Sa Paghihirap…

Pandaigdigang Araw ng Panalangin para sa mga Mag-aaral sa Kolehiyo: 40-Araw na Gabay sa Panalangin

Prayer

BibleProject | Walang-Hanggang Pag-ibig ng Diyos

Ang Kwento ng Naglayas na Anak

BibleProject | Bagong Kasunduan, Bagong Karunungan

Masayahin ang ating Panginoon

BibleProject | Maikling Kurso tungkol kay Apostol Pablo

BibleProject | Mga Sulat ni Juan

Mag One-on-One with God

<div class="version vid399 iso6393tgl" data-vid="399" data-iso6393="tgl">
 <div class="book bk2SA">
 <div class="chapter ch1" data-usfm="2SA.1">
 <div class="label">1</div><div class="s">Ang Pagkamatay ni Saul</div><div class="p"> 1Nang magbalik si David buhat sa matagumpay na pakikidigma laban sa mga Amalekita, tumigil siya ng dalawang araw sa Ziklag. 2Nang sumunod na araw, dumating buhat sa labanan ang isang lalaking punit ang kasuotan at puno ng alikabok ang ulo. Lumapit ito kay David at nagpatirapa bilang pagbibigay-galang. 3&#8220;Saan ka galing?&#8221; tanong ni David.</div><div class="p">&#8220;Tumakas po ako sa kampo ng Israel,&#8221; sagot ng lalaki.</div><div class="p"> 4&#8220;Bakit? Ano bang nangyari?&#8221; tanong ni David.</div><div class="p">&#8220;Umatras po sa labanan ang hukbo at maraming mga kawal ang napatay. Napatay rin po ang mag-amang Saul at Jonatan,&#8221; sagot ng lalaki.</div><div class="p"> 5&#8220;Paano mo nalamang napatay sina Saul at si Jonatan?&#8221; tanong ni David.</div><div class="p"> 6Isinalaysay#1 Sam. 31:1-6; 1 Cro. 10:1-6. ng lalaki ang pangyayari. &#8220;Nagkataon pong ako'y nasa Bundok ng Gilboa. Nakita ko pong hinahabol si Haring Saul ng mga kaaway sakay ng mga karwahe at kabayo. Noon po'y nakasandal siya sa kanyang sibat. 7Nang ako'y kanyang makita, tinanong niya kung sino ako. 8Sinabi ko pong ako'y isang Amalekita. 9Pinalapit po ako at ang sabi, &#8216;Hirap na hirap na ako sa kalagayang ito. Mabuti pa'y patayin mo na ako.&#8217; 10Lumapit naman po ako at pinatay ko nga siya, sapagkat alam kong hindi na rin siya mabubuhay pa dahil sa kanyang tama. Pagkatapos, kinuha ko ang kanyang korona at ang pulseras sa kanyang braso. Heto po't dala ko para sa inyo, panginoon.&#8221;</div><div class="p"> 11Nang marinig ito, pinunit ni David ang kanyang kasuotan; gayundin ang ginawa ng mga kasamahan niya. 12Tumangis sila, nag-ayuno at nagluksa hanggang gabi, sapagkat si Saul, ang anak nitong si Jonatan, at ang iba pang lingkod ni Yahweh sa bansang Israel ay nasawi sa labanan. 13Muling tinanong ni David ang lalaki, &#8220;Tagasaan ka nga ba?&#8221;</div><div class="p">&#8220;Ako po'y anak ng isang dayuhang Amalekita,&#8221; sagot naman nito.</div><div class="p"> 14Sinabi ni David, &#8220;Hindi ka man lamang natakot na patayin ang haring pinili ni Yahweh?&#8221; 15Kaya't inutusan ni David ang isa niyang kabataang tauhan, &#8220;Patayin ang taong ito.&#8221; Iyon nga ang kanyang ginawa. 16At sa harap ng bangkay ay sinabi ni David, &#8220;Ikaw ang dapat sisihin sa iyong pagkamatay sapagkat hinatulan mo ang iyong sarili nang sabihin mong pinatay mo ang haring pinili ni Yahweh.&#8221;</div><div class="s">Dinamdam ni David ang Pagkamatay ng Mag-ama</div><div class="p"> 17Dahil dito, kumanta si David ng isang awit ng pagluluksa bilang alaala kina Saul at sa anak nitong si Jonatan. (18Iniutos#Jos. 10:13. niyang ituro ito sa lahat ng mamamayan ng Juda. Nakasulat ito sa Aklat ni Jaser.)</div><div class="q1"> 19&#8220;Karangalan ng Israel sa burol ay niyurakan,</div><div class="q2">nang mabuwal ang magigiting mong kawal!</div><div class="q1"> 20Dapat itong ilihim, hindi dapat ipaalam,</div><div class="q2">lalo sa Gat, at Ashkelon, sa liwasan at lansangan;</div><div class="q1">kung ito ay mababatid, tiyak na magdiriwang,</div><div class="q2">ang mga Filisteong mga Hentil ang magulang.</div><div class="b"></div><div class="q1"> 21&#8220;Ang lupain ng Gilboa, ang iyong mga bundok, hindi na dapat ulanin, ni bigyan kahit hamog,</div><div class="q2">mga bukid mo'y hindi na makapaghandog.</div><div class="q1">Pagkat sandata ni Saul ay sa iyo nadungisan,</div><div class="q2">na dati-rating makintab, ngayo'y balot ng kalawang.</div><div class="b"></div><div class="q1"> 22&#8220;Ang pana ni Jonatan noo'y hindi nabibigo.</div><div class="q2">Ang kay Saul na sandata ay hindi naigugupo.</div><div class="b"></div><div class="q1"> 23&#8220;Si Saul at si Jonatan ay ulirang mag-ama,</div><div class="q2">sa buhay at kamatayan ay palaging magkasama.</div><div class="q2">Bilis nila'y higit pa sa agila, higit pa kaysa leon ang lakas na taglay nila.</div><div class="b"></div><div class="q1"> 24&#8220;Mga kababaihan ng Israel, kayo'y magsitangis,</div><div class="q2">sa pagpanaw ni Saul na sa inyo'y nagparamit</div><div class="q2">ng magandang kasuotang may hiyas na nakakabit.</div><div class="b"></div><div class="q1"> 25&#8220;Ang magigiting na kawal ay nabuwal sa labanan,</div><div class="q2">ganyan napansin sa burol, nang bumagsak si Jonatan.</div><div class="b"></div><div class="q1"> 26&#8220;Sa pagpanaw mo, kapatid kong Jonatan, ngayon ako'y nagluluksa,</div><div class="q2">pagkat ikaw ay mahal ko at sa iyo'y humahanga.</div><div class="q1">Ang pag-ibig na ukol mo sa akin ay pambihira,</div><div class="q2">mahigit pa sa pag-ibig ng babaing minumutya.</div><div class="b"></div><div class="q1"> 27&#8220;Ang magigiting na kawal sa labana'y nabuwal,</div><div class="q2">ang kanilang mga sandata ay wala na ngayong kabuluhan.&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk2SA">
 <div class="chapter ch2" data-usfm="2SA.2">
 <div class="label">2</div><div class="s">Si David ay Naging Hari ng Juda</div><div class="p"> 1Pagkaraan ng lahat ng ito, sumangguni si David kay Yahweh. &#8220;Pupunta po ba ako sa isa sa mga lunsod ng Juda?&#8221; tanong niya.</div><div class="p">&#8220;Lumakad ka,&#8221; sagot sa kanya ni Yahweh.</div><div class="p">&#8220;Saan pong lunsod?&#8221; tanong ni David.</div><div class="p">&#8220;Sa Hebron,&#8221; sagot ni Yahweh. 2Kaya't#1 Sam. 25:42-43. lumakad si David kasama ang dalawa niyang asawa, sina Ahinoam na Jezreelita, at si Abigail, ang biyuda ni Nabal na taga-Carmel. 3Isinama rin ni David ang kanyang mga tauhan pati ang kani-kanilang pamilya. 4Dumating#1 Sam. 31:11-13. sa Hebron ang mga taga-Juda at binuhusan nila ng langis si David bilang hari ng Juda.</div><div class="p">Nang sabihin nila kay David, &#8220;Ang mga taga-Jabes-gilead ang naglibing kay Saul,&#8221; 5nagpadala siya ng mga tauhan sa mga taong iyon dala ang pagbating, &#8220;Nawa'y pagpalain kayo ni Yahweh sa kagandahang-loob at kabutihang ginawa ninyo sa panginoon ninyong si Saul, nang siya'y inyong ilibing. 6Kamtan nawa ninyo ang pag-ibig at katapatan ni Yahweh, at ako nama'y handang gumanti sa inyong kabutihang ginawa. 7Maging matatag at matapang kayo. Patay na ang inyong haring si Saul at ginawa na akong hari ng mga taga-Juda.&#8221;</div><div class="s">Ginawang Hari ng Israel si Isboset</div><div class="p"> 8Samantala, si Isboset #8 ISBOSET: Sa ibang manuskrito'y Isbaal. na anak ni Saul ay kinuha ni Abner na anak ni Ner, pinuno ng hukbo ni Saul. Siya'y dinala sa Mahanaim, sa kabilang ibayo ng Jordan. 9Doo'y ginawang hari ni Abner si Isboset upang mamuno sa Gilead, sa mga Asureo, sa Jezreel, sa Efraim, sa Benjamin at sa buong Israel. 10Si Isboset na anak ni Saul ay apatnapung taon noon at dalawang ta&#243;ng naghari sa Israel, ngunit si David ang kinilalang hari ng lipi ni Juda. 11Naghari si David roon sa loob ng pito't kalahating taon habang siya'y nanirahan sa Hebron.</div><div class="p"> 12Ang hukbo ni Isboset sa pangunguna ni Abner ay lumabas sa Mahanaim upang pasukin ang Gibeon. 13Ang hukbo naman ni David sa pangunguna ni Joab, na anak ni Zeruias, ay lumabas din mula sa Hebron. Nagtagpo ang dalawang pangkat sa may ipunan ng tubig sa Gibeon at magkatapat na humanay.</div><div class="p"> 14Sinabi ni Abner kay Joab, &#8220;Palabasin mo ang magagaling ninyong tauhan at isa-isang makipagtagisan ng lakas sa mga tauhan namin.&#8221;</div><div class="p">&#8220;Mangyayari ang gusto mo,&#8221; sagot ni Joab. 15Labindalawa sa panig ni David ang isa-isang lumabas at tinapatan naman ng labindalawang Benjaminita sa panig ni Isboset. 16Bawat isa'y kumuha ng katapat, naghawakan sa ulo at nagsaksakan sa tagiliran. Sama-sama silang nagkamatayan, kaya ang lugar na iyon sa Gibeon ay tinawag na Parang ng Patalim. 17Pagkatapos nito'y nagkaroon ng mahigpit na labanan sina Abner kasama ang mga taga-Israel laban sa mga tauhan ni David. Nang araw na iyon, natalo ang hukbo ng Israel na pinangungunahan ni Abner.</div><div class="p"> 18Naroon ang tatlong anak ni Zeruias: sina Joab, Abisai at Asahel. Si Asahel ay simbilis ng usa kung tumakbo. 19Tuluy-tuloy na hinabol niya si Abner. 20Lumingon ito at siya'y tinanong, &#8220;Ikaw ba si Asahel?&#8221;</div><div class="p">&#8220;Oo, ako nga,&#8221; sagot niya.</div><div class="p"> 21Sinabi sa kanya ni Abner, &#8220;Tigilan mo na ako. Iba na ang habulin mo at samsaman ng kanyang dala.&#8221; Ngunit hindi ito pinansin ni Asahel. 22Muling nagsalita si Abner, &#8220;Huwag mo na akong habulin, Asahel. At baka mapatay pa kita. Kapag napatay kita, anong mukhang ihaharap ko sa kapatid mong si Joab?&#8221; 23Ngunit hindi pa rin siya pinansin nito kaya't patalikod niyang isinaksak ang kanyang sibat at tumagos sa likod ni Asahel, at ito'y namatay. Ang lahat ng nakakita sa bangkay ni Asahel ay napapahinto.</div><div class="p"> 24Gayunman, patuloy ring tinugis si Abner ng magkapatid na Joab at Abisai. Nang palubog na ang araw, narating nila ang burol ng Amma, tapat ng Giah, sa daang patungo sa pastulan ng Gibeon. 25Ang mga Benjaminita'y pumanig kay Abner; nagbuo sila ng isang pangkat at humanay sa ibabaw ng burol na iyon. 26Sumigaw si Abner kay Joab, &#8220;Itigil na natin ang patayang ito! Wala itong magandang ibubunga. Patigilin mo na ang iyong mga tauhan sa paghabol sa kanilang mga kamag-anak.&#8221;</div><div class="p"> 27Sumagot si Joab, &#8220;Saksi ko ang Diyos na buh&#225;y. Kung hindi ka nagsalita, hindi ka nila titigilan hanggang umaga.&#8221; 28Kaya't hinipan ni Joab ang trumpeta at ang lahat niyang tauhan ay huminto sa pagtugis sa hukbo ng Israel. At huminto na ang kanilang labanan.</div><div class="p"> 29Pagkatapos, si Abner at ang kanyang mga tauha'y magdamag at hanggang tanghaling naglakad sa Araba. Tumawid sila ng Jordan hanggang sa makarating sa Mahanaim. 30Nagbalik naman si Joab at hindi na itinuloy ang paghabol kay Abner. Nang tipunin ang kanyang hukbo, nalaman niyang kulang ng labingsiyam ang kanyang mga tauhan, bukod pa kay Asahel. 31Sa panig naman ng mga Benjaminita na pinangunahan ni Abner ay 360 ang napatay. 32Inilibing nila si Asahel sa libingan ng kanyang ama sa Bethlehem. Magdamag na naglakad ang mga tauhan ni Joab at mag-uumaga na nang dumating sila sa Hebron.</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bk2SA">
 <div class="chapter ch3" data-usfm="2SA.3">
 <div class="label">3</div><div class="p"> 1Tumagal ang digmaan sa pagitan ng mga tauhan nina David at ng angkan ni Saul. Lumakas nang lumakas ang pangkat ni David samantalang patuloy namang humina ang angkan ni Saul.</div><div class="s">Mga Anak ni David sa Hebron</div><div class="p"> 2Samantalang nasa Hebron, ito ang mga naging anak na lalaki ni David: ang panganay ay si Amnon na anak niya kay Ahinoam. 3Si Quileab ang sumunod na anak naman niya kay Abigail, ang balo ni Nabal. Ang ikatlo'y si Absalom na anak kay Maaca na anak ni Talmai na hari sa Gesur. 4Si Adonias ang ikaapat, anak niya kay Haggit; ang ikalima'y si Sefatias, anak niya kay Abital; 5at ang ikaanim ay si Itream, anak niya kay Egla. Ang mga ito ang naging anak ni David sa Hebron.</div><div class="s">Ang Kasunduan nina Abner at David</div><div class="p"> 6Habang naglalaban ang mga pangkat nina Saul at David, si Abner ang kinilalang pinuno ng mga tauhan ni Saul.</div><div class="p"> 7Minsa'y pinagsabihan ni Isboset si Abner, &#8220;Bakit mo sinipingan si Rizpa, ang anak ni Aya, ang asawang-lingkod ng aking ama?&#8221;</div><div class="p"> 8Nagalit si Abner sa sinabing ito ni Isboset at sumagot siya, &#8220;Anong palagay mo sa akin, isang taksil? Isang lihim na tauhan ng Juda? Hanggang sa araw na ito'y tapat ako sa sambahayan ng iyong amang si Saul, sa kanyang mga kapatid at mga kaibigan. Maging ikaw ay hindi ko ipinagkanulo kay David; bakit pagbibintangan mo ako sa babaing ito? 9Saksi ko ang Diyos; tulungan sana niya ako upang maisakatuparan ang pangako ni Yahweh kay David 10na#1 Sam. 15:28. maalis ang kaharian mula sa sambahayan ni Saul, at maitatag ang paghahari ni David sa Juda, mula sa Dan hanggang Beer-seba.&#8221; 11Hindi nakasagot si Isboset dahil sa takot kay Abner.</div><div class="p"> 12Nagpadala si Abner ng mga sugo kay David sa Hebron at ito ang ipinasabi, &#8220;Kanino nga ba ang lupaing ito? Makipagkasundo ka sa akin at tutulungan kitang mapasaiyo ang buong Israel.&#8221;</div><div class="p"> 13&#8220;Mabuti!&#8221; tugon ni David. &#8220;Papayag ako sa isang kondisyon: Hindi ka muna makikipagkita sa akin hangga't hindi mo nadadala rito si Mical na anak ni Saul.&#8221; 14Samantala,#1 Sam. 18:27. nagpadala rin si David ng mga sugo kay Isboset at ito naman ang ipinasabi, &#8220;Dalhin mo sa akin si Mical, ang napangasawa ko bilang kapalit ng sandaang balat ng pinagtulian ng mga Filisteo.&#8221; 15Kaya't pinahiwalay ni Isboset si Mical sa asawa nito, kay Paltiel na anak ni Lais. 16Sumama si Paltiel hanggang Bahurim, at habang daa'y umiiyak. Ngunit ang lalaki'y pinabalik ni Abner at hindi ito nakatutol.</div><div class="p"> 17Nilapitan ni Abner ang pinuno ng Israel at sinabi, &#8220;Matagal nang hinahangad ninyong maging hari si David. 18Dumating na ang panahon upang matupad iyan. Ganito ang sinabi ni Yahweh tungkol sa kanya: &#8216;Sa pamamagitan ni David, ililigtas ko ang bansang Israel mula sa kamay ng mga Filisteo at iba pa nilang mga kaaway.&#8217;&#8221; 19Kinausap din ni Abner ang lipi ni Benjamin. Pagkatapos, nagpunta siya sa Hebron at sinabi kay David ang pinagkasunduan ng mga Israelita at ng lipi ni Benjamin.</div><div class="p"> 20Nang tanggapin ni David si Abner, may kasama itong dalawampung tauhan. Hinandugan niya ito ng isang salu-salo. 21Sinabi ni Abner kay David, &#8220;Ngayo'y lalakad na ako upang ihandog nang buong-buo ang Israel sa inyong kamahalan. Magpapasakop sila sa inyo at maghari kayo sa kanila ayon sa inyong kagustuhan.&#8221; At mapayapang pinalakad ni David si Abner.</div><div class="s">Pinatay ni Joab si Abner</div><div class="p"> 22Pagkaalis ni Abner, dumating naman mula sa pagsalakay ang mga kawal ni David sa pangunguna ni Joab. Napakarami nilang samsam na dala. 23Nalaman agad ni Joab na si Abner ay nakipagkita sa hari at pinayagan nitong umalis nang payapa. 24Pinuntahan agad ni Joab ang hari at sinabi, &#8220;Bakit po ninyo ginawa ito? Naparito na nga si Abner ay pinakawalan pa ninyo? Ngayo'y wala na siya! 25Hindi ba ninyo kilala si Abner? Naparito siya upang pagtaksilan kayo, gusto lamang niyang tiktikan ang inyong mga ginagawa.&#8221;</div><div class="p"> 26Pagkatalikod sa hari, ipinahabol agad ni Joab si Abner. Inabutan nila ito sa may balon ng tubig sa Sira. Hindi alam ni David ang mga nangyayaring iyon. 27Nang maibalik na sa Hebron si Abner, tinawag ito ni Joab sa may pintuan ng lunsod at kunwari'y mag-uusap lang sila nang sarilinan. Dito niya isinagawa ang paghihiganti sa pagkamatay ng kapatid niyang si Asahel. Sinaksak niya sa tiyan si Abner at ito'y namatay. 28Nang mabalitaan ito ni David, sinabi niya, &#8220;Ako at ang aking kaharian ay walang sagutin sa harap ni Yahweh sa pagkamatay ni Abner. 29Dapat itong panagutan ni Joab at ng kanyang sambahayan. Ang kanyang sambahayan sana'y huwag mawalan ng mga baldado, may sakit na tulo, sakit sa balat na parang ketong, mapapatay sa labanan o mamamatay sa gutom!&#8221; 30Ngunit sa ganoong paraan ginantihan ng magkapatid na Joab at Abisai si Abner dahil sa pagpatay nito kay Asahel sa labanan sa Gibeon.</div><div class="p"> 31Iniutos ni David kay Joab at sa lahat ng kasama nito na punitin ang kanilang mga damit at magsuot ng panluksa bilang pagdadalamhati sa pagkamatay ni Abner. Pati ang Haring David ay nakipaglibing din 32nang si Abner ay ilibing sa Hebron. Umiyak nang malakas ang hari at ang mga taong-bayan. 33Ganito ang awit-pagluluksa ng hari:</div><div class="q1">&#8220;O Abner, dapat ka bang mamatay gaya ng isang tulisan?#33 isang tulisan: o kaya'y isang mangmang.</div><div class="q1"> 34Ikaw naman ay malaya't walang gapos ang mga kamay.</div><div class="q1">Mga paa mo nama'y hindi natatanikalaan,</div><div class="q1">ngunit ikaw ay namatay sa kamay ng mga tampalasan.&#8221;</div><div class="m">Pagkarinig nito'y muling tumangis ang mga tao.</div><div class="p"> 35Hinimok nila si David na kumain kahit bahagya, ngunit sinabi nito: &#8220;Isinusumpa kong hindi ako kakain kahit ano hangga't hindi lumulubog ang araw.&#8221; 36Ang mga tao'y sumang-ayon sa nakita nilang ginawa ni David sapagkat ito'y nakalugod sa kanila, tulad ng iba pang ginawa ng hari. 37Noon nalaman ng buong Israel na walang kinalaman ang hari sa pagkamatay ni Abner. 38Sinabi ng hari sa kanyang mga alipin, &#8220;Hindi ba ninyo nalalamang isang dakilang pinuno ang nawala ngayon sa Israel? 39Kahit na ako'y hari, nanliliit ako at kinikilabutan sa kasamaang ginawa ng mga anak ni Zeruias. Hindi ito maaatim ng aking kalooban. Parusahan nawa sila ni Yahweh!&#8221;</div>
 </div>
 </div>
</div>

In the WordHalimbawa

Banal na Kasulatan

Tungkol sa Gabay na ito

Mga Kaugnay na Gabay