BibleProject | Maikling Kurso tungkol kay Apostol Pablo

Ang Kwento ng Naglayas na Anak

Mag One-on-One with God

Nilikha Tayo in His Image

Prayer

Masayahin ang ating Panginoon

Sa Paghihirap…

BibleProject | Bagong Kasunduan, Bagong Karunungan

Ang Kahariang Bali-baliktad

BibleProject | Walang-Hanggang Pag-ibig ng Diyos

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch17" data-usfm="GEN.17">
 <div class="label">17</div><div class="s">Ang Pagtutuli, Palatandaan ng Kasunduan</div><div class="p"> 1Nang siyamnapu't siyam na taon na si Abram, nagpakita sa kanya si Yahweh at sinabi, &#8220;Ako ang Makapangyarihang Diyos. Sumunod ka sa akin at ingatan mong walang dungis ang iyong sarili habang ikaw ay nabubuhay. 2Ako'y makikipagtipan sa iyo at lubhang pararamihin ko ang iyong lahi.&#8221; 3Pagkarinig nito'y nagpatirapa si Abram. Sinabi pa sa kanya ng Diyos, 4&#8220;Ito ang aking tipan sa iyo: Ikaw ay magiging ama ng maraming bansa. 5Hindi#Ro. 4:17. na Abram ang itatawag sa iyo kundi Abraham,#5 ABRAHAM: Sa wikang Hebreo, ang mga salitang &#8220;Abraham&#8221; at &#8220;ama ng maraming bansa&#8221; ay magkasintunog. sapagkat ngayo'y ginagawa kitang ama ng maraming bansa. 6Pararamihin ko nga ang iyong lahi at magtatatag sila ng mga bansa; at may magiging hari sa kanila.</div><div class="p"> 7&#8220;Tutuparin#Lu. 1:55. ko ang aking pangako sa iyo at sa iyong lahi habang panahon, at ako'y magiging Diyos ninyo. 8Ibibigay#Gw. 7:5. ko sa iyo at sa iyong magiging lahi ang lupaing ito ng Canaan na iyong tinitirhan ngayon bilang isang dayuhan. Ito ang magiging pag-aari nila sa habang panahon, at ako ang kanilang magiging Diyos.&#8221;</div><div class="p"> 9Sinabi pa ng Diyos kay Abraham, &#8220;Ikaw at ang lahat ng susunod mong salinlahi ay dapat maging tapat sa ating kasunduan. 10Ganito#Gw. 7:8; Ro. 4:11. ang inyong gagawin: lahat ng lalaki sa inyo ay tutuliin, 11at iyan ang magiging palatandaan ng ating tipan. 12Lahat ng lalaki na isisilang sa inyong lahi ay tutuliin pagsapit ng ikawalong araw, kasama rito ang mga aliping isinilang sa inyong sambahayan, gayundin ang mga aliping binili sa dayuhan. 13Ang palatandaang ito sa inyong katawan ang magiging katibayan ng ating walang katapusang kasunduan. 14Ang sinumang lalaking hindi tuli ay ititiwalag sa iyong lahi sapagkat hindi siya tumupad sa ating kasunduan.&#8221;</div><div class="p"> 15Sinabi pa rin ng Diyos kay Abraham, &#8220;Hindi na Sarai ang itatawag mo sa iyong asawa kundi Sara#15 SARA: Sa wikang Hebreo, ang kahulugan ng pangalang ito ay &#8220;prinsesa&#8221;. 16sapagkat siya'y pagpapalain ko. Magkakaanak ka sa kanya at siya'y magiging ina ng maraming bansa; may magiging hari mula sa kanyang mga salinlahi.&#8221;</div><div class="p"> 17Muling nagpatirapa si Abraham, ngunit napatawa siya nang kanyang maisip na siya'y matanda na. Nasabi niya sa sarili, &#8220;Magkakaanak pa ba ang isang lalaki na sandaang ta&#243;ng gulang na? At si Sara! Maglilihi pa ba siya gayong siya'y siyamnapung taon na?&#8221; 18At sinabi niya sa Diyos, &#8220;Bakit hindi na lang po si Ismael ang magmana ng mga ipinangako ninyo sa akin?&#8221;</div><div class="p"> 19Kaya't sumagot ang Diyos, &#8220;Hindi; ang asawa mong si Sara ay magkakaanak ng isang lalaki at tatawagin mo siyang Isaac.#19 ISAAC: Sa wikang Hebreo, ang kahulugan ng pangalang ito ay &#8220;siya'y tumawa&#8221;. Makikipagtipan ako sa kanya at sa kanyang lahi magpakailanman. 20Tungkol naman kay Ismael, ipagkakaloob ko ang kahilingan mo: Pagpapalain ko siya at pararamihin ko rin ang kanyang lahi. Magkakaanak siya ng labindalawang prinsipe, at magiging bansang makapangyarihan ang kanyang salinlahi. 21Ngunit ang aking tipan sa iyo ay matutupad kay Isaac, na isisilang ni Sara sa isang taon, sa ganito ring panahon.&#8221; 22Pagkasabi nito, nilisan ng Diyos si Abraham.</div><div class="p"> 23Nang araw ring iyon, ayon sa utos ng Diyos, tinuli ni Abraham si Ismael at lahat ng lalaki sa kanyang sambahayan, maging ang aliping ipinanganak doon o binili. 24Si Abraham ay siyamnapu't siyam na taon na nang tuliin, 25si Ismael naman ay labingtatlo. 26Tinuli sila sa parehong araw, 27at noon ding araw na iyon tinuli ang kanyang mga alipin.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkGEN">
 <div class="chapter ch18" data-usfm="GEN.18">
 <div class="label">18</div><div class="s">Ipinangako ang Pagsilang ni Isaac</div><div class="p"> 1Nagpakita si Yahweh kay Abraham sa may tabi ng mga sagradong puno ni Mamre. Noo'y kainitan ng araw at nakaupo siya sa pintuan ng kanyang tolda. 2Walang#Heb. 13:2. anu-ano'y may nakita siyang tatlong lalaking nakatayo sa di kalayuan. Patakbo niyang sinalubong ang mga ito, at sa kanila'y yumuko nang halos sayad sa lupa ang mukha, 3at sinabi, &#8220;Mga ginoo, kung inyong mamarapatin, tumuloy po muna kayo sa amin. 4Magpahinga muna kayo rito sa lilim ng puno, at ikukuha ko kayo ng tubig na panghugas sa inyong mga paa. 5Ipaghahanda ko na rin kayo ng makakain para lumakas kayo bago kayo maglakbay. Ikinagagalak ko kayong paglingkuran habang naririto kayo sa amin.&#8221;</div><div class="p">Sila'y tumugon, &#8220;Salamat, ikaw ang masusunod.&#8221;</div><div class="p"> 6Dali-daling pumasok sa tolda si Abraham at sinabi kay Sara, &#8220;Dali, kumuha ka ng tatlong takal ng magandang harina, at gumawa ka ng tinapay.&#8221; 7Pumili naman si Abraham ng isang matabang guya mula sa kawan, at ipinaluto kaagad sa isang alipin. 8Kumuha rin siya ng keso at gatas, kasama ang nilutong karne, at inihain sa mga panauhin. Hindi siya lumalayo sa tabi ng mga panauhin habang kumakain ang mga ito.</div><div class="p"> 9Tinanong nila si Abraham, &#8220;Nasaan ang asawa mong si Sara?&#8221;</div><div class="p">&#8220;Naroon po sa tolda,&#8221; sagot naman niya.</div><div class="p"> 10Sinabi#Ro. 9:9. ng isa sa mga panauhin, &#8220;Babalik ako sa isang taon, sa ganito ring panahon, at pagbalik ko'y may anak na siya.&#8221;</div><div class="p">Noon ay kasalukuyang nakikinig si Sara sa may pintuan ng tolda sa likuran ng panauhin. 11Ang mag-asawang Abraham at Sara ay parehong matanda na at hindi na nga dinaratnan si Sara. 12Lihim#1 Ped. 3:6. na natawa si Sara at nagwika sa sarili, &#8220;Ngayong ako'y matanda na pati ang aking asawa, masisiyahan pa kaya ako sa pakikipagtalik?&#8221;</div><div class="p"> 13&#8220;Bakit natawa si Sara, at nagsabing kung kailan pa siya tumanda saka siya magkakaanak?&#8221; tanong ni Yahweh kay Abraham. 14&#8220;Mayroon#Lu. 1:37. bang hindi kayang gawin si Yahweh? Tulad ng sinabi ko, babalik ako sa isang taon at pagbalik ko'y may anak na siya.&#8221;</div><div class="p"> 15Dahil sa takot, nagkaila si Sara at ang wika, &#8220;Hindi po ako tumawa.&#8221;</div><div class="p">Ngunit sinabi niya, &#8220;Huwag ka nang magkaila, talagang tumawa ka.&#8221;</div><div class="s">Nanalangin si Abraham Alang-alang sa Sodoma</div><div class="p"> 16Pagkatapos, umalis ang tatlong lalaki at inihatid sila ni Abraham hanggang sa isang dako na natatanaw na ang Sodoma. 17Sinabi ni Yahweh, &#8220;Hindi ko dapat ilihim kay Abraham ang aking gagawin, 18sapagkat pinili ko siya upang maging ama ng isang malaki at makapangyarihang bansa. Sa pamamagitan niya, ang lahat ng mga bansa sa daigdig ay aking pagpapalain. 19Pinili ko si Abraham upang turuan niya ang kanyang lahi na sumunod sa aking mga utos, sa pamamagitan ng paggawa ng matuwid at pagpapairal ng katarungan. Kapag nangyari iyon, tutuparin ko ang aking pangako sa kanya.&#8221;</div><div class="p"> 20Kaya't sinabi ni Yahweh, &#8220;Katakut-takot na ang sumbong sa akin laban sa Sodoma at Gomorra, at napakalaki ng kanilang kasalanan. 21Kaya't babab&#226; ako roon at aalamin ko kung totoo o hindi ang paratang laban sa kanila.&#8221;</div><div class="p"> 22Umalis nga ang mga lalaki at nagpunta sa Sodoma, ngunit naroon pa rin si Yahweh sa tabi ni Abraham. 23Itinanong ni Abraham, &#8220;Lilipulin po ba ninyo ang lahat ng tao, ang mabubuti kasama ng masasama? 24Sakali pong may limampung mabubuting tao sa lunsod, wawasakin pa rin ba ninyo iyon? Hindi po ba ninyo patatawarin ang lunsod alang-alang sa limampung iyon? 25Naniniwala po akong hindi ninyo idaramay ang mabubuti. Hindi ninyo gagawin iyon sapagkat kung ganito ang mangyayari, parehong magdurusa ang masama at ang mabuti. Hindi ninyo magagawa iyon! Makatarungan ang Hukom ng buong daigdig!&#8221;</div><div class="p"> 26At sumagot si Yahweh, &#8220;Hindi ko wawasakin ang lunsod alang-alang sa limampung mabubuting tao.&#8221;</div><div class="p"> 27&#8220;Ipagpaumanhin po ninyo ang aking kapangahasan,&#8221; wika ni Abraham, &#8220;wala po akong karapatang magsalita sa inyo, sapagkat ako'y isang hamak na tao lamang. 28Kung wala pong limampu, at apatnapu't lima lamang ang mabubuti, wawasakin pa rin ba ninyo ang lunsod?&#8221;</div><div class="p">&#8220;Hindi, hindi ko wawasakin alang-alang sa apatnapu't limang iyon,&#8221; tugon ni Yahweh.</div><div class="p"> 29Nagtanong muli si Abraham, &#8220;Kung apatnapu lamang?&#8221;</div><div class="p">&#8220;Hindi ko wawasakin ang lunsod alang-alang sa apatnapung iyon,&#8221; tugon sa kanya.</div><div class="p"> 30&#8220;Huwag sana kayong magagalit, magtatanong pa ako. Kung tatlumpu lamang ang mabuting tao roon, wawasakin ba ninyo?&#8221;</div><div class="p">Sinagot siya, &#8220;Hindi ko wawasakin ang lunsod alang-alang sa tatlumpung iyon.&#8221;</div><div class="p"> 31Sinabi pa ni Abraham, &#8220;Mangangahas po uli ako. Kung dalawampu na lamang ang mabubuting tao roon?&#8221;</div><div class="p">&#8220;Hindi ko pa rin wawasakin ang lunsod alang-alang sa dalawampung iyon,&#8221; muling sagot sa kanya.</div><div class="p"> 32Sa huling pagkakataon ay nagtanong si Abraham, &#8220;Ito na po lamang ang itatanong ko: Paano po kung sampu lamang ang mabubuting tao roon?&#8221;</div><div class="p">&#8220;Hindi ko pa rin wawasakin ang lunsod alang-alang sa sampung iyon,&#8221; sagot ni Yahweh. 33Pagkasabi nito, umalis na si Yahweh at umuwi naman si Abraham.</div>
 </div>
 </div>
</div>

In the WordHalimbawa

Banal na Kasulatan

Tungkol sa Gabay na ito

Mga Kaugnay na Gabay