BibleProject | Maikling Kurso tungkol kay Apostol Pablo

Mag One-on-One with God

Sa Paghihirap…

BibleProject | Bagong Kasunduan, Bagong Karunungan

Nilikha Tayo in His Image

Prayer

Masayahin ang ating Panginoon

Ang Kahariang Bali-baliktad

Ang Kwento ng Naglayas na Anak

BibleProject | Walang-Hanggang Pag-ibig ng Diyos

<div class="version vid399 iso6393tgl" data-vid="399" data-iso6393="tgl">
 <div class="book bkNUM">
 <div class="chapter ch21" data-usfm="NUM.21">
 <div class="label">21</div><div class="s">Sinalakay ng mga Cananeo ang mga Israelita</div><div class="p"> 1Nabalitaan#Bil. 33:40. ng hari ng Arad, isang haring Cananeo sa timog, na magdaraan sa Atarim ang mga Israelita. Sinalakay niya ang mga ito at nakabihag ng ilan. 2Kaya ang mga Israelita'y gumawa ng panata kay Yahweh. Sabi nila, &#8220;Tulungan ninyo kaming talunin ang mga taong ito at wawasakin namin ang kanilang mga lunsod para sa iyo.&#8221; 3Dininig naman sila ni Yahweh. Kaya, nang mabihag nila ang mga Cananeo ay winasak nga nila ang lunsod ng mga ito, at tinawag nilang Horma#3 HORMA: Sa wikang Hebreo, ang kahulugan ng pangalang ito ay &#8220;pagkawasak&#8221;. ang lugar na iyon.</div><div class="s">Ang mga Makamandag na Ahas</div><div class="p"> 4Mula#Deut. 2:1. sa Bundok ng Hor, nagpatuloy ang mga Israelita patungong Dagat na Pula#4 DAGAT NA PULA: o kaya'y Dagat ng mga Tambo. upang iwasan ang Edom. Subalit nainip sila sa pasikut-sikot na paglalakbay. 5Nagreklamo sila sa Diyos at kay Moises, &#8220;Inilabas mo ba kami sa Egipto upang mamatay lamang sa ilang na ito? Wala kaming makain ni mainom! Suyang-suya na kami sa walang kuwentang pagkaing ito.&#8221; 6Dahil#1 Cor. 10:9. dito, pinadalhan sila ni Yahweh ng mga makamandag na ahas at maraming Israelita ang natuklaw ng mga ito at namatay. 7Kaya, lumapit sila kay Moises. Sinabi nila, &#8220;Nagkasala kami kay Yahweh at sa iyo. Ipanalangin mo kami na kanyang paalisin ang mga ahas na ito.&#8221; Nanalangin nga si Moises para sa Israel 8at ganito ang sagot sa kanya ni Yahweh: &#8220;Gumawa ka ng isang ahas na tanso. Ilagay mo iyon sa dulo ng isang mahabang kahoy. Sinumang natuklaw ng ahas at tumingin doon ay hindi mamamatay.&#8221; 9Ganoon#2 Ha. 18:4; Jn. 3:14. nga ang ginawa ni Moises. Kaya lahat ng natuklaw ng ahas ay tumitingin sa ahas na tanso at hindi nga namamatay.</div><div class="s">Ang Paglalakbay ng Israel sa Palibot ng Moab</div><div class="p"> 10Ang bayang Israel ay nagpatuloy sa paglalakbay at nagkampo sa Obot. 11Mula roon, nagtuloy sila sa mga guho ng Abarim, sa ilang na nasa silangan ng Moab. 12Pag-alis doon, nagpatuloy sila sa Libis ng Zared. 13Buhat naman dito ay nagtuloy sila sa kabila ng Ilog Arnon, isang lugar na nasa pagitan ng lupain ng mga Amoreo at ng mga Moabita. 14Kaya natala sa Aklat ng mga Pakikipagdigma ni Yahweh ang ganito:</div><div class="q1">&#8220;Parang ipu-ipong sinakop niya ang Waheb at ang kapatagan ng Arnon,</div><div class="q1"> 15at ang kataasan hanggang sa kapatagan ng Ar</div><div class="q1">at sa hangganan ng Moab.&#8221;</div><div class="p"> 16Mula sa Arnon, nagpatuloy sila hanggang sa lugar na tinatawag na Balon. Ang lugar na ito'y tinawag na Balon sapagkat dito sila pinahukay ni Yahweh ng balon para makunan ng tubig. 17Umawit sila roon ng ganito:</div><div class="q1">&#8220;Bumukal ka ng tubig, O balon</div><div class="q1">at sa iyo'y awit ang aming tugon,</div><div class="q1"> 18mga pinuno ang humukay sa iyo</div><div class="q1">na ang gamit ay tungkod at setro.&#8221;</div><div class="m">Mula sa ilang na iyon ay nagtuloy sila sa Matana, 19nagdaan ng Nahaliel at Bamot. 20Pag-alis doo'y nagtuloy sila sa isang kapatagang sakop din ng Moab, sa tuktok ng Pisga na nakaharap sa ilang.</div><div class="s">Nalupig ng Israel sina Haring Sihon at Og</div><div class="r">(Deut. 2:26&#8212;3:11)</div><div class="p"> 21Ang mga Israelita'y nagsugo kay Haring Sihon, isang Amoreo. Ipinasabi nila, 22&#8220;Maaari po bang makiraan kami sa inyong lupain? Hindi po kami daraan sa alinmang bukirin o ubasan, ni iinom sa inyong balon. Sa Lansangan ng Hari po kami daraan hanggang sa makalampas kami sa inyong nasasakupan.&#8221; 23Subalit hindi sila pinahintulutan ni Haring Sihon; sa halip, tinipon niya ang kanyang hukbo at sinalakay ang mga Israelita sa Jahaz. 24Ngunit nagwagi ang mga Israelita at nasakop ang kanyang lupain, mula sa Ilog Arnon hanggang Jabok, sa may hangganan ng Ammon. Matitibay ang mga kuta ng Ammon. 25Sinakop ng mga Israelita ang mga lunsod ng mga Amoreo, pati ang Lunsod ng Hesbon at ang mga bayang sakop nito. Pagkatapos, sila na ang nanirahan sa mga lunsod na ito ng mga Amoreo. 26Ang Hesbon ang siyang punong-lunsod ni Haring Sihon na lumupig sa hari ng Moab at sumakop sa lupain nito hanggang Ilog Arnon. 27Kaya ang sabi ng mga mang-aawit,</div><div class="b"></div><div class="q1">&#8220;Halikayo sa Hesbon</div><div class="q1">at muling itayo ang lunsod ni Sihon.</div><div class="q1"> 28Mula#Jer. 48:45-46. #Bil. 31:8; 2 Ped. 2:15-16; Ju. 11. sa Hesbon na lunsod ni Sihon,</div><div class="q1">lumabas na parang apoy ang kanyang hukbo.</div><div class="q1">Tinupok nito ang lunsod ng Ar sa Moab,</div><div class="q1">at nilamon ang kaburulan#28 nilamon ang kaburulan: Sa ibang manuskrito'y ang mga pinuno. ng Arnon.</div><div class="q1"> 29Kawawa ka, Moab, sapagkat ito na ang iyong wakas!</div><div class="q1">Kawawa ka, bayan ng diyos na si Cemos!</div><div class="q1">Ang mga anak mong lalaki ay hinayaan niyang maging pugante.</div><div class="q1">Ang mga anak mong babae ay nabihag ni Sihon na hari ng mga Amoreo.</div><div class="q1"> 30Napuksa pati ang mga sanggol</div><div class="q1">mula sa Hesbon hanggang sa Dibon,</div><div class="q1">mula sa Nasim hanggang sa Nofa na malapit sa Medeba.&#8221;</div><div class="b"></div><div class="p"> 31Nanirahan nga ang mga Israelita sa lupaing nakuha nila sa mga Amoreo. 32Pagkatapos, si Moises ay nagsugo ng mga espiya sa Jazer, at nasakop din nila ito pati ang mga karatig-bayan nito. Pinalayas din nila ang mga Amoreo roon.</div><div class="p"> 33Hinarap naman nila ang Bashan, ngunit nilabanan sila ni Haring Og sa Edrei. 34Sinabi ni Yahweh kay Moises, &#8220;Huwag kang matakot sapagkat ipapalupig ko siya sa iyo. Magagawa mo sa kanya ang ginawa mo kay Haring Sihon ng Hesbon.&#8221; 35Napatay nga nila si Og, ang mga anak nito at ang lahat ng kababayan nito, wala silang itinirang buh&#225;y. Sinakop nila ang lupaing iyon.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkNUM">
 <div class="chapter ch22" data-usfm="NUM.22">
 <div class="label">22</div><div class="s">Ipinatawag ni Balac si Balaam</div><div class="p"> 1Nagpatuloy ng paglalakbay ang mga Israelita at nagkampo sila sa kapatagan ng Moab, sa gawing silangan ng Jordan, sa tapat ng Jerico. 2Ang lahat ng ginawa ng mga Israelita sa mga Amoreo ay hindi lingid kay Haring Balac na anak ni Zippor. Ngunit hindi siya makakilos laban sa mga Israelita sapagkat napakarami ng mga ito. 3Natakot sa mga Israelita ang mga Moabita sapagkat lubhang napakarami ng mga Israelita. 4Kaya sinabi nila sa pinuno ng Midian, &#8220;Uubusin ng mga taong ito ang mga bayan sa paligid natin, tulad ng pag-ubos ng baka sa sariwang damo.&#8221; 5At nagsugo si Haring Balac kay Balaam na anak ni Beor, sa bayan ng Petor, sa may Ilog Eufrates sa lupain ng mga Amaw. Ganito ang kanyang ipinasabi: &#8220;May isang sambayanang dumating buhat sa Egipto. Nasakop na nila ang mga bansa sa paligid namin. Malapit na sila ngayon sa aking lupain. 6Napakarami nila. Magpunta ka agad dito at sumpain mo sila. Siguro malulupig ko sila pagkatapos mong sumpain sapagkat alam kong pinagpapala ang binabasbasan mo at minamalas naman ang mga isinusumpa mo.&#8221;</div><div class="p"> 7Nagpunta ang mga pinuno ng Moab at ng Midian kay Balaam na dala ang pambayad para sumpain nito ang Israel. Sinabi nila ang ipinapasabi ni Balac. 8Ito ang tugon ni Balaam: &#8220;Dito na kayo matulog ngayong gabi para masabi ko agad sa inyo ang anumang sasabihin sa akin ni Yahweh.&#8221; At doon nga sila natulog.</div><div class="p"> 9Itinanong ng Diyos kay Balaam, &#8220;Sino ba 'yang mga taong kasama mo?&#8221;</div><div class="p"> 10Sumagot si Balaam, &#8220;Mga sugo po ni Haring Balac ng Moab na anak ni Zippor. 11Gusto niyang sumpain ko ang sambayanang galing sa Egipto sapagkat nasakop na ng mga ito ang halos lahat ng lupain sa paligid. Baka raw po sa ganoong paraan niya maitaboy sa malayo ang mga iyon.&#8221;</div><div class="p"> 12Sinabi ng Diyos kay Balaam, &#8220;Hindi ka dapat sumama sa mga taong iyan. Huwag mong sumpain ang mga taong tinutukoy nila sapagkat pinagpala ko ang mga iyon.&#8221;</div><div class="p"> 13Kinaumagahan, sinabi ni Balaam sa mga panauhin niya, &#8220;Umuwi na kayo. Ayaw akong pasamahin ni Yahweh sa inyo.&#8221; 14Umuwi nga ang mga pinuno at sinabi kay Haring Balac na ayaw sumama sa kanila ni Balaam.</div><div class="p"> 15Kaya't nagsugong muli si Balac ng mas marami at kagalang-galang na mga pinuno kay Balaam. 16Pagdating doon, sinabi nila, &#8220;Ipinapasabi ni Balac na huwag kang mag-atubili sa pagpunta sa kanya. 17Pagdating mo raw doon, pararangalan ka niyang mabuti at ibibigay sa iyo ang anumang magustuhan mo, sumpain mo lamang ang mga Israelita.&#8221;</div><div class="p"> 18Ang sagot ni Balaam, &#8220;Ibigay man sa akin ni Balac ang lahat ng ginto't pilak sa kanyang palasyo, kahit kaunti'y hindi ko maaaring suwayin ang utos sa akin ni Yahweh na aking Diyos. 19Gayunman, dito na kayo magpalipas ng gabi para malaman natin kung ano pa ang sasabihin sa akin ni Yahweh.&#8221;</div><div class="p"> 20Kinagabihan, lumapit ang Diyos kay Balaam at sinabi sa kanya, &#8220;Sumama ka sa kanila ngunit ang ipinapasabi ko lamang sa iyo ang sasabihin mo.&#8221;</div><div class="s">Ang Anghel at ang Asno ni Balaam</div><div class="p"> 21Kinabukasan ng umaga, inihanda ni Balaam ang kanyang asno at sumama sa mga pinuno ni Balac, 22kasama ang dalawa niyang utusan. Nagalit ang Diyos dahil sa pangyayaring ito kaya't hinadlangan ng anghel ni Yahweh ang daraanan ni Balaam. 23Nakatayo sa daan ang anghel, hawak ang kanyang tabak. Nang makita ng asno ang anghel, lumihis ito ng daan at nagpunta sa bukirin. Kaya, pinalo ito ni Balaam at pilit na ibinabalik sa daan. 24Ang anghel naman ni Yahweh ay tumayo sa makitid na daan sa pagitan ng ubasan at ng pader. 25Nang makita siya ng asno, sumiksik ito sa pader at naipit ang paa ni Balaam. Kaya't muli itong pinalo ni Balaam. 26Ngunit ang anghel ay humarang muli sa lugar na wala nang malilihisan ang asno. 27Nang makita na naman siya ng asno, nahiga na lamang ito. Kaya, nagalit si Balaam at muling pinalo ang asno. 28Ngunit pinagsalita ni Yahweh ang asno. Itinanong nito kay Balaam, &#8220;Ano bang kasalanan ko sa iyo? Bakit tatlong beses mo na akong pinapalo?&#8221;</div><div class="p"> 29Sinabi ni Balaam sa asno, &#8220;Pinalo kita sapagkat ginagawa mo akong hangal. Kung may tabak lang ako, baka napatay na kita.&#8221;</div><div class="p"> 30Sinabi ng asno kay Balaam, &#8220;Hindi ba't ako ay iyong asno at sa simula pa'y ako lang ang sinasakyan mo? Ginawa ko na ba ito sa iyo?&#8221;</div><div class="p">&#8220;Hindi!&#8221; sagot ni Balaam.</div><div class="p"> 31Sa sandaling ito'y ipinakita ni Yahweh kay Balaam ang anghel na nakatayo sa daan at may hawak pa ring tabak. Kaya't nagpatirapa si Balaam. 32Tinanong siya ng anghel ni Yahweh, &#8220;Bakit tatlong beses mo nang pinalo ang iyong asno? Sadyang humaharang ako sa daan sapagkat mali ang binabalak mong gawin. 33Tuwing makikita ako ng asno mo ay lumilihis ito. Pangatlong beses na niyang ginagawa ito. Kung hindi siya lumihis baka napatay na kita, ngunit siya'y hindi ko sasaktan.&#8221;</div><div class="p"> 34Sinabi ni Balaam sa anghel, &#8220;Nagkasala ako. Hindi ko alam na nakatayo kayo sa aking daraanan. Babalik na ako kung hindi ayon sa inyong kalooban ang lakad kong ito.&#8221;</div><div class="p"> 35Sumagot ang anghel, &#8220;Huwag ka nang bumalik. Sumama ka sa kanila ngunit ang sinabi ko sa iyo ang sabihin mo sa kanila.&#8221; At sumama si Balaam sa mga sugo ni Balac.</div><div class="s">Si Balaam at si Balac</div><div class="p"> 36Nang malaman ni Balac na dumarating si Balaam, sinalubong niya ito sa lunsod ng Ar sa may Ilog Arnon sa may hangganan ng Moab. 37Sinabi niya kay Balaam, &#8220;Kailangang-kailangan kita kaya kita ipinatawag. Bakit ngayon ka lang? Akala mo ba'y hindi kita kayang gantimpalaan?&#8221;</div><div class="p"> 38Sumagot si Balaam, &#8220;Naparito nga ako ngunit wala akong maaaring sabihin liban sa ipinapasabi sa akin ng Diyos.&#8221; 39At sila'y magkasamang nagpunta sa lunsod ng Huzot. 40Pagdating doon, si Balac ay naghandog ng baka at tupa. Pagkatapos, pinakain niya si Balaam at ang mga pinunong kasama nila.</div><div class="p"> 41Kinabukasan, isinama ni Balac si Balaam sa Bamot-Baal kung saan ay abot-tanaw na ang ilang mga Israelita.</div>
 </div>
 </div>
</div>

In the WordHalimbawa

Banal na Kasulatan

Tungkol sa Gabay na ito

Mga Kaugnay na Gabay