Ang Kahariang Bali-baliktad

Nilikha Tayo in His Image

BibleProject | Walang-Hanggang Pag-ibig ng Diyos

Prayer

Masayahin ang ating Panginoon

Mag One-on-One with God

Ang Kwento ng Naglayas na Anak

Sa Paghihirap…

BibleProject | Maikling Kurso tungkol kay Apostol Pablo

BibleProject | Bagong Kasunduan, Bagong Karunungan

<div class="version vid399 iso6393tgl" data-vid="399" data-iso6393="tgl">
 <div class="book bkEXO">
 <div class="chapter ch3" data-usfm="EXO.3">
 <div class="label">3</div><div class="s">Tinawag ng Diyos si Moises</div><div class="p"> 1Samantala, habang nagpapastol si Moises ng kawan ng biyenan niyang si Jetro na pari sa Midian, itinawid niya ang kawan sa gawing kanluran ng disyerto at nakarating siya sa Sinai,#1 SINAI: o kaya'y Horeb. ang Bundok ng Diyos. 2Doon,#Gw. 7:30-34 ang anghel ni Yahweh ay nagpakita sa kanya na parang apoy na nagmumula sa gitna ng isang mababang punongkahoy. Kitang-kita ni Moises na nagliliyab ang puno ngunit hindi nasusunog. 3Kaya't nasabi niya sa kanyang sarili, &#8220;Nakakapagtaka naman ito! Titingnan ko ngang mabuti kung bakit hindi iyon natutupok gayong nagliliyab.&#8221;</div><div class="p"> 4Nang lalapit na si Moises, tinawag siya ni Yahweh buhat sa nagliliyab na punongkahoy, &#8220;Moises, Moises.&#8221;</div><div class="p">&#8220;Ano po iyon?&#8221; sagot niya.</div><div class="p"> 5Sinabi ng Diyos, &#8220;Huwag kang lumapit. Hubarin mo ang iyong sandalyas sapagkat banal na lugar ang kinatatayuan mo. 6Ako ang Diyos na sinamba ng iyong mga ninuno, ang Diyos ni Abraham, ni Isaac at ni Jacob.&#8221; Tinakpan ni Moises ang kanyang mukha sapagkat natatakot siyang tumingin sa Diyos.</div><div class="p"> 7Sinabi sa kanya ni Yahweh, &#8220;Nakita kong labis na pinahihirapan ng mga Egipcio ang aking bayan. Alam ko ang hirap na kanilang tinitiis at narinig ko ang kanilang pagdaing. 8Kaya't bumab&#226; ako upang sila'y iligtas, ilabas sa Egipto at ihatid sa lupaing mainam, malawak, mayaman, at sagana sa lahat ng bagay. Ito'y ang lupain ng mga Cananeo, Heteo, Amoreo, Perezeo, Hivita at Jebuseo. 9Naririnig ko nga ang pagdaing ng aking bayan at nakikita ko ang pang-aaping ginagawa sa kanila ng mga Egipcio. 10Kaya't papupuntahin kita sa Faraon upang ilabas mo sa Egipto ang aking bayang Israel.&#8221;</div><div class="p"> 11Sumagot si Moises, &#8220;Sino po ako para humarap sa Faraon at ilabas ang bayang Israel mula sa Egipto?&#8221;</div><div class="p"> 12&#8220;Huwag kang mag-alala, hindi kita pababayaan. At ito ang magiging katibayan na ako ang nagsugo sa iyo: sa bundok ding ito sasambahin ninyo ako kapag nailabas mo na sa Egipto ang aking bayan,&#8221; sabi ng Diyos.</div><div class="p"> 13Sinabi#Exo. 6:2-3 ni Moises, &#8220;Pupunta ako sa mga Israelita at sasabihin sa kanilang ako'y sinugo ng Diyos ng aming ninuno. Ngunit ano po ang sasabihin ko kung itanong nila kung sino ang nagsugo sa akin?&#8221;</div><div class="p"> 14Sinabi#Pah. 1:4, 8 ng Diyos, &#8220;Ako'y si Ako Nga.#14 AKO NGA: Sa wikang Hebreo, ang mga salitang &#8220;Yahweh&#8221; at &#8220;Ako Nga&#8221; ay magkasintunog. Sabihin mo sa mga Israelita na sinugo ka ng Diyos na ang pangalan ay &#8216;Ako Nga&#8217;. 15Sabihin mo sa kanila na sinugo ka ni Yahweh, ng Diyos ng inyong mga ninuno, ang Diyos nina Abraham, Isaac at Jacob. At ito ang pangalang itatawag nila sa akin magpakailanman. 16Lumakad ka na at tipunin mo ang mga pinuno ng Israel. Sabihin mo sa kanilang nagpakita ako sa iyo, akong si Yahweh, ang Diyos ng inyong mga ninunong sina Abraham, Isaac at Jacob. Sabihin mong ako'y bumab&#226; at nakita ko ang ginagawa sa kanila ng mga Egipcio. 17Dahil dito, ilalabas ko sila sa bansang iyon na nagpapahirap sa kanila. Dadalhin ko sila sa isang mayaman at masaganang lupain; ang lupain ng mga Cananeo, ng mga Heteo, ng mga Amoreo, ng mga Perezeo, ng mga Hivita at ng mga Jebuseo.</div><div class="p"> 18&#8220;Papakinggan ka ng aking bayan. Pagkatapos, isama mo ang mga pinuno ng Israel at pumunta kayo sa Faraon. Sabihin mong si Yahweh, ang Diyos ng mga Hebreo, ay nagpakita sa iyo at kayo'y maglalakbay ng tatlong araw papunta sa ilang upang maghandog sa akin. 19Alam kong hindi siya papayag hangga't hindi siya ginagamitan ng kamay na bakal. 20Kaya't paparusahan ko ang buong Egipto sa pamamagitan ng mga kababalaghan. Pagkatapos, papayagan na niya kayong umalis.&#8221;</div><div class="p"> 21Idinugtong#Kar. 10:17 #Exo. 12:35-36 pa ng Diyos, &#8220;Pagagaanin ko sa inyo ang loob ng mga Egipcio upang may madala kayo pag-alis. 22Ang inyong mga kababaihan ay manghihingi ng damit, alahas na ginto o pilak sa kanilang mga Egipciong kapitbahay at sa sinumang Egipciong babaing kasama nila sa bahay. Ipasusuot ninyo ang mga ito sa inyong mga anak. Sa ganitong paraan ay mapapasa-inyo ang ari-arian ng mga Egipcio.&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkEXO">
 <div class="chapter ch4" data-usfm="EXO.4">
 <div class="label">4</div><div class="s">Sinugo ng Diyos si Moises</div><div class="p"> 1Itinanong ni Moises, &#8220;Anong gagawin ko kung hindi makinig sa akin ang mga Israelita at hindi maniwalang nagpakita kayo sa akin?&#8221;</div><div class="p"> 2&#8220;Ano iyang hawak mo?&#8221; tanong sa kanya ni Yahweh.</div><div class="p">&#8220;Tungkod po,&#8221; sagot ni Moises.</div><div class="p"> 3&#8220;Ihagis mo sa lupa!&#8221; utos ni Yahweh. Inihagis nga ito ni Moises sa lupa at ito'y naging ahas, kaya't siya'y tumakbong palayo. 4Sinabi sa kanya ni Yahweh, &#8220;Hawakan mo sa buntot ang ahas.&#8221; Hinawakan nga ni Moises at ito'y naging tungkod muli. 5&#8220;Ganyan ang gagawin mo para maniwala silang nagpakita ako sa iyo, ang Diyos ng inyong mga ninuno, ang Diyos nina Abraham, Isaac at Jacob,&#8221; sabi ni Yahweh.</div><div class="p"> 6&#8220;Ipasok mo ang iyong kamay sa damit mo, sa tapat ng iyong dibdib,&#8221; utos ni Yahweh. Gayon nga ang ginawa ni Moises at nang ilabas niya, ito'y nagkaroon ng sakit sa balat na parang ketong na kasimputi ng niyebe. 7&#8220;Ipasok mo uli,&#8221; utos ni Yahweh at sumunod naman si Moises. Nang ilabas niyang muli ang kanyang kamay, nagbalik na ito sa dati. 8Sinabi ng Diyos, &#8220;Kung ayaw ka pa nilang paniwalaan sa unang kababalaghan, malamang na paniniwalaan ka na nila sa ikalawa. 9Kung ayaw pa rin nilang makinig sa iyo, kumuha ka ng tubig sa Ilog Nilo, ibuhos mo sa lupa at ang tubig na iyon ay magiging dugo.&#8221;</div><div class="p"> 10Sinabi ni Moises kay Yahweh, &#8220;Panginoon, sa mula't mula pa'y hindi po ako mahusay magsalita. Bagama't nangusap ka na sa akin, hanggang ngayo'y pautal-utal pa rin ako kung magsalita.&#8221;</div><div class="p"> 11Sinabi ni Yahweh, &#8220;Sino ba ang gumagawa sa bibig ng tao? Sino ang may kapangyarihan para maging bingi o pipi ang isang tao? At sino rin ba ang nagbibigay ng paningin at nag-aalis nito? Hindi ba't akong si Yahweh? 12Kaya nga, lumakad ka na at tutulungan kita sa pagsasalita at ituturo ko sa iyo ang iyong sasabihin.&#8221;</div><div class="p"> 13&#8220;Yahweh, maaari po bang iba na lang ang inyong suguin?&#8221; sagot ni Moises.</div><div class="p"> 14Dahil dito, nagalit si Yahweh kay Moises. Sinabi niya, &#8220;Hindi ba kapatid mo ang Levitang si Aaron? Alam kong mahusay siyang magsalita. Darating siya at makikipagkita sa iyo; matutuwa siya sa pagkikita ninyo. 15Kausapin mo siya at sabihin mo ang lahat ng dapat niyang sabihin. Tutulungan ko kayo sa pagsasalita at ituturo ko sa inyo ang inyong dapat gawin. 16Siya ang magiging tagapagsalita mo sa mga tao at ikaw ang magiging tagapagsalita ng Diyos na magsasabi naman sa kanya kung ano ang sasabihin niya. 17Dalhin mo ang iyong tungkod sapagkat iyan ang gagamitin mo sa paggawa ng mga kababalaghan.&#8221;</div><div class="s">Bumalik si Moises sa Egipto</div><div class="p"> 18Umuwi si Moises upang magpaalam sa biyenan niyang si Jetro. Sinabi niya, &#8220;Babalik po ako sa Egipto. Dadalawin ko po ang aking mga kamag-anak doon para malaman ko naman kung buh&#225;y pa sila.&#8221; Pumayag naman si Jetro.</div><div class="p"> 19Matapos magpaalam, sinabi ni Yahweh kay Moises, &#8220;Magbalik ka na sa Egipto sapagkat patay nang lahat ang mga taong ibig pumatay sa iyo.&#8221; 20Kaya, isinakay niya sa mga asno ang kanyang asawa't mga anak at naglakbay sila patungong Egipto; dala niya ang kanyang tungkod.</div><div class="p"> 21Sinabi sa kanya ni Yahweh, &#8220;Pagdating mo sa Egipto, gawin mo sa harapan ng Faraon ang mga kababalaghang ipinagagawa ko sa iyo. Binigyan kita ng kapangyarihang gawin ang mga ito. Ngunit patitigasin ko ang puso niya upang hindi niya payagang umalis ang mga tao. 22Kung magkagayon, ganito ang sabihin mo sa kanya: &#8216;Ipinapasabi ni Yahweh, Ang Israel ay aking anak na panganay. 23Payagan#Exo. 12:29 mo siyang umalis para sumamba sa akin. Kapag hindi mo pinayagan, papatayin ko ang iyong panganay.&#8217;&#8221;</div><div class="p"> 24Isang gabi, samantalang namamahinga sina Moises sa kanilang paglalakbay patungong Egipto, nilapitan siya ni Yahweh at pinagtangkaang patayin. 25Kaya't kumuha si Zipora ng isang matalim na bato at tinuli ang kanyang anak. Pagkatapos, ipinahid niya sa mga paa#25 paa: Sa panitikang Hebreo, karaniwang ginagamit ang salitang &#8220;paa&#8221; upang tukuyin ang ari ng lalaki. ni Moises ang pinagtulian, saka sinabi, &#8220;Tunay ngang asawa na kita sa pamamagitan ng dugo ng pagtutuli.&#8221; 26Dahil dito, hinayaan ni Yahweh na mabuhay pa si Moises. Kaya, sinabi ni Zipora kay Moises, &#8220;Naging asawa kita sa pamamagitan ng dugo ng pagtutuli.&#8221;</div><div class="p"> 27Samantala, sinabi ni Yahweh kay Aaron, &#8220;Salubungin mo sa ilang si Moises.&#8221; Sinalubong nga niya si Moises sa Bundok ng Diyos at hinagkan niya nang sila'y magkita. 28Sinabi ni Moises kay Aaron ang lahat ng sinabi sa kanya ni Yahweh, pati ang mga kababalaghang ipinagagawa sa kanya. 29At magkasama silang lumakad upang tipunin ang mga pinuno ng Israel. 30Lahat ng sinabi ni Yahweh kay Moises ay sinabi ni Aaron sa kanila. Pagkatapos, gumawa si Moises ng kababalaghan sa harapan nila 31at naniwala ang buong bayan. Nang marinig nilang sila'y dinalaw ni Yahweh at hindi lingid sa kanya ang pang-aaping ginagawa sa kanila ng mga Egipcio, yumuko sila at sumamba kay Yahweh.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkEXO">
 <div class="chapter ch5" data-usfm="EXO.5">
 <div class="label">5</div><div class="s">Sina Moises at Aaron sa Harapan ng Faraon</div><div class="p"> 1Pagkatapos nito, nagpunta sa Faraon sina Moises at Aaron. Sinabi nila, &#8220;Ipinapasabi ni Yahweh, ang Diyos ng Israel, na payagan ninyong pumunta sa ilang ang kanyang bayang Israel upang magpista bilang parangal sa kanya.&#8221;</div><div class="p"> 2&#8220;Sinong Yahweh? Sino siyang mag-uutos sa akin na payagan kong umalis ang mga Israelita? Wala akong kilalang Yahweh. Hindi! Hindi ko papayagang umalis ang mga Israelita,&#8221; sagot ng Faraon.</div><div class="p"> 3Sinabi nila, &#8220;Nagpakita po sa amin ang Diyos naming mga Hebreo kaya isinasamo naming payagan na ninyo kaming maglakbay nang tatlong araw papunta sa ilang upang maghandog kay Yahweh na aming Diyos. Kung hindi, lilipulin niya kami sa pamamagitan ng sakit o digmaan.&#8221;</div><div class="p"> 4Sinabi ng hari ng Egipto kina Moises at Aaron, &#8220;At bakit ninyo ilalayo ang mga tao sa kanilang trabaho? Bumalik kayo ngayon din sa inyong mga trabaho. 5Mas marami na nga ang mga Hebreo kaysa mga Egipcio, nais pa ninyong tumigil sa pagtatrabaho?&#8221; sabi sa kanila ng Faraon.</div><div class="p"> 6Nang araw ding iyon, ipinatawag ng Faraon ang mga tagapangasiwang Egipcio at ang mga kapatas na Israelita. Sinabi niya, 7&#8220;Huwag na ninyo silang bibigyan ng dayaming ginagamit sa paggawa ng tisa. Hayaan ninyong sila ang manguha ng gagamitin nila. 8At ang dami ng gagawin nila ay tulad din ng dati; huwag babawasan kahit isa. Tinatamad lang ang mga iyan kaya nagpapaalam na maghandog sa kanilang Diyos. 9Lalo ninyong damihan ang kanilang gawain at lalo silang higpitan sa pagtatrabaho para hindi sila makapakinig ng kung anu-anong kasinungalingan.&#8221;</div><div class="p"> 10Pagkasabi nito ng Faraon, lumakad ang mga tagapangasiwang Egipcio at ang mga kapatas. Sinabi nila sa mga tao, &#8220;Ipinapasabi ng Faraon na hindi na kayo bibigyan ng dayami. 11Kayo na ang bahalang manguha ng kailangan ninyo kung saan mayroon, at ang tisang gagawin ninyo araw-araw ay sindami rin ng dati.&#8221; 12Ginalugad ng mga Israelita ang buong Egipto sa paghahanap ng dayami. 13Sila'y inaapura ng mga tagapangasiwa at pilit na pinagagawa ng tisang sindami rin noong sila'y binibigyan pa ng dayami. 14Kapag kulang ang kanilang nagawa, ang mga kapatas na Israelita ay binubugbog ng mga tagapangasiwa, at tinatanong: &#8220;Bakit kakaunti ang nagawa ninyo ngayon?&#8221;</div><div class="p"> 15Dahil dito, pumunta sa Faraon ang mga kapatas at nagreklamo, &#8220;Bakit po naman ninyo kami ginaganito? 16Pinagagawa pa po kami ng tisa ngunit hindi na binibigyan ng dayami. At ngayon po'y binubugbog pa kami, gayong ang mga tauhan ninyo ang may pagkukulang!&#8221;</div><div class="p"> 17Sinabi ng Faraon, &#8220;Mga batugan! Tinatamad lang kayo kaya ninyo hinihiling sa akin na payagan kayong maghandog kay Yahweh. 18Sige, magbalik na kayo sa inyong trabaho. Hindi kayo bibigyan ng dayami, at ang gagawin ninyong tisa ay sindami pa rin ng dati ninyong ginagawa.&#8221;</div><div class="p"> 19Nakita ng mga kapatas ang hirap ng kanilang katayuan nang sabihin sa kanilang sindami rin ng dati ang kanilang gagawin. 20Pag-uwi nila mula sa pakikipag-usap sa Faraon, nakita nila sa daan sina Moises at Aaron na naghihintay sa kanila. 21Sinabi nila sa dalawa, &#8220;Parusahan sana kayo ni Yahweh. Dahil sa ginawa ninyong ito, nagalit sa amin ang Faraon at ang mga tauhan niya. Binigyan pa ninyo sila ng dahilang patayin kami.&#8221;</div><div class="s">Nanalangin si Moises</div><div class="p"> 22Kaya, nanalangin si Moises, &#8220;Yahweh, bakit po ninyo pinahihirapan ng ganito ang inyong bayan? Bakit pa ninyo ako sinugo kung ganito rin lamang ang mangyayari? 23Mula nang makipag-usap ako sa Faraon ay lalo niyang pinahirapan ang inyong bayan, ngunit wala kayong ginagawa upang tulungan sila.&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkEXO">
 <div class="chapter ch6" data-usfm="EXO.6">
 <div class="label">6</div><div class="p"> 1Sinabi ni Yahweh kay Moises, &#8220;Makikita mo ngayon kung ano ang gagawin ko sa Faraon. Hindi lamang siya mapipilitang pumayag na kayo'y umalis, ipagtatabuyan pa niya kayo.&#8221;</div><div class="s">Muling Isinugo si Moises</div><div class="p"> 2Sinabi#Gen. 17:1; 28:3; 35:11; Exo. 3:13-15 ng Diyos kay Moises, &#8220;Ako si Yahweh. 3Nagpakita ako kina Abraham, Isaac at Jacob bilang Makapangyarihang Diyos ngunit hindi ako nagpakilala sa kanila sa pangalang Yahweh. 4Gumawa ako ng kasunduan sa kanila at nangako akong ibibigay sa kanila ang Canaan, ang lupaing tinirhan nila noon bilang mga dayuhan. 5Narinig ko ang daing ng bayang Israel na inaalipin ng mga Egipcio, at hindi ko nalilimutan ang ginawa kong kasunduan sa kanilang mga ninuno. 6Kaya ito ang sabihin mo sa mga Israelita: &#8216;Ako si Yahweh. Ililigtas ko kayo sa pagpapahirap ng mga Egipcio. Ipadarama ko sa kanila ang bigat ng aking kamay; paparusahan ko sila at kayo'y palalayain ko mula sa pagkaalipin. 7Ituturing ko kayong aking sariling bayan at ako ang magiging Diyos ninyo. At makikilala ninyong ako si Yahweh, ang inyong Diyos, ang nagligtas sa inyo sa pagpapahirap ng mga Egipcio. 8Dadalhin ko kayo sa lupaing ipinangako ko kina Abraham, Isaac at Jacob at iyon ay ibibigay ko sa inyo. Ako si Yahweh.&#8217;&#8221; 9Sinabi ito ni Moises sa mga Israelita, ngunit ayaw na nilang maniwala dahil sa panghihina ng loob at dahil sa matinding kahirapang kanilang dinaranas.</div><div class="p"> 10Nang muli silang mag-usap, sinabi ni Yahweh kay Moises, 11&#8220;Pumunta ka sa Faraon, at sabihin mong payagan nang umalis ang mga Israelita.&#8221;</div><div class="p"> 12&#8220;Kung ang mga Israelita ay ayaw makinig sa akin, ang Faraon pa kaya? Ako'y hindi mahusay magsalita.&#8221; sagot ni Moises.</div><div class="p"> 13Ngunit sinabi ni Yahweh kina Moises at Aaron, &#8220;Sabihin ninyo sa mga Israelita at sa Faraon na inatasan ko kayo na ilabas sa Egipto ang mga Israelita.&#8221;</div><div class="s">Ang Pinagmulang Angkan nina Moises at Aaron</div><div class="p"> 14Ito ang mga puno ng pinagmulang angkan nina Moises at Aaron: ang kay Ruben na siyang panganay ni Israel ay sina Enoc, Fallu, Hezron at Carmi. 15Ang kay Simeon ay sina Jemuel, Jamin, Ohad, Jaquin, Zohar at Saul na anak ng isang Cananea. 16Kay#Bil. 3:17-20; 26:57-58; 1 Cro. 6:16-19 Levi naman ay sina Gershon, Kohat at Merari. Si Levi ay nabuhay nang 137 taon. 17Ang naging anak naman ni Gershon ay sina Libni at Seimei. 18Ang kay Kohat naman ay sina Amram, Izar, Hebron at Uziel. Nabuhay si Kohat nang 133 taon. 19Naging anak ni Merari sina Mahali at Musi. Ito ang mga angkan sa lipi ni Levi.</div><div class="p"> 20Napangasawa ni Amram si Jocebed na kapatid ng kanyang ama at naging anak nila sina Aaron at Moises. Si Amram ay nabuhay nang 137 taon. 21Naging anak ni Izar sina Korah, Nefeg at Zicri. 22Ang mga anak naman ni Uziel ay sina Misael, Elzafan at Sitri.</div><div class="p"> 23Napangasawa ni Aaron si Elisabet na kapatid ni Naason at anak ni Aminadab. Naging anak nila sina Nadab, Abihu, Eleazar at Itamar. 24Ang mga anak ni Korah ay sina Asir, Elcana at Abiasaf. Ito ang mga angkan sa lipi ni Korah. 25Napangasawa ni Eleazar na anak ni Aaron ang isang anak ni Futiel at naging anak nila si Finehas. Ito ang mga puno ng angkan ng mga Levita ayon sa kani-kanilang lipi.</div><div class="p"> 26Sina Aaron at Moises ang inutusan ni Yahweh na manguna sa Israel upang mailabas sila sa Egipto ayon sa kani-kanilang lipi. 27Kaya't sinabi nila sa Faraon na palayain ang mga Israelita.</div><div class="s">Inutusan sina Moises at Aaron</div><div class="p"> 28Nang si Moises ay kausapin ni Yahweh sa Egipto, 29ganito ang sinabi sa kanya: &#8220;Ako si Yahweh. Sabihin mo sa Faraon, sa hari ng Egipto, ang lahat ng sinabi ko sa iyo.&#8221;</div><div class="p"> 30Ngunit sumagot si Moises, &#8220;Paano ako papakinggan ng Faraon gayong hindi ako mahusay magsalita?&#8221;</div>
 </div>
 </div>
</div>

In the WordHalimbawa

Banal na Kasulatan

Tungkol sa Gabay na ito

Mga Kaugnay na Gabay