinagtagumpay ng Diyos ang bayang Israel laban kay Jabin, ang haring Cananeo. 24Patuloy nila itong ginipit hanggang sa lubusang matalo.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch6" data-usfm="JDG.6">
 <div class="label">6</div><div class="s">Si Gideon</div><div class="p"> 1Muling gumawa ng kasamaan laban kay Yahweh ang mga Israelita, kaya sila'y hinayaan niyang masakop ng mga Midianita sa loob ng pitong taon. 2Higit na makapangyarihan ang mga Midianita kaysa sa mga Israelita. Kaya't ang mga Israelita ay nagsipagtago sa mga kuweba at sa mga kabundukan. 3Tuwing magtatanim ang mga Israelita sa kanilang mga bukirin, sinasalakay sila ng mga Midianita, Amalekita, at iba pang mga lipi galing sa disyerto. 4Nagkakampo ang mga ito sa lupain at sinisira ang mga pananim doon hanggang sa may Gaza. Wala silang itinitirang anuman na maaaring pakinabangan ng mga Israelita sapagkat kinukuha nilang lahat pati ang mga tupa, baka at asno. 5Dumarating silang parang makapal na balang kasama ang kanilang mga baka, tolda at mga kamelyong hindi mabilang sa dami, at sinisira ang lupain. 6Walang magaw&#226; ang mga Israelita, kaya humingi sila ng tulong kay Yahweh.</div><div class="p"> 7Nang marinig ni Yahweh ang pagdaing ng mga Israelita dahil sa pagpapahirap ng mga Midianita, 8sila'y pinadalhan niya ng propeta at ipinasabi ang ganito: &#8220;Inilabas ko kayo sa Egipto. 9Iniligtas ko kayo sa kanilang pang-aalipin, at sa lahat ng inyong kaaway. Natalo ninyo sila at ibinigay sa inyo ang kanilang lupain. 10Sinabi ko na sa inyo na ako si Yahweh na inyong Diyos at hindi kayo dapat sumamba sa mga diyos ng mga Amoreo, sa lupaing inyong tinitirhan ngayon. Ngunit hindi kayo nakinig sa akin.&#8221;</div><div class="p"> 11Dumating sa Ofra ang anghel ni Yahweh at naupo sa ilalim ng malaking puno na pag-aari ni Joas na buhat sa angkan ni Abiezer. Si Gideon na anak ni Joas ay kasalukuyang gumigiik noon ng trigo sa pisaan ng ubas. Patago ang kanyang paggiik upang hindi siya makita ng mga Midianita. 12Nagpakita sa kanya ang anghel ni Yahweh at sinabi sa kanya, &#8220;Sumasaiyo si Yahweh, magiting na lalaki.&#8221;</div><div class="p"> 13Sumagot si Gideon, &#8220;Mawalang-galang na po. Kung talagang kasama namin si Yahweh, bakit ganito ang nangyayari sa amin? Nasaan na ngayon ang mga kababalaghang ginawa niya noon gaya ng ikinuwento sa amin ng aming mga ninuno, kung paanong sila'y iniligtas niya sa Egipto? Pinabayaan na kami ni Yahweh sa kamay ng mga Midianita.&#8221;</div><div class="p"> 14Sinabi sa kanya ni Yahweh, &#8220;Lumakad ka at gamitin mo ang buong lakas mo upang iligtas ang Israel mula sa mga Midianita. Ako mismo ang nagsusugo sa iyo.&#8221;</div><div class="p"> 15Sumagot si Gideon, &#8220;Ngunit Panginoon, paano ko maililigtas ang Israel? Ang aming angkan ang pinakamahina sa lipi ni Manases, at ako naman ang pinakahamak sa pamilya namin.&#8221;</div><div class="p"> 16Sinabi sa kanya ni Yahweh, &#8220;Makakaya mo ito sapagkat tutulungan kita. Matatalo mo ang mga Midianitang ito na para ka lang lumaban sa isang tao.&#8221;</div><div class="p"> 17Sumagot si Gideon, &#8220;Kung ako po ay talagang kalugud-lugod sa inyo, bigyan ninyo ako ng palatandaang kayo nga ang nag-uutos sa akin. 18Huwag po muna kayong umalis at hahainan ko kayo ng pagkaing handog.&#8221;</div><div class="p">&#8220;Hihintayin kita,&#8221; sagot ni Yahweh.</div><div class="p"> 19Umuwi nga si Gideon at nagluto ng isang batang kambing at gumawa ng tinapay na walang pampaalsa mula sa limang salop na harina. Pagkaluto, inilagay niya ang karne sa basket at ang sabaw sa isang palayok. Inihain niya ito sa anghel ni Yahweh sa ilalim ng malaking puno. 20Sinabi sa kanya ng anghel, &#8220;Ipatong mo sa malaking batong ito ang karne at ang tinapay. Pagkatapos, buhusan mo ng sabaw.&#8221; Iyon nga ang ginawa ni Gideon. 21Ang karne at ang tinapay ay hinawakan ng anghel ni Yahweh sa pamamagitan ng tungkod. May lumabas na apoy mula sa bato at nasunog ang karne at ang tinapay. Pagkatapos, ang anghel ni Yahweh ay nawala sa kanyang paningin.</div><div class="p"> 22Saka pa lamang naunawaan ni Gideon na anghel nga ni Yahweh ang nakausap niya. Dahil dito, kinilabutan siya sa takot at sinabi, &#8220;Panginoong Yahweh tulungan mo po ako! Harap-harapan kong nakita ang iyong anghel!&#8221;</div><div class="p"> 23Ngunit sinabi sa kanya ni Yahweh, &#8220;Huminahon ka. Huwag kang matakot. Hindi ka mamamatay.&#8221;</div><div class="p"> 24At si Gideon ay nagtayo roon ng isang altar para kay Yahweh na tinawag niyang, &#8220;Si Yahweh ay Kapayapaan.&#8221; (Hanggang ngayon ay naroon pa sa Ofra ang altar, sa lugar na sakop ng angkan ni Abiezer.)</div><div class="s">Sinira ni Gideon ang Altar ni Baal</div><div class="p"> 25Kinagabihan, sinabi ni Yahweh kay Gideon, &#8220;Kunin mo ang toro ng iyong ama, at isa pang toro na pitong ta&#243;ng gulang. Gibain mo ang altar ni Baal na ipinagawa ng iyong ama at putulin mo ang rebulto ni Ashera sa tabi nito. 26Pagkatapos, magpatung-patong ka ng mga bato sa ibabaw ng burol na ito bilang altar para kay Yahweh na iyong Diyos. Pagputul-putulin mo ang rebulto ni Ashera at gawin mong panggatong sa ibabaw ng altar. Ialay mo roon ang pangalawang toro ng iyong ama bilang handog na sinusunog.&#8221; 27Kaya't isinama ni Gideon ang sampu sa kanyang mga tagapaglingkod at ginawa ang sinabi sa kanya ni Yahweh. Gabi nang gawin niya ito sapagkat natatakot siya sa kanyang pamilya at sa mga taong-bayan.</div><div class="p"> 28Kinabukasan ng madaling-araw, nakita na lamang ng mga tao na wasak na ang altar ni Baal at putul-putol na ang rebulto ni Ashera na ipinanggatong sa pangalawang toro na sinunog sa altar na itinayo roon. 29Nagtanungan sila, &#8220;Sino kaya ang may kagagawan nito?&#8221; Nagsiyasat sila at nalaman nilang si Gideon na anak ni Joas ang may kagagawan niyon. 30Sinabi ng mga taong-bayan kay Joas, &#8220;Ilabas mo rito ang anak mo at papatayin namin. Giniba niya ang altar ni Baal at pinagputul-putol ang rebulto ni Ashera sa tabi ng altar.&#8221;</div><div class="p"> 31Sumagot si Joas, &#8220;Ipinaglalaban ba ninyo si Baal? Ipinagtatanggol n'yo ba siya? Sinumang makipaglaban para sa kanya ay papatayin bago mag-umaga. Kung siya'y talagang diyos, hayaan ninyong ipagtanggol niya ang kanyang sarili. Di ba't kanyang altar ang giniba?&#8221; 32Mula noon, si Gideon ay tinaguriang Jerubaal#32 JERUBAAL: Sa wikang Hebreo, ang kahulugan ng salitang ito'y &#8220;Hayaan ninyong ipagtanggol ni Baal ang kanyang sarili&#8221;. dahil sa sinabi ni Joas na, &#8220;Hayaan ninyong ipagtanggol ni Baal ang kanyang sarili. Hindi ba't sa kanya naman ang altar na giniba?&#8221;</div><div class="p"> 33Ang mga Midianita, Amalekita, at iba pang mga lipi sa silangan ay sama-samang tumawid sa Ilog Jordan at nagkampo sa Libis ng Jezreel. 34Lumukob kay Gideon ang Espiritu#34 ESPIRITU: o kaya'y kapangyarihan. ni Yahweh; hinipan niya ang trumpeta bilang hudyat na sumunod sa kanya ang mga kalalakihan ng angkan ni Abiezer. 35Nagpadala siya ng mga sugo sa buong nasasakupan ng mga lipi nina Manases, Asher, Zebulun at Neftali upang makiisa sa kanya ang mga liping ito. Nagpasya namang sumama ang mga ito kay Gideon.</div><div class="s">Humingi ng Palatandaan si Gideon</div><div class="p"> 36Sinabi ni Gideon sa Diyos, &#8220;Sinabi ninyo sa akin na ako ang gagamitin ninyo upang iligtas ang Israel. 37Dahil dito, maglalatag ako ng isang lana sa giikan ng trigo. Kapag nabasa ito ng hamog ngunit tuyo ang paligid, ako nga ang gagamitin ninyo upang iligtas ang Israel.&#8221; 38Ganoon nga ang ginawa ni Gideon. Kinabukasan ng umaga, kinuha niya ang lanang inilatag sa giikan, at nang pigain niya ito, napuno niya ng tubig ang isang mangkok. 39Sinabi ni Gideon sa Diyos, &#8220;Huwag po kayong magagalit sa akin. Mayroon pa po akong isang hihilingin. Nais ko pong matuyo naman itong lana at mabasa ng hamog ang lupa sa paligid.&#8221; 40Kinagabihan, ginawa nga iyon ng Diyos. Tuyo ang lana ngunit basa ng hamog ang lupa sa paligid nito.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch9" data-usfm="JDG.9.22+JDG.9.23+JDG.9.24+JDG.9.25+JDG.9.26+JDG.9.27+JDG.9.28+JDG.9.29+JDG.9.30+JDG.9.31+JDG.9.32+JDG.9.33+JDG.9.34+JDG.9.35+JDG.9.36+JDG.9.37+JDG.9.38+JDG.9.39+JDG.9.40+JDG.9.41+JDG.9.42+JDG.9.43+JDG.9.44+JDG.9.45+JDG.9.46+JDG.9.47+JDG.9.48+JDG.9.49+JDG.9.50+JDG.9.51+JDG.9.52+JDG.9.53+JDG.9.54+JDG.9.55+JDG.9.56+JDG.9.57">
 <div class="p">22Tatlong ta&#243;ng pinamunuan ni Abimelec ang Israel. 23Ngunit nagpadala ang Diyos ng espiritu ng hidwaan sa mga taga-Shekem at kay Abimelec. Dahil dito, naghimagsik ang mga kalalakihan ng Shekem laban kay Abimelec. 24Nangyari ito upang pagbayarin si Abimelec at ang mga nagsulsol sa kanya na patayin ang pitumpung anak ni Gideon. 25Ang mga taga-Shekem ay naglagay ng mga tauhan upang tambangan sa bundok si Abimelec. Hinaharang nila ang lahat ng magdaan doon. Nabalitaan ito ni Abimelec.</div><div class="p"> 26Noon, si Gaal na anak ni Ebed ay nagpunta sa Shekem, kasama ang kanyang mga kapatid. Nagtiwala naman sa kanya ang mga tagaroon. 27Namitas sila ng ubas, ginawa itong alak, at sila'y nagpista. Sa kainitan ng pista ay pumasok sila sa templo ng kanilang diyus-diyosan. Kumain sila roon at nag-inuman habang patuloy na kinukutya si Abimelec. 28Sinabi ni Gaal, &#8220;Bakit ba tayo pasasakop kay Abimelec? Sino siya kung ihahambing sa mga taga-Shekem? Hindi ba anak lamang siya ni Gideon? At pati si Zebul ay sunud-sunuran sa kanya! Bakit nga tayo pasasakop sa kanya? Ibangon ninyo ang karangalan ng ninuno ninyong si Hamor. 29Kung ako ang mamumuno sa inyo, tiyak na matatalo natin siya. Sasabihin ko sa kanyang ilabas na niya ang buo niyang hukbo at maglaban kami.&#8221;</div><div class="p"> 30Nabalitaan ni Zebul na tagapamahala ng lunsod ang pinagsasabi ni Gaal, kaya't ito'y nagalit. 31Nagsugo siya kay Abimelec sa Aruma at ipinasabi, &#8220;Si Gaal at ang kanyang mga kamag-anak ay narito sa Shekem. Pinag-aalsa nila ang mga taga-Shekem laban sa iyo. 32Kaya mamayang gabi, isama mo ang iyong mga tauhan. Magtago muna kayo sa labas ng lunsod. 33Bukas, pagsikat ng araw, bigla kayong sumalakay. Kapag lumaban sila Gaal, gawin mo na sa kanya ang gusto mo.&#8221;</div><div class="p"> 34Kaya't lumakad si Abimelec at ang kanyang mga tauhan. Sila'y nag-apat na pangkat at nagtago muna sa labas ng Shekem. 35Kinaumagahan, tumayo si Gaal sa may pagpasok ng lunsod. Sina Abimelec naman ay lumabas sa kanilang pinagtataguan. 36Nang makita sila ni Gaal, sinabi nito kay Zebul, &#8220;May mga taong nanggagaling sa kabundukan.&#8221;</div><div class="p">Sumagot si Zebul, &#8220;Anino lamang ng bundok ang nakikita mo. Ang tingin mo lang ay tao.&#8221;</div><div class="p"> 37Sinabi uli ni Gaal, &#8220;May mga taong bumababa sa may burol. May isang pangkat pang nagmumula sa may sagradong puno ng ensina.&#8221;</div><div class="p"> 38Sinabi na sa kanya ni Zebul, &#8220;Tingnan ko ngayon ang yabang mo. Di ba't itinatanong mo kung sino si Abimelec para sumakop sa atin? Sila na iyon. Bakit di mo sila labanan?&#8221; 39Tinipon nga ni Gaal ang mga taga-Shekem at hinarap sina Abimelec. 40Ngunit natalo siya kaya napilitang tumakas. Hinabol siya ni Abimelec at marami ang nabuwal na sugatan hanggang sa may pagpasok ng lunsod. 41Nagbalik na sa Aruma si Abimelec. Si Gaal naman at ang natitira pa niyang kamag-anak ay pinalayas ni Zebul sa Shekem at pinagsabihang huwag nang magbalik.</div><div class="p"> 42Kinabukasan, ang mga taga-Shekem ay lumabas ng bukid at ito'y nalaman ni Abimelec. 43Pinagtatlong pangkat niya ang kanyang mga tauhan at sila'y nag-abang. Nang makita nila ang mga taga-Shekem, pinatay nila ang mga ito. 44Ang pangkat ni Abimelec ay nagmamalaking nagpunta sa pagpasok ng lunsod upang magbantay samantalang pinapatay ng dalawang pangkat ang mga tao sa kabukiran. 45Sina Abimelec ay maghapong nakipaglaban sa mga taga-Shekem bago nila naubos ang mga tagaroon at nasakop ang lunsod. Pagkatapos, iginuho nila ang buong lunsod at sinabugan ng makapal na asin ang lupa.</div><div class="p"> 46Nang mabalitaan ito ng mga nakatira sa kastilyo sa Shekem, nagtago sila sa templo ni Baal-berit. 47Nalaman ito ni Abimelec, 48kaya't isinama niya sa Bundok Zalmon ang kanyang mga tauhan. Pagdating doon, pumutol siya ng mga sanga ng kahoy at pinasan. Lahat ng tauhan niya'y pinakuha rin niya ng mga sanga ng kahoy. 49Nagkanya-kanya sila ng pasan at sumunod kay Abimelec. Ang mga ito'y itinambak nila sa ibaba ng tore at sinunog. Namatay lahat ang nasa loob nitong may sanlibong katao, pati mga babae.</div><div class="p"> 50Pagkatapos, sina Abimelec ay nagtuloy sa Tebez at sinakop iyon. 51May matibay na tore doon na pinagtataguan ng mga taga-Tebez. Nang makapasok na ang lahat, sinarhan nila ang daan at sila'y umakyat hanggang sa tuktok ng tore. 52Sinundan sila ni Abimelec at susunugin na sana ang tore, 53ngunit#2 Sam. 11:21 siya'y binagsakan ng malaking bato ng isang babaing naroon at nabasag ang kanyang bungo. 54Kaya't dali-dali niyang tinawag ang kanyang lingkod at sinabi, &#8220;Patayin mo ako ng iyong tabak para hindi nila sabihing babae ang nakapatay sa akin.&#8221; Kaya, siya'y sinaksak ng kanyang lingkod at namatay. 55Nang malaman ng mga Israelita na patay na si Abimelec, nag-uwian na sila sa kanya-kanyang tahanan.</div><div class="p"> 56Sa ganitong paraan, si Abimelec ay siningil ng Diyos dahil sa pagpatay sa pitumpu niyang kapatid. 57Pinagdusa rin ng Diyos ang mga taga-Shekem, tulad ng sumpa sa kanila ni Jotam na anak ni Gideon.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch11" data-usfm="JDG.11">
 <div class="label">11</div><div class="s">Si Jefta</div><div class="p"> 1Si Jefta na taga-Gilead ay isang matapang na mandirigma. Si Gilead ang kanyang ama at ang ina niya'y isang babaing nagbebenta ng panandaliang-aliw. 2May iba pang anak si Gilead sa kanyang tunay na asawa, at nang lumaki ang mga ito ay pinalayas nila si Jefta. Sinabi nila, &#8220;Wala kang mamanahin mula sa aming ama sapagkat ikaw ay anak sa labas.&#8221; 3Kaya, umalis si Jefta at nanirahan sa Tob. Doon ay nagbuo siya ng pangkat ng mga taong itinakwil din ng lipunan at sama-sama sila sa pandarambong.</div><div class="p"> 4Pagkalipas ng ilang panahon, nilusob ng mga Ammonita ang Israel. 5Dahil dito, si Jefta ay ipinasundo mula sa lupain ng Tob ng mga pinuno ng Gilead. 6Sinabi nila, &#8220;Ikaw ang manguna sa amin sa pakikipaglaban sa mga Ammonita.&#8221;</div><div class="p"> 7Sumagot si Jefta, &#8220;Hindi ba't nasusuklam kayo sa akin kaya ninyo ako pinaalis sa Gilead? Bakit lalapitan ninyo ako ngayong nahaharap kayo sa panganib?&#8221;</div><div class="p"> 8Ngunit sinabi nila, &#8220;Ikaw ang nilalapitan namin ngayon sapagkat gusto naming makasama ka sa pakikipaglaban sa mga Ammonita. Gusto rin naming ikaw ang mamuno sa Gilead.&#8221;</div><div class="p"> 9Sinabi ni Jefta, &#8220;Kapag isinama ninyo ako sa pakikipaglaban sa kanila at niloob ni Yahweh na ako'y magtagumpay, ako ang kikilalanin ninyong pinuno.&#8221;</div><div class="p"> 10Sumagot sila, &#8220;Oo, ikaw ang gagawin naming pinuno, saksi natin si Yahweh.&#8221; 11Sumama nga si Jefta sa matatandang pinuno patungong Gilead at ginawa siyang pinuno at tagapamahala ng mga tagaroon. Ipinahayag ni Jefta sa Mizpa sa harapan ni Yahweh ang mga patakaran niya bilang pinuno.</div><div class="p"> 12Si Jefta ay nagpadala ng mga sugo sa hari ng mga Ammonita at kanyang ipinatanong, &#8220;Ano ba ang atraso namin sa inyo? Bakit ninyo nilulusob ang aming bayan?&#8221;</div><div class="p"> 13Ganito ang sagot ng hari ng mga Ammonita sa mga sugo ni Jefta: &#8220;Gusto naming maibalik sa amin ang aming lupain, sapagkat nang dumating dito ang mga Israelita buhat sa Egipto, kinamkam nila ang aming lupain mula sa Ilog Arnon hanggang sa Ilog Jabboc at ng Jordan.&#8221;</div><div class="p"> 14Pinabalik ni Jefta ang kanyang mga sugo sa hari ng mga Ammonita 15at ipinasabi, &#8220;Hindi namin kinamkam ang lupain ng Moab o ng Ammon. 16Nang umalis sa Egipto ang aming mga ninuno, naglakbay sila sa disyerto patungong Dagat na Pula#16 DAGAT NA PULA: o kaya'y Dagat ng mga Tambo. hanggang sa Kades. 17Pagkatapos,#Bil. 20:14-21 nagpadala sila ng mga sugo sa hari ng Edom upang humingi ng pahintulot na dumaan sa lupaing ito, ngunit hindi sila pinayagan nito. Ganoon din ang ginawa ng hari ng Moab. Kaya, ipinasya nilang tumigil sa Kades. 18Nagpatuloy#Bil. 21:4 sila sa paglalakbay sa disyerto. Iniwasan nila ang Edom at Moab hanggang sa sumapit sila sa gawing silangan ng Moab, sa ibayo ng Ilog Arnon. Nagkampo sila roon. Hindi sila tumawid ng ilog sapagkat iyon ang hangganan ng Moab. 19At#Bil. 21:21-24 nagpadala sila ng mga sugo sa Hesbon, kay Haring Sihon ng mga Amoreo, upang humingi ng pahintulot na dumaan sa lupain nito. 20Ngunit hindi pumayag si Sihon. Sa halip, tinipon nito sa Jahaz ang kanyang hukbo at sinalakay ang mga Israelita. 21Ngunit sila'y ibinigay ni Yahweh sa kamay ng mga Israelita. Kaya, ang lahat ng lupain ng mga Amoreo sa dakong iyon ay nasakop ng mga Israelita: 22buhat sa Ilog Arnon, sa timog, hanggang sa Jabboc sa hilaga, at buhat naman sa disyerto, sa silangan hanggang sa Jordan, sa kanluran. 23Kaya si Yahweh ang nagtaboy sa mga Amoreo upang ang lupain nila'y tirhan ng mga Israelita. 24At ngayo'y gusto ninyo itong kunin? Inyo nang lahat ang ibinigay sa inyo ng diyus-diyosan ninyong si Cemos ngunit huwag ninyong papakialaman ang ibinigay sa amin ni Yahweh na aming Diyos. 25Sa#Bil. 22:1-6 palagay mo ba'y mas magaling ka kaysa kay Balac na hari ng Moab? Ni minsa'y hindi niya tinangkang digmain ang Israel. 26Tatlong daang taon nang naninirahan ang mga Israelita sa Hesbon, Aroer, sa mga bayan sa paligid nito, at sa mga lunsod sa palibot ng Ilog Arnon. Bakit ngayon lamang ninyo naisipang bawiin ang mga ito? 27Wala akong kasalanan sa iyo, ikaw itong may kasalanan sa akin dahil sinasalakay mo ako. Si Yahweh, ang Hukom, ang magpapasya ngayon sa Israel at Ammon.&#8221; 28Ngunit ang pasabing ito ni Jefta ay hindi pinansin ng hari ng mga Ammonita.</div><div class="p"> 29Ang Espiritu#29 ESPIRITU: o kaya'y kapangyarihan. ni Yahweh ay lumukob kay Jefta. Tinipon niya ang mga tao sa Gilead at Manases, pagkatapos ay nagbalik sa Mizpa, Gilead at saka nagtuloy upang salakayin ang mga Ammonita. 30Sumumpa si Jefta kay Yahweh ng ganito: &#8220;Kapag pinagtagumpay ninyo ako laban sa mga Ammonita, 31susunugin ko bilang handog sa inyo ang unang lalabas sa aking bahay at sasalubong sa akin pag-uwi ko.&#8221; 32Sinalakay nga ni Jefta ang mga Ammonita at pinagtagumpay siya ni Yahweh. 33Nagapi nila ang mga kalaban at nasakop ang dalawampung lunsod mula sa Aroer, sa palibot ng Minit hanggang sa Abelqueramim. Marami silang napatay na Ammonita.</div><div class="s">Ang Anak ni Jefta</div><div class="p"> 34Nang magbalik si Jefta sa Mizpa, sinalubong siya ng anak niyang babae na sumasayaw sa saliw ng tamburin. Siya ang kaisa-isang anak ni Jefta. 35Nang#Bil. 30:2 makita siya ni Jefta, pinunit niya ang kanyang damit at buong paghihinagpis na sinabi, &#8220;Anak ko, kay bigat na bagay nitong ginawa mo sa akin ngayon. Ang panata ko kay Yahweh ay hindi ko na mababawi pa!&#8221;</div><div class="p"> 36Sumagot ang anak ni Jefta, &#8220;Kung may panata kayo kay Yahweh, tuparin ninyo iyon sapagkat ipinaghiganti niya kayo laban sa inyong mga kaaway na mga Ammonita. 37Ngunit may isa lamang po akong ipapakiusap sa inyo: bayaan ninyong isama ko sa bundok ang aking mga kaibigan upang ipagluksa ko nang dalawang buwan ang aking pagkabirhen.&#8221; 38Pumayag naman si Jefta na umalis ng dalawang buwan ang anak niya. Nagpunta nga ito sa bundok, kasama ang kanyang mga kaibigan upang ipagluksa ang kanyang pagkabirhen sapagkat mamamatay siya nang hindi makakapag-asawa. 39Pagkaraan ng dalawang buwan, nagbalik siya sa kanyang ama at isinagawa naman nito ang kanyang panata kay Yahweh. At siya nga'y namatay na isang birhen. Mula noon, naging kaugalian na sa Israel 40na taun-taon ay apat na araw na ipagluksa ng mga kababaihan ang dalagang anak ni Jefta.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch13" data-usfm="JDG.13">
 <div class="label">13</div><div class="s">Ipinanganak si Samson</div><div class="p"> 1Muling gumawa ng kasamaan ang mga Israelita laban kay Yahweh kaya sila'y hinayaan niyang masakop ng mga Filisteo sa loob ng apatnapung taon.</div><div class="p"> 2Nang panahong iyon, sa bayan ng Zora ay may isang lalaking nagngangalang Manoa na kabilang sa lipi ni Dan. Ang asawa niya ay hindi magkaanak sapagkat ito'y baog. 3Minsan, nagpakita sa babae ang anghel ni Yahweh at sinabi, &#8220;Hindi ka pa nagkakaanak. Ngunit hindi magtatagal, maglilihi ka at manganganak. 4Kaya, mula ngayon ay huwag kang iinom ng anumang uri ng alak ni titikim ng anumang ipinagbabawal na pagkain. 5Kapag#Bil. 6:1-5 naisilang mo na ang iyong anak na lalaki, huwag mo siyang puputulan ng buhok sapagkat mula pa sa kanyang pagsilang ay ilalaan na siya sa Diyos bilang isang Nazareo. Siya ang magsisimulang magligtas sa Israel mula sa mga Filisteo.&#8221;</div><div class="p"> 6Lumapit ang babae sa kanyang asawa at sinabi, &#8220;Nagpakita sa akin ang isang lingkod ng Diyos, at ang hitsura niya'y kakila-kilabot na parang anghel ng Diyos. Hindi ko tinanong kung saan siya galing at hindi naman niya sinabi kung sino siya. 7Huwag daw akong iinom ng alak ni titikim ng anumang ipinagbabawal na pagkain sapagkat ang sanggol na isisilang ko'y ilalaan sa Diyos bilang isang Nazareo.&#8221;</div><div class="p"> 8Dahil dito, nanalangin si Manoa, &#8220;Yahweh, kung maaari'y pabalikin ninyo sa amin ang nasabing lingkod ng Diyos upang sabihin ang lahat ng nararapat naming gawin sa magiging anak namin.&#8221; 9Tinugon naman ni Yahweh ang kahilingan ni Manoa. Nagpakita muli ang anghel sa asawa ni Manoa nang ito'y nag-iisang nakaupo sa bukid. 10Dali-dali niyang hinanap ang kanyang asawa at sinabi, &#8220;Manoa, halika! Naritong muli ang lalaking nagpakita sa akin noong isang araw.&#8221;</div><div class="p"> 11Sumunod naman si Manoa. Nang makita niya ang lalaki, tinanong niya ito, &#8220;Kayo po ba ang nakausap ng aking asawa?&#8221;</div><div class="p">&#8220;Oo,&#8221; sagot nito.</div><div class="p"> 12&#8220;Kung magkakatotoo ang sinabi ninyo, ano ang magiging buhay ng bata at ano ang dapat niyang gawin?&#8221; tanong ni Manoa.</div><div class="p"> 13Sumagot ang anghel ni Yahweh, &#8220;Kailangang sundin ng asawa mo ang lahat ng sinabi ko sa kanya. 14Huwag siyang kakain ng anumang mula sa puno ng ubas. Huwag rin siyang iinom ng anumang uri ng alak ni titikim ng anumang ipinagbabawal na pagkain. Kailangan niyang sundin ang lahat ng sinabi ko sa kanya.&#8221;</div><div class="p"> 15&#8220;Huwag po muna kayong aalis at ipagluluto ko kayo ng isang batang kambing,&#8221; pakiusap ni Manoa.</div><div class="p"> 16&#8220;Huwag mo na akong ipaghanda at hindi ko naman kakainin. Kung gusto mo, sunugin mo na lamang ang kambing na iyon bilang handog kay Yahweh,&#8221; sagot ng anghel. Hindi alam ni Manoa na anghel pala ni Yahweh ang kausap niya.</div><div class="p"> 17Sinabi ni Manoa, &#8220;Kung gayo'y sabihin man lang ninyo sa amin ang inyong pangalan para malaman namin kung sino ang pasasalamatan namin sa sandaling magkatotoo itong sinasabi ninyo.&#8221;</div><div class="p"> 18Sinabi ng anghel ni Yahweh, &#8220;Bakit gusto pa ninyong malaman ang aking pangalan? Ito'y kamangha-manghang pangalan.&#8221;</div><div class="p"> 19Noon din, si Manoa'y kumuha ng kambing at handog na pagkaing butil. Sinunog niya ang mga ito sa ibabaw ng isang malaking bato bilang handog kay Yahweh, na gumagawa ng kababalaghan.#19 kababalaghan: Sa ibang manuskrito'y may dagdag nakababalaghan habang nakatingin si Manoa at ang kanyang asawa. 20Nang nagliliyab na ang apoy, nakita ng mag-asawang Manoa na ang anghel ay umakyat sa langit sa pamamagitan ng apoy. Nagpatirapa ang mag-asawa, 21sapagkat noon nila naunawaan na ang nakausap pala nila'y isang anghel ni Yahweh. Hindi na nila muling nakita ang anghel.</div><div class="p"> 22Makalipas ang ilang sandali, sinabi ni Manoa sa kanyang asawa, &#8220;Tiyak na mamamatay tayo sapagkat nakita natin ang Diyos.&#8221;</div><div class="p"> 23Ngunit ang sagot ng kanyang asawa, &#8220;Kung papatayin tayo ni Yahweh, hindi sana niya tinanggap ang ating handog. Hindi rin sana niya pinahintulutang masaksihan natin ang lahat ng ito, ni sabihin ang mga narinig natin.&#8221;</div><div class="p"> 24Dumating ang araw at nanganak ang asawa ni Manoa. Lalaki ang sanggol at pinangalanan nilang Samson. Lumaki ang batang patuloy na pinagpapala ni Yahweh. 25At nagsimulang udyukan ng Espiritu#25 ESPIRITU: o kaya'y kapangyarihan. ni Yahweh si Samson at siya'y pinakilos nito sa kampo ng Dan na nasa pagitan ng Zora at ng Estaol.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkJDG">
 <div class="chapter ch16" data-usfm="JDG.16">
 <div class="label">16</div><div class="s">Si Samson sa Gaza</div><div class="p"> 1Minsan, si Samson ay nagpunta sa Gaza. Doo'y may nakilala siyang isang babaing nagbebenta ng panandaliang-aliw. Siya ay nagpalipas ng gabi roon kasama ang babaing ito. 2Nalaman ng mga Filisteo na siya'y naroon, kaya't pinaligiran nila ang lugar na iyon, at magdamag na nagbantay sa pasukan ng lunsod. Ipinasya nilang magbantay hanggang umaga upang tiyak na mapatay nila si Samson. 3Ngunit nang hatinggabi na'y pumunta sa pintuang-bayan si Samson, inalis ang mga pangharang, poste at tarangka. Pinasan niya ang mga ito at dinala sa ibabaw ng gulod sa tapat ng Hebron.</div><div class="s">Sina Samson at Delilah</div><div class="p"> 4Pagkatapos nito'y umibig naman si Samson sa isang dalagang nakatira sa libis ng Sorek. Siya ay si Delilah. 5Ang babaing ito'y nilapitan ng limang pinunong Filisteo at kanilang sinabi, &#8220;Suyuin mo si Samson para malaman namin kung ano ang lihim ng kanyang lakas at nang mabihag namin siya. Kapag nagawa mo iyan, bawat isa sa ami'y magbibigay sa iyo ng sanlibo't sandaang pirasong pilak.&#8221;</div><div class="p"> 6Kaya't sinabi ni Delilah kay Samson, &#8220;Sabihin mo naman sa akin kung saan nanggagaling ang iyong lakas. Paano ka ba maigagapos at madadaig?&#8221;</div><div class="p"> 7Sumagot si Samson, &#8220;Kapag ako'y ginapos ng pitong sariwang yantok, manghihina ako gaya ng karaniwang tao.&#8221;</div><div class="p"> 8Sinabi ito ni Delilah sa mga pinunong Filisteo at siya ay binigyan nila ng pitong sariwang yantok na igagapos kay Samson. 9Samantala, may ilang Filisteo namang nag-aabang sa kabilang silid. Pagkatapos ay sumigaw si Delilah, &#8220;Samson, may dumarating na mga Filisteo!&#8221; Ang yantok na iginapos kay Samson ay nilagot nito na para lamang nasusunog na sinulid. Kaya, hindi nila nalaman ang lihim ng kanyang lakas.</div><div class="p"> 10Dahil dito, sinabi ni Delilah, &#8220;Niloloko mo lang pala ako. Kasinungalingan lang ang sinasabi mo sa akin. Sabihin mo naman sa akin kung paano ka talaga maigagapos.&#8221;</div><div class="p"> 11Kaya, sinabi ni Samson, &#8220;Kapag ako'y ginapos ng bagong lubid na hindi pa nagagamit, manghihina ako gaya ng karaniwang tao.&#8221;</div><div class="p"> 12Kumuha si Delilah ng bagong lubid at ginapos si Samson. Pagkatapos ay sumigaw siya, &#8220;Samson, may dumarating na mga Filisteo!&#8221; Samantala, may mga lalaking nag-aabang sa kabilang silid. Ngunit ang gapos ni Samson ay nilagot niya na para lamang sinulid.</div><div class="p"> 13Kaya sinabi uli ni Delilah kay Samson, &#8220;Hanggang ngayo'y niloloko mo ako at hindi ka nagsasabi ng totoo. Sabihin mo naman sa akin kung paano ka magagapos.&#8221;</div><div class="p">Sinabi ni Samson, &#8220;Kapag pinag-isa mo ang pitong tirintas ng aking buhok, saka ipinulupot sa isang tulos, manghihina na ako at magiging katulad ng karaniwang tao.&#8221;</div><div class="p"> 14Kaya pinatulog ni Delilah si Samson, at pinag-isa ang pitong tirintas nito. Pagkatapos, ipinulupot niya ito sa isang tulos saka sumigaw, &#8220;Samson! May dumarating na mga Filisteo!&#8221; Ngunit siya'y gumising at dali-daling kinalas sa tulos ang kanyang buhok.</div><div class="p"> 15Kaya't sinabi sa kanya ni Delilah, &#8220;Ang sabi mo'y mahal mo ako, hindi pala totoo! Tatlong beses mo na akong niloloko. Bakit ayaw mong sabihin sa akin ang lihim ng iyong lakas?&#8221; 16Araw-araw ay iyon ang inuulit-ulit niya kay Samson hanggang sa mainis ito. 17Kaya, sinabi na niya ang totoo, &#8220;Alam mo, mula sa pagkabata'y inilaan na ako sa Diyos bilang isang Nazareo. Ni minsa'y hindi pa nasasayaran ng panggupit ang aking buhok. Kaya, kapag naputol ang aking buhok, hihina akong tulad ng karaniwang tao.&#8221;</div><div class="p"> 18Nabatid ni Delilah na nagsasabi na ng totoo si Samson, kaya ipinatawag niya ang mga haring Filisteo. Ipinasabi niyang nagtapat na si Samson kaya maaari na silang magbalik sa Sorek. Nagbalik nga roon ang mga pinuno, dala ang perang ibabayad kay Delilah. 19Si Samson naman ay pinatulog ni Delilah sa kanyang kandungan. Nang ito'y mahimbing na, tumawag siya ng isang tao at ginupit ang pitong tirintas ng buhok ni Samson. Nang mawala na ang kanyang kakaibang lakas, ginising ni Delilah si Samson 20at kanyang sinabi, &#8220;Samson! May dumarating na mga Filisteo!&#8221; Nagtangkang bumangon si Samson sapagkat akala niya'y makakawala siyang tulad ng dati. Hindi pa niya namamalayang iniwan na siya ni Yahweh. 21Binihag siya ng mga Filisteo at dinukit ang kanyang mga mata. Siya'y dinala nila sa Gaza, tinalian ng tanikalang tanso at pinagtrabaho sa isang gilingan sa loob ng bilangguan. 22Samantala, unti-unting humabang muli ang kanyang buhok.</div><div class="s">Ang Kamatayan ni Samson</div><div class="p"> 23Minsan, nagkatipon ang mga haring Filisteo upang magdiwang at maghandog sa diyus-diyosan nilang si Dagon. Sa kanilang pagdiriwang ay umaawit sila ng, &#8220;Pinagtagumpay tayo ng ating diyos laban kay Samson na ating kaaway.&#8221; 24Nang siya'y makita ng mga taong-bayan, ang mga ito'y umawit din ng, &#8220;Tayo'y pinagtagumpay ng ating diyos laban sa sumira sa ating lupain at pumatay sa marami nating kasamahan.&#8221; 25At sa laki ng kanilang katuwaan, naisipan nilang pagkatuwaan si Samson. Inilabas nila ito sa bilangguan at pinatayo sa pagitan ng dalawang malalaking haligi.</div><div class="p"> 26Sinabi ni Samson sa batang lalaki na umaakay sa kanya, &#8220;Ihawak mo ang aking mga kamay sa mga haligi ng gusaling ito. Gusto kong sumandal doon.&#8221; 27Ang gusali'y napakasikip dahil sa dami ng tao, babae't lalaki, lahat-lahat ay may 3,000. Naroon din ang mga haring Filisteo. Masaya nilang pinagkakatuwaan si Samson.</div><div class="p"> 28At nanalangin si Samson, &#8220;Panginoong Yahweh, mahabag kayo sa akin. Isinasamo kong minsan pa ninyo akong palakasin upang sa pagkakataong ito'y makaganti ako sa mga Filisteo sa pagkadukot nila sa aking mga mata.&#8221; 29Itinukod niya ang kanyang mga kamay sa dalawang haligi sa gitna ng gusali, 30at malakas na sinabi, &#8220;Mamamatay ako ngunit sama-sama tayong mamamatay!&#8221; Ibinuhos niya ang kanyang lakas at itinulak ang mga haligi. Gumuho ito at nabagsakan ang mga pinuno at lahat ng Filisteong naroon. Kaya, ang napatay ni Samson sa oras ng kanyang kamatayan ay mas marami pa kaysa noong siya'y nabubuhay.</div><div class="p"> 31Kinuha ng kanyang mga kapatid at mga kamag-anak ang bangkay ni Samson at inilibing sa puntod ng ama niyang si Manoa, sa pagitan ng Zora at Estaol. Dalawampung taon siyang naging hukom at pinuno ng Israel.</div>
 </div>
 </div>
</div>

One Single Story Bible Themes Part 1Halimbawa

Banal na Kasulatan

Tungkol sa Gabay na ito

Mga Kaugnay na Gabay